[1] ࢻَرِسَوَا مَلْمْبَ أَتَّوْرَیٜ لَآ جٜرُجَلٜمْلَࢽْ إِسَࢽٜ ࢽَ عِیسَیٜࢽْ ثَࢻْکَدَرَࢽِّیَ،
[2] ࢻُوُرَوَࢽْجُ لَا مُکُّوࢽْجَ تَیِرْ غْࢽِࢽْ بْرِ جَوُیْ کٜرُو، مَاࢽَࢽْجُدْ مُکُّوࢽْجَ تُلْجَࢽِّ؞
[3] وُوتّٜ ࢻَرِسَوَدَ یَوْدِیَ سَمَّا أَدَ أَمْوُرَوَࢽْجَیٜیَ جَاࢽٜ مُکُّوࢽْجَ کَلْکَلُّو تُلْجَࢽِّیَ، کْمْبُو جَوُیْوَوُو؞
[4] کَسُوُلَࢽْ إِسَیْیَ، کَسَلْدَࢽِّیَ، کْمْبُو جَوُیْوَوُو؞ کُورُو أَدَ غَدٜ کَدَ ثَدَࢽَ ثَدِ مبٜجِ، غْمْدُواْلُومْ سُو، تَسَ سُو، کُلُو سُو تُلْدَ غَیْ؞
[5] دَجِ ࢻَرِسَوَا مَلْمْبَ أَتَّوْرَیٜیَیٜ عِیسَرُو: «أَوِرُو ࢻُوُرَوَࢽْمْدْ أَدَ أَمْوُرَوَیٜدَ کُولْجَࢽٜ مُکُّوࢽْجَ تَیِرْ غْࢽِࢽْ کْمْبُو جَوُیْدْ؟» ثَࢽٜ تِیَ کٜوُورُو؞
[6] عِیسَیٜ تَیِرُو: «ࢽَیِ مْࢽَࢻْکَّسُو، أَوُو کْمَࢽْدٜ کُرٜࢽْ ثِ ࢽَوِ إِشَیَیٜࢽْ کْلَࢽْدُوࢽْ وُلْجْࢽَدْ جِرٜ، کِتَوُلَࢽْ رُوُوَدَدْ غَیْ؞ تِیٜ: «‹جَمَ أَدْ ثِلَࢽْ وُرُو دَرَجَ سَدِ، أَمَّ کَرْوُࢽْجَࢽْ ࢽَࢽِࢽْ کُرُوُجَࢽَ؞
[7] دٜ سُلُّو وُرُو أَمْبْࢽْسَغَیْ، أَلَمْدُࢽْجَدْ وَدَ کَمْبٜ،› ثْࢽَّ؞
[8] «وَدَ اللَّهیٜ کُولُّوٜ أَدَ کَمْبٜ غَوَّ؞»
[9] کُورُو تَیِرُو: «ࢻَغَتْ، وَدَ اللَّهیٜ وَࢽُوٜ أَدَࢽْدُو غَرُو جَوْرُو ࢽُوࢽُوَّ!
[10] کُرٜࢽْ ࢽَوِ مُوسَیٜ: ‹بَوَࢽْمْبَ یَࢽْمْبَرُو دَرَجَ یٜ!› کُورُو ‹کَمْ دُوُوࢽْ بَوَࢽْجُ بِ یَࢽْجُوَ رُجْࢽَمَدْ، تِیَ رُورُو ثٜىٰسُو!› ثْࢽَّ؞
[11] أَمَّ ࢽَیِیٜ: ‹کَمْ بَوَࢽْجُوَ یَࢽْجُوَرُو: أَوُو ࢽَࢽِࢽْ ࢽُوَࢽْدُورُو تْمَࢽُوَّدَ اللَّهرُو غْࢽَغْکّْࢽَ، ثْࢽِیَ،
[12] بَرٜ غَدٜرُو بَوَࢽْجُوَ یَࢽْجُوَرُو بَࢽَجْغْࢽِّ،› ࢽُوِ؞
[13] أَدْغَیْمَ أَدَࢽْدُو تَتَرْࢽُوٜ مَࢽَ اللَّهیٜدَ بُووُرُو کَلَکّٜوْ؞ کُورُو أَوُو کَدَ جِرِ أَدْ غَیْ دِوِ،» یٜࢽُو؞
[14] کُورُو عِیسَى وَلْدٜ جَمَدَ ࢽَࢽْجُرُو بُواْجٜ تَیِرُو: «ࢽَیِ سَمَّ ࢻَࢽُّواْ، أَسُࢽُواْ!
[15] أَوُو دٜیَلَࢽْ ثُرُو کَمْبٜرُو ࢽغَیٜ کَمْدَ تَیِرْ غْࢽِرُو ثْدِمَ بَوُو، أَمَّ أَوُووَ ثُرُو کَمْبٜࢽْ ثَلُوِدْ، تَیِمَ کَمْدَ تَیِرْ غْࢽِرُو ثَدِ وُو؞
[16] [کَمْ سْمُوࢽْجُوَمَدْ ࢻَࢽْجُو!]»
[17] عِیسَى جَمَدَ کُولْجٜ ࢻَدُورُو کْرْغَاࢽِّیَ، ࢻُوُرَوَࢽْجُدْ کْلَ مِسَلْ أَدْیٜࢽْ تِیَ کٜوُورُو؞
[18] عِیسَیٜ تَیِرُو: «أَ! ࢽَیِ یٜ کْلَ جَکَّدَا وَ؟ أَوِ یَیٜ دٜیَلَࢽْ ثُرُو کَمْبٜرُو ࢽغَاࢽَدْ کَمْدَ تَیِرْ غْࢽِرُو ثْدِوَوُورُو ࢽُوࢽُوِّ وَ؟
[19] دَلِلْࢽْجُدْ کَرْوُࢽْجُرُو غْࢽِ، ثُرُوࢽْجُرُو ࢽغَیٜ تِیࢽْجُیٜࢽْ ثُلُوِ،» یٜࢽُو؞ أَدْغَیْࢽِࢽْ کْمْبُو سَمَّ حَلَلُّو أَسُیٜىٰࢽُو؞
[20] عِیسَیٜ وَلْدٜ تَیِرُو: «أَوُو ثُرُو کَمْبٜࢽْ ثُلُوِدْ، تِمَ کَمْدَ تَیِرْ غْࢽِرُو ثْدِ وُو؞
[21] دَلِلْࢽْجُدْ ࢽِیَدِوِ سُو، جَرَوَ سُو، ࢽَمْبَرْوُ سُو، کَمْ ࢽجٜجُو سُو،
[22] کْࢽْجْࢽَ سُو، مَࢽْغَرْ سُو، ࢽَࢽْکْلَدُو سُو، ثُرُویِࢽْدِ سُو، ࢽَࢽْجَࢽٜ سُو، ࢽَࢽْدْرِ سُو، ࢽغَدَرْ سُو، رُوکُرَ سُو، حَࢽْغَلْࢽَمْبُ سُو کَرْوُ کَمْبٜدْمَࢽْ ثَلُوِ؞
[23] أَوُو دِوِ أَࢽِ سَمَّ ثُرُو کَرْوُدْیٜࢽْ ثَلُوٜ کَمْدَ تَیِرْ غْࢽِرُو ثَدِ،» یٜࢽُو؞
[24] دَجِ عِیسَى ثِجٜ ࢽَدَ کُولْجٜ لَرْدُ بْرْࢽِ تِرّٜیَ سِدُوࢽّٜیَیٜرُو لٜىٰࢽُو؞ بَرٜ وُࢽْدُمَ تِ مبٜجِرُو أَسُجْࢽِّرُو ࢻَدُو لَارُو کْرْغَوُو، أَمَّ غْرَدُࢽْجُدْ یُوجْࢽِّ؞
[25] کَمُ لَا ࢻٜرُوࢽْجُ کْلَیَکُّ کَرُوَا لَوَرْ عِیسَیٜ ࢻَࢽْغٜࢽِّیَ، إِسٜ ࢻُوُࢽْجُࢽْ تُࢽْغُرُمْغٜࢽُو؞
[26] کَمُدْ لَرْدُ غْرٜسّٜ تِیَ ثِدِ سِرِ ࢻٜࢽِسِیٜلَࢽْ کٜسَمْبُو؞ دَجِ عِیسَى سٜدَࢽْدَ ࢻٜرُوࢽْجُلَࢽْ دُجُورُو تِیَ ࢽغْوُرُو لُواْیٜࢽُو؞
[27] عِیسَیٜ تِرُو: «کُولّٜ بُرْوُوࢽْ یَلَّ جَوُو کُلْجَ، کْمْبُو یَلَّیٜدَ ࢽغُوࢽْمٜ کْرِسُورُو ࢽجُودْ جُسّْࢽِّ!» یٜࢽِّیَ،
[28] کَمُدْ تِرُو کَلَکْثِیٜ: «آه، کْمَ؞ أَدْ یَیٜ کْرِسُودْمَ کْمْبُو یَلَّ کُولْجَࢽٜ ثِدِرُو ثُکُّرْࢽَدَ جَوُیْ،» یٜࢽُو؞
[29] دَجِ عِیسَیٜ تِرُو: «کْلَ مَࢽَࢽْمْ أَدْیٜࢽْ لٜࢽٜ، سٜدَࢽْدْ ࢻٜرُوࢽْمْلَࢽْ ثُلُوُࢽَ،» یٜࢽُو؞
[30] أَدْغَیْمَ کَمُدْ ࢻَدُورُو وَلَّدَࢽِّیَ، ࢻٜرُوࢽْجُ کْلَ دْغْلّٜࢽْ بُووَدَ ࢽَیٜىٰࢽُو، کُورُو سٜدَࢽْدْ تِلَࢽْ ثُلُوُࢽَ؞
[31] دَجِ عِیسَى لَرْدُ بْرْࢽِ تِرّٜدَ کُولْجٜ ثِدِ بْرْࢽِ سِدُوࢽّٜىٰࢽْ کُوجٜ بْرْمْ غَلِلٜىٰ ثِدِ بْلَمٜوُدْیٜرُو کَدِیُو؞
[32] ࢽَدْࢽْ تِرُو کَمْ لَا مُوَ یٜ، کْغْࢽْجِ یٜ ثَکُّدٜ عِیسَىٰ لُواْجَࢽٜ مُکُّوࢽْجُ تِرُو غْࢽَجُوُو یٜرَ؞
[33] عِیسَى کَمْدَ دَوُ أَمْ ثَࢻْتَࢽَیٜࢽْ سْغْرِرُو کِتُّلُوُࢽِّیَ، ࢽغُلُوࢽْدُوࢽْجُ ثُرُو سْمُو یِࢽْدِ کَمْدْیٜرُو ثَکّٜ لَلَّرِ تْوَجٜ تْلَمْ کَمْدْیٜیَ لٜىٰࢽُو؞
[34] دَجِ عِیسَى کْلَ سَمٜرُو سَࢻْثٜ ثَࢻْتِیٜ سِࢽْجٜ: «إٜࢻَتَ!» یٜࢽُو، مَاࢽَ إٜࢻَتَیٜدْ ࢻْرْمْدْࢽٜ؞
[35] سَدْمَࢽْ سْمُو کَمْدْیٜ ࢻْرْمْدٜ، أَوُو تْلَمْࢽْجُرُو مَࢽَ دَࢻْثْغْࢽَ یٜ وُیْدٜ، ࢻَرَکُّو مَࢽَدُ بَدِیٜࢽُو؞
[36] عِیسَى أَمْدْرُو وَدَ ثٜ بَرٜ وُࢽْدُمَرُو وُلْجَغَࢽِّ یٜࢽُو؞ أَمَّ وَدَ ثٜ سَࢻْثِیے یَیٜ، ثَیٜمَا کُوجْࢽَرُو مَࢽَجَیْدْمَ؞
[37] أَمْدْ جَوْرُو ࢽَ کُوجْࢽَرُو أَجَࢻْثَࢽٜ: «أَوِسُووَ کَلْکَلُّو ثْدْࢽَ، حَرْ مُوَسُووَ ࢻَࢽْجَیْرُو ثْدِ یٜ، کْغْࢽْجِسُووَ مَࢽَجَیْرُو ثْدِ یٜ!» ثَࢽِ؞