[1] يَا اللّٰهْ! يَا رَبِّنَا! أُسْمَكْ عَظِيمْ فِي كُلَّ الْأَرْض! إِنْتَ وَصَّفْت مَجْدَكْ فَوْق فِي السَّمَاءْ.
[2] الْأَطْفَالْ وَ الْبَرْضَعَوْا مَجَّدَوْا وَ بِمَجِّدِينْهُمْ، // إِنْتَ هَزَمْت عَدُوكْ لِتِسَكِّتْ خُصْمَانَكْ!
[3] وَكِتْ أَنَا شِفْت خَلِيقَةْ سَمَاوَاتَكْ وَ الْقَمَرْ وَ كَتَرَةْ نُجُومَكْ،
[4] أَنَا قُلْت فِي نَفْسِي شُنُو الْإِنْسَانْ وَ مَالَا تِفَكِّرْ فَوْقَهْ؟ وَ بَنِي آدَم، هُو شُنُو وَ مَالَا تِهِمّ بَيَّهْ؟
[5] لَاكِنْ إِنْتَ سَوَّيْتَهْ // تِحِتْ مِنْ الْمَلَائِكَةْ وَ أَنْطَيْتَهْ عَظَمَةْ وَ شَرَفْ.
[6] أَنْطَيْتَهْ سُلْطَةْ لِيَحْكِمْ // فِي كُلَّ مَخْلُوقِينَكْ وَ خَطَّيْت كُلَّ شَيّءْ // تِحِتْ رِجِلَيْنَهْ،
[7] كُلَّ الْغَنَمْ وَ الْبَقَرْ وَ كُلَّ حَيْوَانَاتْ الْكَدَادَةْ
[8] وَ كُلَّ طُيُورْ السَّمَاءْ // وَ حُوتْ الْبَحَرْ وَ كُلَّ شَيّءْ الْعَايِشْ فِي الْأَلْمِي.
[9] يَا اللّٰهْ! يَا رَبِّنَا! أُسْمَكْ عَظِيمْ فِي كُلَّ الْأَرْض!