[1] Шуња күрә, без иман белән акланган, дип игълан ителеп, Раббыбыз Гайсә Мәсих аша Аллаћы белән безнењ арада татулык мѳнәсәбәте урнаша.
[2] Мәсих безгә мәрхәмәткә ирешергә мѳмкинлек бирде. Иманыбыз аша бу мәрхәмәттә торабыз. Шуныњ ѳчен, үзебез Аллаћы данын уртаклашырбыз, дигән ѳмет белән куанабыз.
[3] Моња гына түгел, бәлки михнәт чигүгә дә шатланабыз. Чѳнки беләбез: михнәт түземлек тудыра,
[4] түземлектән тотрыклылык, тотрыклылыктан ѳмет хасил була.
[5] Ә ѳмет алдамый, чѳнки Аллаћы Үзенењ мәхәббәтен безгә бирелгән Изге Рух аша йѳрәкләребезгә мул итеп яудырган.
[6] Без әле ярдәмгә мохтаҗ вакытта, Аллаћы билгеләгән бер заманда, Мәсих имансызлар ѳчен үлде.
[7] Кем дә булса тәкъва кеше ѳчен үләргә теләр микән? Хәер, игелек күрсәтүче кеше ѳчен, бәлки, кемнењ дә булса үләргә җѳрьәт итүе дә мѳмкин.
[8] Әмма Аллаћы безгә булган мәхәббәтен шуныњ белән исбат итә: Мәсих без әле гѳнаћлылар булган чакта ук безнењ ѳчен үлде.
[9] Шуња күрә, хәзер, Аныњ түгелгән каны белән акланган дип игълан ителгәнгә, Аныњ аркылы Аллаћыныњ ачуыннан без тагын да ныграк котылачакбыз.
[10] Чѳнки без Аллаћыга дошман булган вакытта, Улыныњ үлеме аркылы Аллаћы белән татуланганбыз икән, бигрәк тә хәзер, татулангач, Аныњ тормышы белән котылачакбыз.
[11] Һәм әле бу гына да түгел, бәлки Раббыбыз Гайсә Мәсих аркылы Аллаћы ѳчен шатланабыз, Аныњ белән безне Мәсих дуслаштырды бит.
[12] Бер кеше аркылы гѳнаћ ћәм гѳнаћ белән бергә үлем дѳньяга үтеп керде. Шулай итеп, үлем барлык кешеләргә таралды, чѳнки барлык кешеләр гѳнаћ кылдылар.
[13] Инде канунга кадәр дә дѳньяда гѳнаћ бар иде; әмма канун булмаганда берәүнењ дә гѳнаћы исәпкә алынмый.
[14] Әмма ләкин Адәмнән алып Муса пәйгамбәргә кадәр, барысы ѳстеннән, Адәмнењ гѳнаћы кебек гѳнаћ кылмаганнар ѳстеннән дә, үлем хакимлек иткән. Адәм исә, кайсыдыр ягы белән, киләчәк Зат кебек булган.
[15] Әмма Аллаћыныњ мәрхәмәт бүләген гѳнаћ белән чагыштырып булмый. Чѳнки берәүнењ гѳнаћы күпләрне үлемгә дучар итә икән, Аллаћыныњ мәрхәмәте дә, бер Кешенењ – Гайсә Мәсихнењ мәрхәмәте белән бирелгән бүләк тә күпләр ѳчен чагыштыргысыз дәрәҗәдә зур була.
[16] Аллаћыныњ бүләген бер кешенењ гѳнаћы белән чагыштырып булмый; бер гѳнаћ нәтиҗәсендә гаепле дигән хѳкем карары чыгарылды, ә күп гѳнаћлардан соњ Аллаћы кешеләргә, «сез гаепсез» дип, Үзенењ мәрхәмәтен күрсәтә.
[17] Чѳнки бер кешенењ гѳнаћы аркасында шул кеше аркылы үлем хакимлек итә икән, Аллаћыныњ мул мәрхәмәтен ћәм Аныњ алдында хак булу бүләген кабул иткәннәр исә бер Зат – Гайсә Мәсих аркылы тормышта бигрәк тә хакимлек итәчәк.
[18] Шулай булгач, бер гѳнаћ барлык кешеләргә хѳкем китергән кебек, бер хак эш барлык кешеләргә аклану ћәм тормыш китерә.
[19] Чѳнки, бер кешенењ итагатьсезлеге аркасында күпләр гѳнаћлы ителгән кебек, бер Кешенењ итагать итүе аркасында күпләр акландырылачак.
[20] Җинаятьнењ авырлыгын кѳчәйтү ѳчен Муса кануны кертелгән булган. Гѳнаћ күбәйгән җирдә Аллаћыныњ мәрхәмәте тагын да арткан.
[21] Шулай итеп, кешеләрне үлемгә китереп, алар ѳстеннән гѳнаћ хакимлек иткән кебек, Аллаћыныњ мәрхәмәте дә хаклык белән хакимлек итәр ћәм Раббыбыз Гайсә Мәсих аркылы мәњгелек тормышка илтер.