<كتاب الزَبُور 3

[1] يَا اللّٰهْ! كَتِيرِينْ عُدْوَانِي وَ كَتِيرِينْ يُقُمُّوا ضِدِّي.

[2] وَ كَتِيرِينْ يُقُولُوا فَوْقِي: «مَا فِي نَجَاةْ لَيَّهْ مِنْ الرَّبّ!» وَقْفَةْ.

[3] وَ لَاكِنْ، يَا اللّٰهْ، إِنْتَ دَرَقَتِي، إِنْتَ عَظَمَتِي وَ تَرْفَعْ رَاسِي.

[4] نِنَادِي اللّٰهْ بِحِسّ عَالِي وَ مِنْ جَبَلَهْ الْمُقَدَّسْ، هُو يُرُدّ لَيِّ. وَقْفَةْ.

[5] أَنَا نَرْقُدْ وَ نُنُومْ وَ نُقُمّ أَشَانْ اللّٰهْ سَاعَدْنِي.

[6] أَنَا مَا خَايِفْ مِنْ كَتَرَةْ النَّاسْ الْيِحَوُّقُونِي وَ يَهْجُمُونِي.

[7] يَا اللّٰهْ، قُمّ! نَجِّينِي، يَا إِلٰـهِي! شَدِّقْ كُلَّ عُدْوَانِي وَ كَسِّرْ سُنُونْ الْعَاصِيِينْ!

[8] مِنَّكْ إِنْتَ، يَا اللّٰهْ، تَجِي النَّجَاةْ. خَلِّي بَرَكَتَكْ تُكُونْ فِي شَعَبَكْ. وَقْفَةْ.