[1] یِمْ تُسْتُیٜ کُویٜࢽِّیَ، مَرْیَمْ مَغْدَلَا مَرْیَمْ یَ یَعْࢼُوبَیٜیَ سَلُومِیَ لٜجَࢽٜ کَوُدِ کَمِࢽْ عِیسَیٜدْرُو ࢻِدَارُو کٜسِوُو؞
[2] مَوُیٜ یِمْ بُرْوُویٜیَ سُوَ لْࢻْ کْࢽْغَلْ کِلُوُࢽِّیَ، کَوْرِدْرُو لٜىٰرَ؞
[3] کَتّٜࢽْجَࢽْ: «وُࢽْدُ غْلٜ ثِ کَوْرِدْیٜࢽْ کَوْ کُرَدَ أَࢽْدِرُو تْمْبَلْجِ؟» ثَࢽِ؞
[4] أَمَّ کْلَ سَࢻْکٜرَࢽِّیَ، أَکُّو کَوْ مَࢻْࢽْدِدْ تْمْبَلَّدَ کٜرُو؞
[5] کَوْرِدْرُو کَسَرْغَاࢽِّیَ، جَیْرُو لَا کَلْوُ بُلَّ کْمْبُورَمْࢽِࢽْ ࢽَࢻْکَدَ کٜرُو؞ تِیَ کٜرُࢽِّیَ، کَرْوُࢽْجَ تَیْ دَجٜ کَمْغَدَ؞
[6] جَیْرُودْیٜ تَیِرُو: «بَرٜ کَرْوُࢽْدُو کَمْدْࢽِّ! عِیسَى کَمْ ࢽَجَرَتّٜ تِ کَمْ کْسْکَرُو جَجَاࢽَدَ مَࢽُوِ؞ تِ ࢽَ أَدْࢽْ بَوُو، ثِجْࢽَ! أَکُّو ࢽَ تِیَ سْࢽَجَࢽَدَ رُیْوُو!
[7] أَمَّ لٜࢽُواْ ࢻُوُرَوَࢽْجُوَ بِتُرُسَّرُو: ‹تِ ࢽَیِیَ بُرْوُوࢽْجَࢽٜ ثِدِ غَلِلٜىٰرُو لٜجِ؞ ࢽَیِرُو وُلْࢽْجَاࢽَدْ غَیْ، ࢽَدْࢽْ تِیَ رُوِ،› وُلْغْࢽُواْ،» یٜࢽُو؞
[8] دَجِ کَرْوُࢽْجَ کَمْدْࢽَ کَرْ کَرْ لُولُوجَیْیَرُو کَوْرِدْࢽْ ثَلُوٜ ثَغَسٜ لٜىٰرَ؞ جَوْرُو رِجَࢽَ ࢽَࢽْغَرُو، وُࢽْدُمَرُو أَوِمَ وُلْجَغَࢽِّ؞
[9] [مَوُیٜ یِمْ بُرْوُویٜیَ سُوَ لْࢻْ کَرْمُولَࢽْ ثِیٜࢽِّیَ، عِیسَى بُرْوُوࢽْ مَرْیَمْ مَغْدَلَ کَمُ تِلَࢽْ سٜدَࢽْ تُلُرْ دُجْࢽَدْرُو ࢻْلٜیَادَ؞
[10] مَرْیَمْ یٜ لٜجٜ أَمْ ثَلَࢽْ عِیسَىٰ رُوکُّو دَسَاࢽَدْ کَرْوُکُتَّرُو ثٜسِرِدَ ࢽَجِیٜ تَیِرُو وُلْیٜىٰࢽُو؞
[11] أَمَّ عِیسَى رُووَرُو وَلْجْࢽَ یٜ، مَرْیَمْ تِیَ ثُرُࢽَ یٜرُو ࢻَࢽْغٜرَࢽِّیَ، ࢽجَسَرَیْرُو وَیٜرَ؞
[12] ࢽغَوُو أَدْیٜࢽْ جِرِ غَدٜࢽْ عِیسَى أَمْࢽْجَ یِࢽْدِ کَرَارُو لٜدُ ثَدِدْرُو ࢻْلٜیَادَ؞
[13] تَیِ یِࢽْدِدْ یٜ وَلْدَࢽٜ أَمْࢽْجَ غَࢻْثَࢽَدْرُو وُلْیٜىٰرَ، أَمَّ تَیِ یٜیَ ࢽجَسَرَیْرُو وَیٜرَ؞
[14] کُورُو ࢻُوُرَوَࢽْجُ مٜوُࢽْ تِلُوࢽْدْ مَسْࢽَ ثَدِ دُوُوࢽْ، عِیسَى تَیِ یٜرُو ࢻْلٜدِیٜ کْلَ ࢽجَسَرَیْࢽَمْبُࢽْجَا کْلَکِبُّࢽْجَایٜࢽْ تَیِرُو کِکَّدُو، دَلِلْࢽْجُدْ أَمْ ࢽغَوُو ثِجْࢽَیٜࢽْ تِیَ ثَرُࢽَدَ ࢽجَسَرَیْرُو وَیٜرَ؞
[15] دَجِ عِیسَیٜ تَیِرُو: «دُࢽِیَ ࢽغَرُو لٜࢽُواْ، کَوُرِ کْجِ اللَّهیٜدَ أَدَمْغْࢽَ سَمَّرُو وُلْغْࢽُواْ!
[16] کَمْ ثَسَرَࢽٜ تِرُو کَسَلَ ثَدّْࢽَمَدْ ࢽجْکَّوُو ثُوَࢽْدِ، أَمَّ کَمْ ࢽجَسَرَیْرُو وَجْࢽَمَدْ وُواْمْ اللَّهیٜ تِیَ ثْدَیْ؞
[17] أَمْ ثَسَرَࢽَمَدْ أَکُّو أَلَمَ رَکْثَࢽٜ ثَدِدْ: ثُࢽِلَࢽْ سٜدَࢽَّ دُجَیْ، تْلَمْبَ غَدٜ بْرِࢽْ مَࢽَجَیْ،
[18] کَدِ مُکُّوࢽْ ࢽغُوجَیْ؞ سُمْ ثَسَیْیَ، تَیِیَ لُورُجِوَوُو؞ مُکُّوࢽْجَ أَمْ دُوࢽْدِرُو غْࢽَجَغَیْیَ، ࢽَࢽْلٜوَ ثَوَࢽْدِ،» یٜࢽُو؞
[19] کْمَ عِیسَى مَࢽَ أَدَ تَیِرُو ثْدّْࢽَیٜ ࢽغَوُوࢽْ، تِیَ سَمٜرُو ثَادٜ کْمْبُورَمْ اللَّهیٜࢽْ ࢽَࢻْکٜࢽُو؞
[20] تَیِ یٜ لٜجَࢽٜ ࢽدَرَ یَیٜرُو کَوُرِ کْجِ اللَّهیٜدَ وُلْجَغَیْ أَدْغَیْ دُوُوࢽْ، کْمَدْ تَیِیَ بَࢽَجِیٜ أَلَمَ کَدَࢽْ مَࢽَدَ جِرٜرُو تَبَّثِّیے کْرْغَ؞]