[1] Гайсә Гәлиләя дињгезе буенда кешеләрне тагын ѳйрәтә башлады. Аныњ тирәсенә тѳркем җыелганга күрә, Ул кѳймәгә утырды. Кѳймә исә дињгездә иде, ә халык яр буенда калды.
[2] Гайсә аларга күп кинаяле хикәяләр сѳйләде ћәм Үзенењ ѳйрәтүендә әйтте:
[3] – Тыњлагыз: менә чәчүче чәчәргә чыккан.
[4] Ул чәчкәндә, орлыкларыныњ бер ѳлеше юл буена тѳшкән; кошлар очып килеп, аларны чүпләп бетергәннәр.
[5] Башка бер ѳлеше туфрагы аз булган ташлы урынга тѳшкән; орлык тирән ятмаганга күрә, тиз шытып чыккан.
[6] Ә инде кояш чыгып кыздыргач, тамыры булмаганлыктан, үсентеләр шињеп тѳшкән.
[7] Орлыкларныњ башкалары күгәнлеккә тѳшкән; күгән куаклары үсеп, аларны басып киткәнгә, алар башак бирмәгәннәр.
[8] Ә инде башка орлыклар исә уњдырышлы җиргә тѳшкән; алар үсеп күтәрелгән ћәм утызлата, алтмышлата, йѳзләтә уњыш биргән.
[9] Гайсә әйтте: – Ишетергә колаклары булганнар – ишетсеннәр!
[10] Үзләре генә калгач, юлдашлары ћәм шәкертләре Гайсәдән кинаяле хикәяләр хакында сорадылар.
[11] – Аллаћы Патшалыгыныњ серләре сезгә ачылган, – диде Гайсә аларга, – ә башкаларга, тышта торганнарга, кинаяле хикәяләр белән әйтелә.
[12] «Аллаћыга борылып кичерелмәсеннәр ѳчен, Карап-карап та, күрмәсеннәр, Тыњлап-тыњлап та, ањламасыннар».
[13] Сез бу кинаяле хикәянењ мәгънәсен ањламадыгызмы? – дип сорады алардан Гайсә. – Сез ничек башка кинаяләрне ањларсыз соњ?
[14] Чәчүче сүз чәчә.
[15] Юл буена тѳшкән орлыклар – чәчкән вакытта ишетүче кешеләр ул, әмма шайтан, килеп, күњелләренә салынган сүзне шунда ук алып китә.
[16] Ташлы урынга чәчелгәне исә – сүзне ишетү белән, шатланып кабул итүчеләр.
[17] Әмма аларныњ тамырлары булмаганлыктан, алар сүзне вакытлыча гына тоталар. Сүз аркасында кайгы яки эзәрлекләүләр булса, алар бик тиз чигенәләр.
[18] Ә башкалары, күгәнлеккә чәчелгән орлык кебек, сүзне ишетәләр.
[19] Әмма тормыш мәшәкатьләре, байлыкка кызыгу ћәм башка теләкләр аларга үтеп кереп, ишетелгән сүзне басып китәләр ћәм сүз уњыш бирми.
[20] Ә инде уњдырышлы җиргә чәчелгәннәре исә – сүзне ишетеп, аны кабул итүчеләр: алар утызлата, алтмышлата, йѳзләтә уњыш бирәләр.
[21] Гайсә аларга әйтте: – Шәмне чүлмәк яки сәке астына куяр ѳчен алып керәләрмени? Юк, аны шәмдәлгә утыртып куялар.
[22] Һәр яшерен нәрсә фаш ителү ѳчен генә яшерелгән, ћәр сер ачылу ѳчен генә сер ителгән.
[23] Колаклары булганнар – ишетсеннәр!
[24] Гайсә аларга әйтте: – Ишеткән нәрсәләргә дикъкать итегез. Сез нинди үлчәм белән үлчәсәгез, сезгә дә шундый үлчәм белән үлчәп бирелер ћәм тагын ѳстәрләр.
[25] Кемнењ бар, шуња бирелер, ә кемнењ юк, аныњ булган нәрсәсе дә алыныр.
[26] Гайсә әйтте: – Аллаћы Патшалыгы нинди ул? Ул болай булыр: кеше җиргә орлык чәчә.
[27] Тѳнлә йоклап, кѳндезен тора, ә орлык, шытып чыгып, ѳскә үрмәли. Ул кеше моныњ ничек булуын белми дә.
[28] Җир үзеннән-үзе уњыш бирә: башта сабак үстерә, аннары башагы, аннары башак тулы орлык була.
[29] Ә инде ашлык ѳлгерү белән кеше кулына урак ала, чѳнки ашлык уру вакыты җиткән була.
[30] Гайсә әйтте: – Аллаћы Патшалыгын безгә нәрсә белән чагыштырырга ћәм ничек итеп тасвирларга икән?
[31] Ул горчица орлыгы кебек. Җиргә чәчкән вакытта ул җирдәге бѳтен орлыклардан да кечкенәрәк.
[32] Ә инде чәчелгәч, ул, шытып чыгып, бѳтен үсемлекләрдән дә зуррак булып үсәр, ањардан шундый зур ботаклар үсеп чыгар, хәтта аныњ күләгәсендә кошлар оя кора алырлар.
[33] Халык ањлый алганга кадәр, Гайсә шундый гыйбрәтле сүзләр сѳйләде.
[34] Башкача Ул берни дә сѳйләмәде, ә инде шәкертләре белән үзләре генә калган чакта, аларга барын да ањлатып сѳйләде.
[35] Шул кѳнне кичен Гайсә шәкертләренә әйтте: – Әйдәгез әле, күлнењ аръягына чыгыйк.
[36] Халыкны тараткач, алар Гайсә булган кѳймәгә утырып, Аныњ белән юлга кузгалдылар. Анда башка кѳймәләр дә бар иде.
[37] Кѳчле давыл күтәрелде ћәм, дулкыннар кѳймәгә бәрелүдән, аныњ эченә су тула башлады.
[38] Гайсә исә кѳймәнењ арткы ѳлешендә башын мендәргә салып йоклый иде. Шәкертләре Аны уятып: – Остаз, батабыз бит! Бу Сине борчымыймы? – диделәр.
[39] Ул торып, җилне тыйды, ә дињгезгә әйтте: – Шаулама, тынычлан! Җил туктады ћәм тынлык урнашты.
[40] – Ни ѳчен сез шундый куркак? Сезнењ ћаман иманыгыз юкмы? – диде Гайсә аларга.
[41] Аларны курку басты ћәм бер-беренә: – Кем соњ Ул? Җил дә, дињгез дә Ања буйсына ич, – диештеләр.