[1] مَالَا الْأُمَمْ أَتْمَرَّدَوْا؟ وَ مَالَا الشُّعُوبْ يِلآمَرَوْا // فِي الْمَا عِنْدَهْ فَايْدَةْ؟
[2] مَالَا مُلُوكْ الْأَرْض يِجَهُّزُوا لِلْحَرِبْ؟ وَ مَالَا السَّلَاطِينْ يِشَّاوَرَوْا ضِدّ اللّٰهْ وَ ضِدّ الْهُو مَسَحَهْ // وَ دَرَّجَهْ مَلِكْ؟
[3] وَ قَالَوْا: «يَلَّا! نِحِلُّوا مِنِّنَا قُيُودْهُمْ وَ نِدَفُّقُوا مِنِّنَا جَنَازِيرْهُمْ.»
[4] وَ الْقَاعِدْ فِي الْعَرْش فِي السَّمَاوَاتْ يَضْحَكْ، الرَّبّ يِشَّمَّتْ لَيْهُمْ.
[5] وَ يِحَجِّي لَيْهُمْ بِزَعَلْ وَ بِغَضَبَهْ، يِرَجِّفْهُمْ.
[6] وَ يُقُولْ: «أَنَا اللّٰهْ دَرَّجْت الْمَلِكْ النِّدَوْرَهْ فِي جَبَلِي صَهْيُون الْمُقَدَّسْ.»
[7] وَ نِبَلِّغْ قَرَارْ اللّٰهْ الْبُقُولْ: «إِنْتَ إِبْنِي وَ الْيَوْم، // أَنَا بِقِيتْ أَبُوكْ.
[8] أَطْلُبْ مِنِّي الْأُمَمْ // وَ نَنْطِيهُمْ لَيْك وَرَثَةْ وَ تَمْلُكْ فِي كُلَّ الْأَرْض.
[9] وَ تَحْكِمْ فَوْقهُمْ بِمُلُكْ شَدِيدْ وَ تِكَسِّرْهُمْ مِثِلْ جِرَارْ الطِّينَةْ.»
[10] وَ هَسَّعْ، يَا الْمُلُوكْ، أَبْقَوْا فَاهِمِينْ. أَنْقَرْعُوا، إِنْتُو حُكَّامْ الْأَرْض!
[11] أَخْدُمُوا لِلّٰهْ بِخَوْف وَ أَفْرَحَوْا قِدَّامَهْ وَ أَسْجُدُوا.
[12] كَرُّمُوا إِبْنَهْ، الْمَلِكْ الْهُو عَزَلَهْ وَ بَيْدَا، اللّٰهْ مَا يَزْعَلْ فَوْقكُو. وَ زَعَلَهْ مَا يِدَمِّرْكُو أَشَانْ هُو قَرِيبْ يَزْعَلْ فَوْقكُو. مَبْرُوكْ لِلنَّاسْ الْيَلْجَأَوْا لِلّٰهْ!