[1] Lùi-kiet khon-tó chhṳ-kâ mò vi Ngâ-kok kiung se-ngìn-è, chhiu chhit-tu kiâ-chí, tui Ngâ-kok kóng: “Ngì pûn ngài kiung se-ngìn-è, na-he mò, ngài oi-sí!”
[2] Ngâ-kok tui Lùi-kiet fat-khién, kóng: “Pûn ngì m̀-voi kiung ke he Song-ti, ngài ngióng-nèn thoi-lî Kì nè?”
[3] Lùi-kiet kóng: “Ngài ke sṳ́-ńg Phit-lâ chhai liá-vi, ngì thùng kì soi, pûn kì thoi ngài kiung se-ngìn-è, án-ngiòng ngài chhiu yû chṳ́-ńg lé.”
[4] Lùi-kiet chhiu chiông kì ke sṳ́-ńg pûn ló-kûng cho se-chiá, Ngâ-kok chhiu thùng Phit-lâ khiung-ha soi.
[5] Phit-lâ chhiu yû sṳ̂n-hong, vi Ngâ-kok kiung yit-ke lai-é.
[6] Lùi-kiet kóng: “Song-ti thoi ngài sṳ̂n-yên, ya thâng ngài ke khì-khiù, su-pûn ngài yit-ke lai-é.” Só-yî kì lâu kì ôn-miàng Tan.
[7] Phit-lâ yu yû sṳ̂n-hong, lâu Ngâ-kok kiung thi-ngi ke lai-é.
[8] Lùi-kiet kóng: “Ngài lâu ngâ-chí siông-châng, yu châng-yàng lé.” Kì chhiu lâu kì ôn-miàng Nâ-fut-thâ-li.
[9] Li-â fat-hien chhṳ-kâ m̀-voi kiung lé, ya chiông kì ke sṳ́-ńg Sit-pha pûn Ngâ-kok cho se-chiá.
[10] Sit-pha chhiu thùng Ngâ-kok kiung yit-ke lai-é.
[11] Li-â kóng: “Ngài chṳ̂n hó-yun ô!” Kì chhiu lâu kì ôn-miàng Kâ-tet.
[12] Sit-pha lâu Ngâ-kok yu kiung thi-ngi ke lai-é.
[13] Li-â kóng: “Ngài chṳ̂n-yû fuk-hi ô! Só-yû ke fu-ngìn-kâ voi-kóng ngài chṳ̂n-he yû fuk-hi.” Kì chhiu lâu kì ôn-miàng Â-sat.
[14] Ma̍k-é sû-sṳ̀n ke sṳ̀-chiet, Lî-phien chhai ma̍k-thièn chhìm-tó chhûi-chhìn-kó, chhiu nâ-hi kâu-pûn kiâ-mê Li-â. Lùi-kiet tui Li-â kóng: “Ngiâ lai-é ke chhûi-chhìn-kó, pai-thok pûn-têu ngài.”
[15] Li-â en kì: “Ngì chhióng ngài ke ló-kûng hàn m̀-la? Liá-ha ngì yu sióng-oi chhióng ngâ lai-é ke chhûi-chhìn-kó!” Lùi-kiet kóng: “Vi-tó ngiâ lai-é ke chhûi-chhìn-kó, kîm-am-pû ngiong ngì thùng Ngâ-kok khiung-ha soi.”
[16] Lìm-am-é, Ngâ-kok tui ma̍k-thièn chón-lòi; Li-â chhut-hi ngiàng-chiap, tui kì kóng: “Kîm-am-pû ngì yit-thin oi thùng ngài soi, yîn-vi ngì he ngài yung ngâ lai-é ke chhûi-chhìn-kó von-lòi ke.” Ke am-pû, Ngâ-kok chhiu thùng Li-â khiung-ha soi.
[17] Song-ti thâng Li-â ke khì-khiù, kì chhiu yû sṳ̂n-hong, vi Ngâ-kok kiung thi-ńg ke lai-é.
[18] Li-â kóng: “Song-ti po-tap ngài, yîn-vi ngài chiông chhṳ-kâ ke sṳ́-ńg pûn ngâ ló-kûng.” Kì chhiu lâu kì ôn-miàng Yî-sat-kâ.
[19] Li-â yu yû sṳ̂n-hong, vi Ngâ-kok kiung thi-liuk ke lai-é.
[20] Li-â kóng: “Song-ti pûn ngài kui-chhung ke lî-vu̍t; liá-ha ngâ ló-kûng voi hó khoán-thai ngài, yîn-vi ngài vi kì kiung liuk-ke lai-é.” Kì chhiu lâu kì ôn-miàng Sî-pu-lùn.
[21] Heu-lòi Li-â kiung yit-ke moi-é, lâu kì ôn-to Tí-nâ.
[22] Song-ti ku-ngiam Lùi-kiet, thâng kì ke khì-khiù, sṳ́ kì yu-voi kiung.
[23] Lùi-kiet chhiu yû sṳ̂n-hong, kiung yit-ke lai-é, kóng: “Song-ti chhù-thet ngài ke kien-seu lé.”
[24] Kì lâu kì ôn-miàng Yok-sit, kóng: “Ngien Song-chú chai pûn ngài yit-ke lai-é.”
[25] Lùi-kiet kiung Yok-sit yî-heu, Ngâ-kok tui Lâ-pân kóng: “Ngài oi chón ngài ke ku-hiông; khiù ngì pûn ngài lì-khôi!
[26] Chún ngài tai pû-ngiòng, se-chiá lâu chṳ́-ńg lì-khôi; ngài sṳt vi-tó kì-têu fu̍k-sṳ ngì. Ngì tî ngài ngióng-pân sat-mâng lâu ngì kûng-chok!”
[27] Lâ-pân tui kì kóng: “Ngì thâng ngài kóng! Song-chú pûn ngài tî! Song-chú he yîn-vi ngì ke yèn-ku chang su-fuk pûn ngài. Na-he cho-tet, pai-thok ngì ki-siu̍k he̍t chhai ngài liá-vi.
[28] Lâu ngài kóng, ngì oi kí-tô kûng-chhièn? Ngài yit-thin pûn ngì.”
[29] Ngâ-kok en-kóng: “Ngì tî ngài ngióng-pân lâu ngì kûng-chok, chhai ngài ke sú-thèu, ngì ke ngiù-khiùn, yòng-khiùn chen-kâ kí-tô.
[30] Ngài lòi yî-chhièn, ngì ke chhòi-sán yû-han, liá-ha chen-kâ án-tô; he yîn-vi ngài ke yèn-ku, Song-chú chang su-fuk pûn ngì. Liá-ha ngài oi vi ngài chhṳ-kâ ke kâ-ngia̍p lòi tá-piang lé!”
[31] Lâ-pân mun: “Ngài yin-kôi ngióng-pân po-tap ngì nè?” Ngâ-kok kóng: “Ngì má-ke tû m̀-sṳ́ po-tap ngài; chṳ́-yû yit-khien sṳ, na-he ngì thùng-yi ngài ke phan-fap, ngài chhiu ki-siu̍k khon-ku ngì ke yòng-khiùn.
[32] Kîm-pû-ngit, ngiong ngài to ngì ke yòng-khiùn chûng, chiông só-yû yû fâ-tiám, yû fâ-long lâu vû-set ke mièn-yòng, pin yû fâ-tiám, yû fâ-long ke sân-yòng chhiòn-phu pûn chhut-lòi; chiông-lòi liá-chúng ke yòng-è chang-son he ngài ke kûng-chhièn.
[33] Án-ngiòng, ha-ngi pái ngì chhiu voi tî ngài he m̀-he sṳ̀n-sṳ̍t! Ngì lòi chhà-khon ngài só-tet ke kûng-chhièn ke sṳ̀, na-he chhai ngài ke yòng-khiùn chûng fat-hien mò fâ-tiám, mò fâ-long ke sân-yòng, ya-he m̀-he vû-set ke mièn-yòng, ngì chhiu tî he ngài thêu-lòi.”
[34] Lâ-pân en kì: “Hó â, ngài thùng-yi, cheu ngì só-kóng ke hi-hàng.”
[35] Chúng-he ke-ngit, Lâ-pân thêu-thêu-é chhiu chiông yû fâ-long, yû pân-tiám ke sân-yòng-kú, lâu yû fâ-long, yû fâ-tiám, chhâm-chha̍p pha̍k-set ke sân-yòng-mà chhiòn-phu pûn chhut-lòi, ya chiông vû-set ke mièn-yòng chhiòn-phu pûn chhut-lòi, kâu-pûn kì chhṳ-kâ ke-têu lai-é lòi-chóng,
[36] fûn-fu kì-têu lâu Ngâ-kok fûn-khôi, oi siông-kak yû sâm-ngit ke lu-chhàng. Ngâ-kok chhiu nang-ngoi mu̍k-yông Lâ-pân khì-thâ ke yòng-khiùn.
[37] Chúng-he yî-heu, Ngâ-kok nâ-têu pa̍k-yòng su, hen-su, lâu ǹg-thùng su ke su-khoá, siok-thet yit phu-fun su-phì, pûn su-khoá lu-chhut pha̍k-set ke fâ-long.
[38] Kì chiông liá-chúng su-khoá chhap chhai yòng-khiùn thèu-chhièn, yòng sṳ̍t-súi ke súi-chhò tú, yîn-vi kì-têu lòi sṳ̍t-súi ke sṳ̀ voi phi-chúng.
[39] Yòng chhai su-khoá chhièn phi-chúng, chhiu-voi kiung yû fâ-long, yû fâ-tiám ke se yòng-è.
[40] Ngâ-kok chiông Lâ-pân yòng-khiùn chûng chéu-siáng ke mièn-yòng lâu sân-yòng fûn-khôi lòi, pûn kì-têu thùng ke-têu yû fâ-long lâu vû-set ke yòng phi-chúng. Ngâ-kok yung liá-chúng fông-fap lòi chen-kâ chhṳ-kâ ke yòng-è, yèn-heu chiông liá-têu yòng-è tui Lâ-pân ke yòng-khiùn chûng pûn chhut-lòi.
[41] Yúng-khien ke yòng phi-chúng ke sṳ̀-chiet, Ngâ-kok chhiu chiông ke-têu su-khoá chhap chhai kì-têu thèu-chhièn ke súi-chhò tú, kì-têu chhiu tui-tén ke-têu su-khoá phi-chúng.
[42] Chúng-he tông-chheu ke yòng phi-chúng ke sṳ̀, kì chhiu mò chhap ke-têu su-khoá. Án-ngiòng chheu ke yòng chhiòn-phu kûi Lâ-pân, yúng-khien ke yòng chhiòn-phu kûi Ngâ-kok.
[43] Ngâ-kok chhiu ye̍t-lòi ye̍t-pot, yû tông-tô yòng-khiùn, nù-pî, nù-phu̍k, lo̍k-thò lâu lì-è.