[1] ບັດນີ້ ກ່ຽວກັບຊັບ ຊຶ່ງມີການແຜ່ ເພື່ອສົງເຄາະແກ່ໄພ່ພົນຂອງ^ພຣະເຈົ້ານັ້ນ ພວກເຈົ້າຕ້ອງປະຕິບັດຕາມທີ່ເຮົາໄດ້ສັ່ງໃຫ້ບັນດາຄຣິສຕະຈັກໃນແຂວງຄາລາເຕຍປະຕິບັດ.
[2] ທຸກໆວັນຕົ້ນອາທິດໃດ ໃຫ້ແຕ່ລະຄົນໃນພວກເຈົ້າຈັດຊັບໄວ້ຕ່າງຫາກ ຕາມຊັດສ່ວນທີ່ພວກເຈົ້າຫາມາໄດ້ ແລະສະສົມໄວ້ນັ້ນ ເພື່ອວ່າ ເມື່ອເຮົາມາເຖິງຈະບໍ່ຕ້ອງມີການແຜ່ເກັບເອົາ.
[3] ເມື່ອເຮົາມາເຖິງ ເຮົາຈະມອບຈົດໝາຍແນະນຳຕົວໃຫ້ແກ່ບັນດາຜູ້ທີ່ພວກເຈົ້າເຫັນຊອບ ແລະໃຊ້ພວກເຂົານຳຊັບຊຶ່ງພີ່ນ້ອງຖວາຍນັ້ນ ໄປຍັງນະຄອນເຢຣູຊາເລັມ.
[4] ຖ້າເຫັນສົມຄວນໃຫ້ເຮົາເອງໄປ ຄົນເຫລົ່ານັ້ນກໍຈະໄປກັບເຮົາ.
[5] ເຮົາຈະມາຫາພວກເຈົ້າ ເມື່ອເຮົາໄດ້ຜ່ານແຂວງມາເກໂດເນຍ ເພາະວ່າເຮົາຈຳເປັນຕ້ອງໄດ້ຜ່ານແຂວງນັ້ນ.
[6] ເຮົາອາດຈະພັກຢູ່ກັບພວກເຈົ້າເຫິງເຕີບກໍເປັນໄດ້ ບາງທີຈົນໝົດລະດູໜາວ ແລ້ວເຮົາຈະໄປທາງໃດ ພວກເຈົ້າກໍຈັດສົ່ງເຮົາໄປທາງນັ້ນ.
[7] ເຮົາຢາກພົບພວກເຈົ້າ ບໍ່ແມ່ນພຽງແຕ່ເມື່ອຜ່ານໄປເທົ່ານັ້ນ ຖ້າອົງພຣະ^ຜູ້^ເປັນເຈົ້າເຫັນຊອບ ເຮົາຫວັງທີ່ຈະພັກຢູ່ກັບພວກເຈົ້າເປັນເວລາເຫິງສົມຄວນ.
[8] ແຕ່ເຮົາຈະພັກຢູ່ທີ່ເມືອງເອເຟໂຊ ຈົນເຖິງເທດສະການເພັນເຕຄໍສະເຕ.
[9] ຢູ່ໃນເມືອງນີ້ ເຮົາມີໂອກາດອັນດີທີ່ສຸດສຳລັບດຳເນີນພາລະກິດອັນຍິ່ງໃຫຍ່, ເຖິງແມ່ນວ່າ ມີຜູ້ຕໍ່ຕ້ານຈຳນວນຫລວງຫລາຍກໍຕາມ.
[10] ຖ້າຕີໂມທຽວມາຫາພວກເຈົ້າ ກໍໃຫ້ພວກເຈົ້າຕ້ອນຮັບລາວໄວ້ນຳພວກເຈົ້າຢ່າງເປັນກັນເອງ ເພາະລາວກໍດຳເນີນພາລະກິດຂອງ^ອົງພຣະ^ຜູ້^ເປັນເຈົ້າເໝືອນກັນກັບເຮົາ.
[11] ຢ່າໃຫ້ຜູ້ໃດໝິ່ນປະໝາດລາວ, ແຕ່ໃຫ້ພວກເຈົ້າຊ່ວຍລາວເດີນທາງໄປຕໍ່ຢ່າງສັນຕິສຸກ ເພື່ອວ່າລາວຈະກັບມາຮອດເຮົາ ເພາະເຮົາກຳລັງລໍຖ້າລາວຢູ່ພ້ອມກັບພວກພີ່ນ້ອງ.
[12] ບັດນີ້ ກ່ຽວກັບອາໂປໂລ ຜູ້ເປັນພີ່ນ້ອງນັ້ນ ເຮົາໄດ້ຊູໃຈລາວຢູ່ສະເໝີ ໃຫ້ມາຢ້ຽມຢາມພວກເຈົ້າກັບພີ່ນ້ອງຄົນອື່ນໆ, ແຕ່ລາວຍັງບໍ່ໃຫ້ຄຳໝັ້ນໃຈຢ່າງຄັກແນ່ ວ່າຈະໄປໃນເວລານີ້, ເມື່ອລາວມີໂອກາດແລ້ວຈຶ່ງຈະໄປ.
[13] ຈົ່ງເຝົ້າລະວັງໃຫ້ດີ ຈົ່ງຢືນຢັດຢູ່ຢ່າງໝັ້ນຄົງໃນຄວາມເຊື່ອ ຈົ່ງກ້າຫານ ແລະຈົ່ງເຂັ້ມແຂງ.
[14] ຈົ່ງເຮັດທຸກສິ່ງທຸກຢ່າງດ້ວຍຄວາມຮັກ.
[15] ພວກເຈົ້າກໍຮູ້ສະເຕຟານາກັບຄອບຄົວຂອງ^ລາວ ພວກເຂົາເປັນຊາວຄຣິສຕຽນພວກທຳອິດຢູ່ໃນແຂວງອະຂາຢາ ແລະໄດ້ອຸທິດຕົວພວກເຂົາເອງໃນການບົວລະບັດຮັບໃຊ້ໄພ່ພົນຂອງ^ພຣະເຈົ້າ,
[16] ພີ່ນ້ອງທັງຫລາຍ^ເອີຍ ເຮົາຂໍຕັກເຕືອນພວກເຈົ້າ ໃຫ້ຢູ່ໃຕ້ການນຳພາຂອງ^ຄົນເຫລົ່ານີ້ ແລະຂອງ^ທຸກຄົນທີ່ຮ່ວມງານ ແລະບົວລະບັດຮັບໃຊ້ດ້ວຍຄວາມ^ລຳບາກຮ່ວມກັບພວກເຂົາ.
[17] ເຮົາດີໃຈທີ່ສະເຕຟານາ ຟອກຕູນາໂຕ ແລະ ອະຂາອີໂກໄດ້ມາຍັງທີ່ນີ້ ພວກເຂົາໄດ້ເຮັດແທນໃຫ້ພວກເຈົ້າໃນສິ່ງທີ່ພວກເຈົ້າຂາດຢູ່.
[18] ແລະພວກເຂົາໄດ້ຊູໃຈເຮົາເໝືອນດັ່ງທີ່ພວກເຂົາໄດ້ຊູໃຈພວກເຈົ້ານັ້ນ ພວກເຈົ້າຕ້ອງຮັບຮູ້ຄຸນຄ່າຂອງ^ຄົນເຫລົ່ານັ້ນ.
[19] ຄຣິສຕະຈັກຕ່າງໆໃນແຂວງເອເຊຍ ສົ່ງຄວາມ^ຄິດເຖິງຂອງ^ພວກເຂົາມາຍັງພວກເຈົ້າ, ອາກີລາກັບປີຊະກີລາພ້ອມດ້ວຍຄຣິສຕະຈັກ ທີ່ປະຊຸມກັນຢູ່ໃນເຮືອນຂອງ^ພວກເຂົາ ກໍສົ່ງຄວາມ^ຄິດເຖິງອັນອົບອຸ່ນໃນອົງພຣະ^ຜູ້^ເປັນເຈົ້າ ມາເຖິງພວກເຈົ້າດ້ວຍ.
[20] ພີ່ນ້ອງທຸກຄົນໃນທີ່ນີ້ ກໍຝາກຄວາມ^ຄິດເຖິງມາຍັງພວກເຈົ້າ. ຈົ່ງທັກທາຍປາໄສກັນ ດ້ວຍທຳນຽມຈູບອັນບໍຣິສຸດ.
[21] ເຮົາຂຽນຂໍ້ຄວາມ^ຕໍ່ໄປນີ້ດ້ວຍມືຂອງເຮົາເອງ ດ້ວຍຄວາມ^ຄິດເຖິງ ຈາກໂປໂລ.
[22] ຜູ້ໃດກໍຕາມ ທີ່ບໍ່ຮັກອົງພຣະ^ຜູ້^ເປັນເຈົ້າ ຂໍໃຫ້ຖືກສາບແຊ່ງ ມາຣານາທາ ມີຄວາມໝາຍວ່າ, ຂໍໃຫ້ອົງພຣະ^ຜູ້^ເປັນເຈົ້າຂອງ^ພວກເຮົາ ຈົ່ງສະເດັດມາເທີ້ນ.
[23] ຂໍໃຫ້ພຣະຄຸນຂອງ^ອົງພຣະເຢຊູເຈົ້າ ຈົ່ງສະຖິດຢູ່ກັບພວກເຈົ້າເທີ້ນ.
[24] ຂໍໃຫ້ຄວາມຮັກຂອງເຮົາ ຈົ່ງດຳລົງຢູ່ໃນພວກເຈົ້າທຸກຄົນໃນພຣະຄຣິດເຈົ້າ^ເຢຊູ. 22-Jul-2009@18:43, Backup Description=19-Aug-2009@11:28, Le Khac Tam - 01-Sep-2009@13:06, Backup Description=31-Jul-2009@08:50, Bounthanh - 20-ต.ค.-2552@10:41, Backup Description=15-Sep-2009@14:35, Bounveun - 19-พ.ย.-2552@09:28, Backup Description=17-พ.ย.-2552@09:49, BOUNTHANH - 01-ม.ค.-2547@06:01, Backup Description=23-Mar-2010@15:39, Le Khac Tam - 01-ม.ค.-2547@00:19, Backup Description=16-Sep-2010@15:11, Le Khac Tam -