[1] ເມື່ອວັນ^ຊະບາໂຕຜ່ານພົ້ນໄປແລ້ວ ມາຣີໄທມັກດາລາ ມາຣີແມ່ຂອງ^ຢາໂກໂບ ແລະ ນາງຊາໂລເມກໍຊື້ເຄື່ອງຫອມ ເພື່ອເອົາໄປຫົດສົງພຣະສົບຂອງ^ພຣະເຢຊູເຈົ້າ.
[2] ໃນວັນອາທິດແຕ່ເຊົ້າພໍຕາເວັນກຳລັງຂຶ້ນ ພວກນາງກໍໄປເຖິງອຸບມຸງນັ້ນ.
[3] ພວກນາງຖາມກັນວ່າ, “ຜູ້ໃດໜໍ ຈະກື່ງກ້ອນຫີນນັ້ນ ອອກຈາກປາກອຸບມຸງໃຫ້ພວກເຮົາ?”
[4] ແຕ່ພໍເມື່ອພວກນາງແນມເບິ່ງ ກໍເຫັນວ່າຫີນກ້ອນໃຫຍ່ນັ້ນ ຖືກກຶ່ງອອກໄປໄວ້ທາງຂ້າງແລ້ວ (ເພາະເປັນຫີນກ້ອນໃຫຍ່ຫລາຍ).
[5] ເມື່ອພວກນາງເຂົ້າໄປໃນອຸບມຸງແລ້ວ ກໍໄດ້ເຫັນຊາຍໜຸ່ມຜູ້ໜຶ່ງ ນຸ່ງເສື້ອລ່າມສີຂາວນັ່ງຢູ່ເບື້ອງຂວາ ພວກນາງກໍມີຄວາມ^ສະທ້ານຢ້ານກົວ ຕົກໃຈຫລາຍ.
[6] ຊາຍໜຸ່ມກ່າວແກ່ພວກນາງວ່າ, “ຢ່າສູ່ຕົກໃຈເລີຍ ພວກນາງມາຊອກຫາເຢຊູໄທນາຊາເຣັດ ຜູ້ຖືກຄຶງໄວ້ທີ່ໄມ້ກາງແຂນ ພຣະອົງເປັນຄືນມາແລ້ວ ພຣະອົງບໍ່ໄດ້ຢູ່ທີ່ນີ້ ເພາະນີ້ແຫລະ ບ່ອນທີ່ພວກເຂົາວາງພຣະສົບຂອງ^ພຣະອົງໄວ້
[7] ບັດນີ້ ຈົ່ງໄປບອກພວກສາວົກຂອງ^ພຣະອົງພ້ອມທັງເປໂຕດ້ວຍ ວ່າ, ‘ພຣະອົງຈະໄປຍັງແຂວງຄາລີເລກ່ອນເຈົ້າ^ທັງຫລາຍ. ເຈົ້າ^ທັງຫລາຍຈະເຫັນພຣະອົງໃນທີ່ນັ້ນ ຕາມທີ່ພຣະອົງໄດ້ບອກພວກເຈົ້າໄວ້ແລ້ວ.’”
[8] ສະນັ້ນ ພວກນາງຈຶ່ງຟ້າວແລ່ນອອກໄປຈາກອຸບມຸງ ທັງວຸ້ນວາຍສັບສົນ ຈົນຕົວສັ່ນເຊັນ ແລະຫວາດກົວ. ພວກນາງບໍ່ໄດ້ບອກເລື່ອງນີ້ສູ່ຜູ້ໃດຟັງເພາະຢ້ານ. [
[9] ເມື່ອຮຸ່ງເຊົ້າຂອງ^ວັນອາທິດ ຫລັງຈາກພຣະເຢຊູເຈົ້າ ເປັນຄືນມາຈາກຕາຍແລ້ວ ພຣະອົງໄດ້ປາກົດແກ່ນາງມາຣີໄທມັກດາລາເປັນຜູ້ທຳອິດ ຄືຜູ້ທີ່ພຣະອົງໄດ້ຂັບໄລ່ຜີມານຮ້າຍເຈັດໂຕອອກນັ້ນ.
[10] ນາງຈຶ່ງໄປບອກພວກທີ່ເຄີຍຢູ່ກັບພຣະອົງ ພວກເຂົາກຳລັງໄວ້ທຸກ ແລະຮ້ອງໄຫ້ຢູ່,
[11] ເມື່ອພວກເຂົາໄດ້ຍິນວ່າພຣະເຢຊູເຈົ້າມີຊີວິດຢູ່ ແລະທັງໄດ້ຍິນນາງເວົ້າວ່າ ຕົນໄດ້ເຫັນພຣະອົງດ້ວຍ ພວກເຂົາກໍບໍ່ໄດ້ເຊື່ອ.
[12] ຫລັງຈາກນັ້ນແລ້ວ ພຣະເຢຊູເຈົ້າກໍໄດ້ປາກົດໃນລັກສະນະໜຶ່ງອີກ ແກ່ສາວົກສອງຄົນ ໃນຂະນະທີ່ພວກເພິ່ນເດີນທາງອອກໄປບ້ານນອກ.
[13] ທັງສອງໄດ້ກັບຄືນມາບອກສາວົກຄົນອື່ນໆ, ແຕ່ພວກເພິ່ນກໍຍັງບໍ່ເຊື່ອ.
[14] ພາຍຫລັງນັ້ນ ພຣະເຢຊູເຈົ້າກໍໄດ້ປາກົດແກ່ສາວົກສິບເອັດຄົນ ໃນຂະນະທີ່ພວກເພິ່ນກຳລັງກິນເຂົ້າຢູ່ ພຣະອົງໄດ້ຕຳໜິຕິຕຽນພວກເພິ່ນທີ່ສົງໄສ ແລະດື້ດ້ານທັງບໍ່ເຊື່ອພວກຄົນທີ່ໄດ້ເຫັນພຣະອົງມີຊີວິດຢູ່.
[15] ແລ້ວພຣະອົງກໍໄດ້ສັ່ງພວກເພິ່ນວ່າ, “ເຈົ້າ^ທັງຫລາຍຈົ່ງໄປທົ່ວໂລກ ປະກາດຂ່າວປະເສີດແກ່ມະນຸດສະໂລກທັງໝົດ.
[16] ຜູ້ທີ່ເຊື່ອ ແລະຮັບບັບຕິສະມາຈະໄດ້ພົ້ນ ຜູ້ທີ່ບໍ່ເຊື່ອຈະຖືກໂທດ.
[17] ແລະໝາຍສຳຄັນເຫລົ່ານີ້ຈະຕິດຕາມຄົນທີ່ເຊື່ອດັ່ງນີ້ຄື: ພວກເຂົາຈະຂັບໄລ່ຜີມານຮ້າຍອອກໄດ້ໃນນາມຂອງເຮົາ ພວກເຂົາຈະເວົ້າພາສາແປກໆໄດ້,
[18] ພວກເຂົາຈະຈັບງູ ຫລືດື່ມຂອງ^ມີພິດຢ່າງໜຶ່ງຢ່າງໃດ ສິ່ງເຫລົ່ານີ້ຈະບໍ່ເປັນອັນຕະລາຍແກ່ພວກເຂົາ ເມື່ອພວກເຂົາວາງມືໃສ່ຄົນປ່ວຍ ແລະຄົນປ່ວຍນັ້ນກໍຈະຫາຍດີ.”
[19] ເມື່ອອົງ^ພຣະເຢຊູເຈົ້າໄດ້ກ່າວແກ່ພວກເຂົາແລ້ວ ພຣະອົງກໍຖືກຮັບຂຶ້ນສູ່ຟ້າສະຫວັນ ນັ່ງທີ່ເບື້ອງຂວາພຣະຫັດຂອງ^ພຣະເຈົ້າ.
[20] ແລ້ວພວກສາວົກເຫລົ່ານັ້ນ ກໍອອກໄປປະກາດຂ່າວປະເສີດທົ່ວທຸກທີ່ທຸກບ່ອນ ແລະອົງພຣະ^ຜູ້^ເປັນເຈົ້າໄດ້ຮ່ວມງານກັບພວກເພິ່ນ ແລະພຣະອົງໄດ້ຢັ້ງຢືນໃຫ້ເຫັນວ່າ ການປະກາດຂ່າວປະເສີດຂອງ^ພວກເພິ່ນ ເປັນຄວາມຈິງແທ້ ດ້ວຍໝາຍສຳຄັນ ແລະການອັດສະຈັນຕ່າງໆທີ່ເກີດຂຶ້ນນັ້ນ.] 23-Apr-2008@14:39, Backup Description=24-Apr-2008@02:36, Bounthanh -Bounveune 22-Jul-2009@18:43, Backup Description=19-Aug-2009@11:28, Le Khac Tam - 01-Sep-2009@13:06, Backup Description=31-Jul-2009@08:50, Bounthanh - 20-ต.ค.-2552@10:41, Backup Description=15-Sep-2009@14:35, Bounveun - 19-พ.ย.-2552@09:28, Backup Description=17-พ.ย.-2552@09:49, BOUNTHANH - 01-ม.ค.-2547@06:01, Backup Description=23-Mar-2010@15:39, Le Khac Tam - 01-ม.ค.-2547@00:19, Backup Description=16-Sep-2010@15:11, Le Khac Tam -