[1] ພີ່ນ້ອງທັງຫລາຍ^ເອີຍ, ເຮົາຢາກໃຫ້ພວກເຈົ້າເຂົ້າໃຈເລື່ອງຂອງ^ປະທານ ຊຶ່ງມາຈາກພຣະວິນຍານນັ້ນ.
[2] ເຈົ້າ^ທັງຫລາຍກໍຮູ້ຢູ່ວ່າແຕ່ກ່ອນ ເມື່ອພວກເຈົ້າຍັງເປັນຄົນທີ່ບໍ່ເຊື່ອນັ້ນ ພວກເຈົ້າໄດ້ຖືກຊັກນຳໃຫ້ຫລົງໄປຫາຮູບເຄົາຣົບທີ່ປາກບໍ່ເປັນ ຕາມທີ່ມີຜູ້ຊັກນຳໄປນັ້ນ.
[3] ເຫດສະນັ້ນ ເຮົາຢາກໃຫ້ພວກເຈົ້າຮູ້ວ່າ ບໍ່ມີຜູ້ໃດດອກ ທີ່ມີພຣະວິນຍານຂອງ^ພຣະເຈົ້າ ຈະກ່າວວ່າ, “ຂໍໃຫ້ພຣະເຢຊູເຈົ້າຖືກດ່າ” ແລະບໍ່ມີຜູ້ໃດດອກອາດເວົ້າໄດ້ວ່າ, “ພຣະເຢຊູເຈົ້າຊົງເປັນອົງພຣະ^ຜູ້^ເປັນເຈົ້າ” ເວັ້ນໄວ້ແຕ່ຜູ້ທີ່ກ່າວໂດຍພຣະວິນຍານບໍຣິສຸດເຈົ້າ.
[4] ຂອງປະທານຈາກພຣະວິນຍານນັ້ນ ມີຢູ່ຫລາຍຢ່າງດ້ວຍກັນ, ແຕ່ແມ່ນພຣະວິນຍານອົງດຽວກັນ.
[5] ງານຮັບໃຊ້ມີຫລາຍຢ່າງຕ່າງກັນ ແຕ່ມີອົງພຣະ^ຜູ້^ເປັນເຈົ້າອົງດຽວກັນ.
[6] ຄວາມ^ສາມາດໃນການດຳເນີນງານມີຫລາຍຢ່າງຕ່າງກັນ, ແຕ່ແມ່ນພຣະເຈົ້າອົງດຽວກັນ ທີ່ໃຫ້ຄວາມ^ສາມາດແກ່ທຸກຄົນ ສຳລັບງານທີ່ເຂົາຮັບໃຊ້ນັ້ນ.
[7] ການສຳແດງຂອງ^ພຣະວິນຍານມີຢູ່ໃນແຕ່ລະຄົນ ເພື່ອປະໂຫຍດຮ່ວມກັນ.
[8] ພຣະເຈົ້າຊົງປະທານໂດຍທາງພຣະວິນຍານ ໃຫ້ຄົນໜຶ່ງມີຖ້ອຍຄຳທີ່ປະກອບດ້ວຍສະຕິປັນຍາ ແລະໂຜດໃຫ້ຄົນໜຶ່ງອີກ ມີຖ້ອຍຄຳທີ່ປະກອບດ້ວຍວິຊາຄວາມຮູ້, ແຕ່ແມ່ນພຣະວິນຍານອົງດຽວກັນ.
[9] ແລະໃຫ້ຄົນໜຶ່ງມີຄວາມເຊື່ອ ແຕ່ແມ່ນພຣະວິນຍານອົງດຽວກັນ ແລະໂຜດໃຫ້ຄົນໜຶ່ງອີກ ມີຣິດອຳນາດໃຫ້ຄົນດີພະຍາດ ແຕ່ແມ່ນພຣະວິນຍານອົງດຽວ.
[10] ແລະໃຫ້ຄົນໜຶ່ງມີຣິດອຳນາດເຮັດການອັດສະຈັນ ແລະໃຫ້ຄົນໜຶ່ງມີຂອງ^ປະທານໃນການປະກາດພຣະທຳ ແລະໂຜດໃຫ້ຄົນໜຶ່ງອີກຮູ້ສັງເກດວິນຍານຕ່າງໆ ແລະໃຫ້ຄົນໜຶ່ງມີຄວາມ^ສາມາດເວົ້າພາສາແປກໆ ແລະໂຜດໃຫ້ຄົນໜຶ່ງອີກມີຄວາມ^ສາມາດແປພາສາແປກໆ.
[11] ສິ່ງສາລະພັດເຫລົ່ານີ້ ແມ່ນພຣະວິນຍານອົງດຽວກັນຊົງບັນດານ ແລະປະທານແກ່ທຸກຄົນຕາມນໍ້າພຣະໄທຂອງ^ພຣະອົງ.
[12] ເຖິງວ່າຮ່າງກາຍເປັນອັນດຽວ ກໍຍັງມີອະໄວຍະວະຫລາຍສ່ວນ ແລະອະໄວຍະວະເຫລົ່ານັ້ນ ແມ່ນຈະມີຫລາຍສ່ວນ ກໍຍັງເປັນກາຍດຽວກັນສັນໃດ ພຣະຄຣິດກໍຊົງເປັນສັນນັ້ນ.
[13] ເພາະວ່າ ເຖິງແມ່ນພວກເຮົາຈະເປັນຊາດຢິວ ຫລືຄົນຕ່າງຊາດກໍດີ ເປັນຂ້ອຍຂ້າ ຫລືເປັນອິດສະຫລະກໍດີ, ເຮົາທັງຫລາຍໄດ້ຮັບບັບຕິສະມາ ໂດຍພຣະວິນຍານອົງດຽວ ຈຶ່ງເຂົ້າເປັນກາຍອັນດຽວກັນ ແລະພຣະວິນຍານອົງດຽວ ເປັນເໝືອນນໍ້າທີ່ປະທານໃຫ້ເຮົາທຸກຄົນໄດ້ດື່ມ.
[14] ດ້ວຍວ່າ, ຮ່າງກາຍບໍ່ໄດ້ປະກອບດ້ວຍອະໄວຍະວະອັນດຽວ ແຕ່ໄດ້ປະກອບດ້ວຍອະໄວຍະວະຫລາຍອັນ.
[15] ຖ້າຕີນຈະກ່າວວ່າ, “ເພາະຂ້ອຍບໍ່ໄດ້ເປັນມື ຂ້ອຍຈຶ່ງບໍ່ໄດ້ເປັນສ່ວນໃດໃນອະໄວຍະວະຂອງ^ຮ່າງກາຍນັ້ນ.” ແລ້ວຕີນຈະບໍ່ເປັນສ່ວນໃດໃນອະໄວຍະວະຂອງ^ຮ່າງກາຍ ເພາະເຫດທີ່ເວົ້າຢ່າງນັ້ນກໍບໍ່ໄດ້.
[16] ຖ້າຫູຈະກ່າວວ່າ, “ເພາະຂ້ອຍບໍ່ແມ່ນຕາ ຂ້ອຍຈຶ່ງບໍ່ໄດ້ເປັນສ່ວນໃດໃນອະໄວຍະວະຂອງ^ຮ່າງກາຍນັ້ນ.” ຫູຈະບໍ່ໄດ້ເປັນສ່ວນໃດໃນອະໄວຍະວະຂອງ^ຮ່າງກາຍ ເພາະເຫດເວົ້າຢ່າງນັ້ນກໍບໍ່ໄດ້.
[17] ຖ້າອະໄວຍະວະທັງໝົດໃນຮ່າງກາຍເປັນຕາ ການໄດ້ຍິນຈະຢູ່ໃສ? ຖ້າຮ່າງກາຍທັງໝົດເປັນຫູ ການດົມກິ່ນຈະຢູ່ໃສ?
[18] ທີ່ຈິງແລ້ວ ພຣະເຈົ້າໄດ້ຕັ້ງອະໄວຍະວະແຕ່ລະພາກສ່ວນໄວ້ຢູ່ໃນຮ່າງກາຍ ຕາມທີ່ພຣະອົງຊົງພໍພຣະໄທ.
[19] ຖ້າອະໄວຍະວະທຸກສ່ວນໃນຮ່າງກາຍເປັນອັນດຽວກັນ ຮ່າງກາຍຈະມີຢູ່ໃສ?
[20] ທີ່ຈິງ ມີອະໄວຍະວະຫລາຍພາກສ່ວນ ແຕ່ຍັງເປັນຮ່າງກາຍອັນດຽວກັນ.
[21] ຕາຈະເວົ້າແກ່ມືວ່າ, “ຂ້ອຍບໍ່ຕ້ອງການເຈົ້າ” ກໍບໍ່ໄດ້ ຫລືຫົວຈະເວົ້າແກ່ຕີນວ່າ, “ຂ້ອຍບໍ່ຕ້ອງການເຈົ້າ.” ກໍບໍ່ໄດ້.
[22] ທີ່ຈິງ ອະໄວຍະວະສ່ວນທີ່ເຮົາເຫັນວ່າອ່ອນແອ ເຮົາກໍຂາດເສຍບໍ່ໄດ້.
[23] ແລະອະໄວຍະວະສ່ວນທີ່ເຮົາຖືວ່າມີກຽດນ້ອຍ ເຮົາກໍຍັງເຮັດໃຫ້ມີກຽດຫລາຍຂຶ້ນ ແລະອະໄວຍະວະສ່ວນທີ່ບໍ່ໜ້າເບິ່ງນັ້ນ ເຮົາກໍເຮັດໃຫ້ເປັນໜ້າເບິ່ງຫລາຍຂຶ້ນ.
[24] ແລະອະໄວຍະວະສ່ວນທີ່ໜ້າຊົມຢູ່ແລ້ວ ກໍບໍ່ຈຳເປັນຕ້ອງຕົບແຕ່ງອະໄວຍະວະສ່ວນນັ້ນອີກ ພຣະເຈົ້າເອງເປັນຜູ້ຈັດວາງຮ່າງກາຍເຂົ້າກັນຢ່າງນັ້ນ ຊົງໃຫ້ອະໄວຍະວະທີ່ຕໍ່າຕ້ອຍ ໄດ້ຮັບຄວາມນັບຖືຫລາຍຂຶ້ນ.
[25] ເພື່ອບໍ່ໃຫ້ມີການຍາດແຍ່ງກັນໃນຮ່າງກາຍ ແຕ່ໃຫ້ທຸກພາກສ່ວນຫ່ວງໃຍຊຶ່ງກັນແລະກັນ.
[26] ຖ້າອະໄວຍະວະອັນໜຶ່ງເຈັບ ອະໄວຍະວະທັງໝົດກໍເຈັບດ້ວຍກັນ ຖ້າອະໄວຍະວະອັນໜຶ່ງໄດ້ຮັບກຽດ ອະໄວຍະວະທັງໝົດກໍຊົມຊື່ນ^ຍິນດີດ້ວຍກັນ.
[27] ຝ່າຍເຈົ້າ^ທັງຫລາຍເປັນພຣະກາຍຂອງ^ພຣະຄຣິດ ແລະທຸກຄົນເປັນອະໄວຍະວະສ່ວນໜຶ່ງຂອງ^ພຣະກາຍນັ້ນ.
[28] ແລະພຣະເຈົ້າໄດ້ຊົງຕັ້ງບາງຄົນໄວ້ໃນຄຣິສຕະຈັກຄື: ໜຶ່ງແມ່ນອັກຄະສາວົກ ສອງແມ່ນຜູ້^ປະກາດ^ພຣະທຳ ສາມແມ່ນອາຈານ ແລ້ວຕໍ່ຈາກນັ້ນກໍມີຜູ້ເຮັດການອິດທິຣິດຕ່າງໆ ຜູ້ມີອຳນາດໃຫ້ດີພະຍາດ^ໂຣຄາ ຜູ້ອຸປະຖຳ ຜູ້ປົກຄອງ ແລະຜູ້ເວົ້າພາສາແປກໆ.
[29] ບໍ່ແມ່ນທຸກຄົນທີ່ເປັນອັກຄະສາວົກ ຫລືເປັນຜູ້^ປະກາດ^ພຣະທຳ ຫລືເປັນຄູ ອາຈານ ບໍ່ແມ່ນທຸກຄົນທີ່ມີຣິດອຳນາດເຮັດການອັດສະຈັນໄດ້
[30] ຫລືເຮັດໃຫ້ດີພະຍາດໄດ້ ຫລືເວົ້າພາສາແປກໆໄດ້ ຫລືແປພາສານັ້ນໄດ້.
[31] ແຕ່ເຈົ້າ^ທັງຫລາຍ ຈົ່ງຮ້ອນໃຈສະແຫວງຫາຂອງ^ພຣະຣາຊທານອັນສຳຄັນກວ່ານັ້ນ. ແລະເຮົາຈະສຳແດງທາງອັນດີຫລາຍກວ່ານັ້ນອີກ ແກ່ພວກເຈົ້າ.