[1] Liá he Â-tông heu-thoi ke chhu̍k-phú. (Song-ti chhóng-chho ngìn ke sṳ̀, he cheu Song-ti ke yong-sṳt chho kì.
[2] Kì chhóng-chho kì-têu, yû-nàm yû-ńg. Kì-têu su-chho ke sṳ̀, Song-ti su-fuk pûn kì-têu, chiông kì-têu ôn-cho “ngìn”.)
[3] Â-tông yit-pak sâm-sṳ̍p se ke sṳ̀, kiung yit-ke lai-é, hìn-siong, yong-sṳt lâu kì chhṳ-kâ chhin siông-chhiong, chhiu lâu kì ôn-to Sai-thi̍t.
[4] Â-tông kiung Sai-thi̍t yî-heu, hàn chhai-sṳ pat-pak ngièn, yu sên-yông chṳ́-ńg.
[5] Â-tông sṳ̍t-to kiú-pak sâm-sṳ̍p se chang ko-sṳ̂n.
[6] Sai-thi̍t yit-pak làng ńg-se ke sṳ̀, kiung Yî-nò-sṳ.
[7] Sai-thi̍t kiung Yî-nò-sṳ yî-heu, hàn chhai-sṳ pat-pak làng chhit-ngièn, yu sên-yông chṳ́-ńg.
[8] Sai-thi̍t sṳ̍t-to kiú-pak yit-sṳ̍p ngi-se chang ko-sṳ̂n.
[9] Yî-nò-sṳ kiú-sṳ̍p se ke sṳ̀, kiung Kâi-nàm.
[10] Yî-nò-sṳ kiung Kâi-nàm yî-heu, hàn chhai-sṳ pat-pak yit-sṳ̍p ńg-ngièn, yu sên-yông chṳ́-ńg.
[11] Yî-nò-sṳ sṳ̍t-to kiú-pak làng ńg-se chang ko-sṳ̂n.
[12] Kâi-nàm chhit-sṳ̍p se ke sṳ̀, kiung Mâ-le̍t-lie̍t.
[13] Kâi-nàm kiung Mâ-le̍t-lie̍t yî-heu, hàn chhai-sṳ pat-pak si-sṳ̍p ngièn, yu sên-yông chṳ́-ńg.
[14] Kâi-nàm sṳ̍t-to kiú-pak yit-sṳ̍p se chang ko-sṳ̂n.
[15] Mâ-le̍t-lie̍t liuk-sṳ̍p ńg-se ke sṳ̀, kiung Ngâ-lie̍t.
[16] Mâ-le̍t-lie̍t kiung Ngâ-lie̍t yî-heu, hàn chhai-sṳ pat-pak sâm-sṳ̍p ngièn, yu sên-yông chṳ́-ńg.
[17] Mâ-le̍t-lie̍t sṳ̍t-to pat-pak kiú-sṳ̍p ńg-se chang ko-sṳ̂n.
[18] Ngâ-lie̍t yit-pak liuk-sṳ̍p ngi-se ke sṳ̀, kiung Yî-nok.
[19] Ngâ-lie̍t kiung Yî-nok yî-heu, hàn chhai-sṳ pat-pak ngièn, yu sên-yông chṳ́-ńg.
[20] Ngâ-lie̍t sṳ̍t-to kiú-pak liuk-sṳ̍p ngi-se chang ko-sṳ̂n.
[21] Yî-nok liuk-sṳ̍p ńg-se ke sṳ̀, kiung Mâ-thú-sat-lâ.
[22] Yî-nok kiung Mâ-thú-sat-lâ yî-heu, lâu Song-ti thùng-hàng sâm-pak ngièn, yu sên-yông chṳ́-ńg.
[23] Yî-nok chhai-sṳ sṳ̍t-to sâm-pak liuk-sṳ̍p ńg-se.
[24] Yî-nok lâu Song-ti khiung-ha hàng, yî-heu Song-ti chiông kì tai-chéu, kì chhiu mò-chhôi lé.
[25] Mâ-thú-sat-lâ yit-pak pat-sṳ̍p chhit-se ke sṳ̀, kiung Lâ-ma̍k.
[26] Mâ-thú-sat-lâ kiung Lâ-ma̍k yî-heu, hàn chhai-sṳ chhit-pak pat-sṳ̍p ngi-ngièn, yu sên-yông chṳ́-ńg.
[27] Mâ-thú-sat-lâ sṳ̍t-to kiú-pak liuk-sṳ̍p kiú-se chang ko-sṳ̂n.
[28] Lâ-ma̍k yit-pak pat-sṳ̍p ngi-se ke sṳ̀, kiung yit-ke lai-é,
[29] lâu kì ôn-to Nò-â, kóng: “Yîn-vi Song-chú chu-chú thú-thi, pûn ngài-têu lò-luk kâng-chung, liá-ke lai-é voi pûn ngài-têu chhai sîn-khú chûng tet-tó ôn-ví.”
[30] Lâ-ma̍k kiung Nò-â yî-heu, hàn chhai-sṳ ńg-pak kiú-sṳ̍p ńg-ngièn, yu sên-yông chṳ́-ńg.
[31] Lâ-ma̍k sṳ̍t-to chhit-pak chhit-sṳ̍p chhit-se chang ko-sṳ̂n.
[32] Nò-â ńg-pak se ke sṳ̀, kiung Sám, Hàm lâu Ngâ-fut.