[1] Yit khôi-sṳ́, thiên-ha ngìn ke khiéu-yîm khiung-yong, kóng khiung-yong ke fa.
[2] Kì-têu chhai tûng-phién sái-lòi sái-hi, chhai Pâ-pí-lùn chhìm-tó phìn-ngièn, chhiu he̍t chhai ke-vi.
[3] Kì-têu khiung-ha chhâm-siòng kóng: “Lòi ô! Ên-têu lòi cho chôn-é, chiông chôn-é sêu-ngang.” Kì-têu chhiu nâ chôn-é chún sa̍k-thèu, yu yung mâ-kâu chún ngiàm-fôi.
[4] Kì-têu kóng: “Ên lòi hí yit-chho sàng, tî-poi oi yû kô-to tù-thiên ke thap, lòi chhòn-yòng ên-têu ke miàng, miên-tet ên-têu fûn-san to sṳ-kie kok-thi.”
[5] Song-chú hâ-lòi, oi khon sṳ-kiên ngìn só-hí ke sàng lâu thap.
[6] Song-chú kóng: “Khon nâ! Kì-têu he khiung yit-ke mìn-chhu̍k, kóng khiung-yong ke fa; liá-ha kì-têu khôi-sṳ́ cho liá-sṳ, yî-heu kì-têu sióng cho ke sṳ chhiu mò má-ke cho m̀-tó ke.
[7] Lòi â! Ên-têu hâ-lòi hi, chhai ke-vi pien-lon kì-têu ke khiéu-yîm, pûn kì-têu mò fap-thu fu-siông kiêu-thûng.”
[8] Án-ngiòng, Song-chú chiông kì-têu tui ke-vi fûn-san to chhiòn sṳ-kie; kì-têu chhiu thìn-kûng mò hí ke-sàng lé.
[9] Yîn-vi Song-chú chhai ke-vi tá-lon ngìn-lui ke khiéu-yîm, chiông kì-têu fûn-san to sṳ-kie kok-thi, só-yî liá-chho sàng ham-cho Pâ-phe̍t.
[10] Yî-ha he Sám ke heu-thoi. Thai-súi heu thi-ngi ngièn, Sám yit-pak se ke sṳ̀ kiung Â-fap-sat.
[11] Sám kiung Â-fap-sat yî-heu, hàn chhai-sṳ ńg-pak ngièn, yu sên-yông chṳ́-ńg.
[12] Â-fap-sat sâm-sṳ̍p ńg-se ke sṳ̀ kiung Sâ-lâ.
[13] Â-fap-sat kiung Sâ-lâ yî-heu, hàn chhai-sṳ si-pak làng sâm-ngièn, yu sên-yông chṳ́-ńg.
[14] Sâ-lâ sâm-sṳ̍p se ke sṳ̀ kiung Hî-pak.
[15] Sâ-lâ kiung Hî-pak yî-heu, hàn chhai-sṳ si-pak làng sâm-ngièn, yu sên-yông chṳ́-ńg.
[16] Hî-pak sâm-sṳ̍p si-se ke sṳ̀ kiung Fap-le̍t.
[17] Hî-pak kiung Fap-le̍t yî-heu, hàn chhai-sṳ si-pak sâm-sṳ̍p ngièn, yu sên-yông chṳ́-ńg.
[18] Fap-le̍t sâm-sṳ̍p se ke sṳ̀ kiung Lâ-ǹg.
[19] Fap-le̍t kiung Lâ-ǹg yî-heu, hàn chhai-sṳ lióng-pak làng kiú-ngièn, yu sên-yông chṳ́-ńg.
[20] Lâ-ǹg sâm-sṳ̍p ngi-se ke sṳ̀ kiung Sî-lu̍k.
[21] Lâ-ǹg kiung Sî-lu̍k yî-heu, hàn chhai-sṳ lióng-pak làng chhit-ngièn, yu sên-yông chṳ́-ńg.
[22] Sî-lu̍k sâm-sṳ̍p se ke sṳ̀ kiung Nâ-ho̍k.
[23] Sî-lu̍k kiung Nâ-ho̍k yî-heu, hàn chhai-sṳ lióng-pak ngièn, yu sên-yông chṳ́-ńg.
[24] Nâ-ho̍k ngi-sṳ̍p kiú-se ke sṳ̀ kiung Thâ-lâ.
[25] Nâ-ho̍k kiung Thâ-lâ yî-heu, hàn chhai-sṳ yit-pak sṳ̍p-kiú ngièn, yu sên-yông chṳ́-ńg.
[26] Thâ-lâ chhit-sṳ̍p se ke sṳ̀, yí-kîn cho Â-pak-làn, Nâ-ho̍k, Ha̍p-làn ke â-pâ.
[27] Yî-ha he Thâ-lâ ke heu-thoi. Thâ-lâ kiung Â-pak-làn, Nâ-ho̍k, Ha̍p-làn. Ha̍p-làn kiung Lò-tet.
[28] Ha̍p-làn sí chhai ku-hiông Pâ-pí-lùn ke Ǹg-ngí ke sṳ̀, kiâ-pâ Thâ-lâ hàn-chhôi.
[29] Â-pak-làn lâu Nâ-ho̍k lûng thó pû-ngiòng; Â-pak-làn ke pû-ngiòng miàng-ham Sâ-lòi; Nâ-ho̍k ke pû-ngiòng miàng-ham Me̍t-kâ, he Ha̍p-làn ke moi-é; Ha̍p-làn he Me̍t-kâ lâu Yi̍t-kâ ke â-pâ.
[30] Sâ-lòi m̀-voi kiung, mò se-ngìn-è.
[31] Thâ-lâ tai-tén lai-é Â-pak-làn, lâu kiâ sûn-é Lò-tet, chhiu-he Ha̍p-làn ke lai-é, pin kiâ sîm-khiû Sâ-lòi, chhiu-he Â-pak-làn ke pû-ngiòng, lì-khôi Pâ-pí-lùn ke Ǹg-ngí, oi hi Kâ-nàm-thi. Kì-têu to Ha̍p-làn chhiu he̍t chhai ke-vi.
[32] Thâ-lâ lióng-pak làng ńg-se ke sṳ̀, chhai Ha̍p-làn ko-sṳ̂n.