[1] کْرَمِیَ، کْلَ کْࢽْجُووَ رُحُ اللَّهیٜࢽْ، ثُرُو ࢽَࢽْجَیِلّٜࢽْ دْغَوِیَ، رَاکّْࢽِ؞
[2] سَ ࢽَیِ کْرْدِیَدْࢽْ، کُولُّوٜ جَوَلْ سْࢽْمْبَ مَࢽَ ثَدِوَوُویٜرُو تْمْبَلْࢽْجَاࢽَرُو ࢽُوࢽُوَّ؞
[3] أَدْمَرُو ࢽَیِرُو إِسَࢽُوࢽْجَغَکِّ، وُࢽْدُمَیٜ رُحُ اللَّهیٜࢽْ: «عِیسَى بَسْکُوَدَ،» ثْࢽِوَوُو، کُورُو رُحُ اللَّهیٜࢽْ غْࢽِیَ، وُࢽْدُمَ رَکْثٜ: «عِیسَمَ کْمَ وُو،» ثْࢽِوَوُو؞
[4] کْࢽْجُو جِرِ جِرِ مبٜجِ، أَمَّ رُحُدْ ࢻَلْمَ،
[5] کِدَ جِرِ جِرِ یٜ مبٜجِ، أَمَّ کْمَدْ ࢻَلْمَ،
[6] کُورُو کْࢽْدُو جِرِ جِرِ یٜ مبٜجِ، أَمَّ اللَّهدْ ࢻَلْمَ، تِ دُوُوࢽْ تَیِ سَمَّا أَمْ سَمَّلَࢽْ کِدَجِدْ؞
[7] ࢻَیْدَ جَمَیٜ ࢽَࢽْغَرُو رُحُ اللَّهیٜ کَمْ ࢻِ یَیٜࢽْ کْࢽْجُو لَاࢽْ ࢻْلٜدِ؞
[8] کَمْ لَارُو رُحُدْیٜࢽْ مَࢽَ ࢽَࢽْرَشِدُیٜ ثَدِ، لَا یٜرُو رُحُدْیٜمَࢽْ مَࢽَ إِلْمُیٜ ثَدِ،
[9] لَا یٜرُو رُحُ ࢻَلْدْیٜمَࢽْ کَمْبْرْسٜ ثَدِ، لَا یٜرُو رُحُدْیٜمَࢽْ کْࢽْجُووَ أَمْبَ ࢽغَدُیٜ ثَدِ،
[10] لَا یٜرُو أَوُو أَجَبَّ أَجَبَّ دِیُویٜ، لَا یٜرُو ࢽَوِࢽَوِ دِیُویٜ، لَا یٜرُو رُحُوَا غَیِرْدُیٜ، لَا یٜرُو تْلَمْ جِرِ جِرِ وُلْدُیٜ، لَا یٜرُو تْلَمْبَ ࢻِسَرْدُیٜ؞
[11] رُحُ ࢻَلْدْمَ أَوُو أَࢽِ سَمَّا کِدَجٜ کَمْ ࢻِ یَیٜرُو کْࢽْجُو کَلْکَلُّو ثِ، جِرِ ثْرَاࢽَدْ غَیْ؞
[12] جِرِ تِیدْ ࢻَلْمَ، ࢽَشَوَࢽْجُ کَدَ، کُورُو ࢽَشَوَ تِییٜ سَمَّ ࢽغْوُ دُوُوࢽْ، تِیدْ ࢻَلْمَدْ غَیْ، أَلْمَسِیوُدْ یٜ ࢽغَیْ؞
[13] یَوْدِ یٜࢽْ کَلْ، یَوْدِ غْࢽِ یٜࢽْ کَلْ، کَرٜیَ یٜࢽْ کَلْ، کَمْبٜ یٜࢽْ کَلْ، رُحُ ࢻَلْدْیٜࢽْ أَࢽْدِ سَمَّرُو کَسَلَ سَدّٜ تِیے ࢻَلْدْرُو کْلْسٜىٰرَ، کُورُو أَࢽْدِ سَمَّا سَسَکّٜ رُحُ ࢻَلْدْیٜمَࢽْ کِیَیٜ؞
[14] أَوُووَ تِیدْ ࢽَشَ ࢻَلْ غْࢽِ، کَدَ؞
[15] سِیٜ: «وُ مُکُّو غْࢽِ ࢽَࢽْغَرُو، وُ ࢽَشَ تِییٜ غْࢽِ،» ثْࢽِیَ، أَدْ ثَکّٜ ࢽَشَ تِییٜ غْࢽِرُو وَلْجِ وَ؟
[16] کُورُو سْمُویٜ: «وُ سِمْ غْࢽِ ࢽَࢽْغَرُو، وُ ࢽَشَ تِییٜ غْࢽِ،» ثْࢽِیَ، أَدْ ثَکّٜ ࢽَشَ تِییٜ غْࢽِرُو وَلْجِ وَ؟
[17] تِیدْ سَمَّ سِمْبَ، سْمُوࢽْ ࢻَࢽْدُدْ ࢽدَرَࢽْ؟ سَمَّ سْمُووَ، کِࢽْجَࢽْ ࢻَࢽْدُدْ ࢽدَرَࢽْ؟
[18] أَمَّ اللَّه کْلَ رَوُوࢽْجُیٜࢽْ ࢽَشَ ࢻِ یَیٜیَ تِیلَࢽْ غْࢽَیٜࢽُو؞
[19] تَیِ سَمَّ ࢽَشَ ࢻَلَّ، تِیدْ ࢽدَرَࢽْ؟
[20] أَوُووَ ࢽَشَوَدْ کَدَ، أَمَّ تِیدْ ࢻَلْمَ؞
[21] سِمْ رَکْثٜ مُکُّورُو: «ࢽِࢽْ مْرَدُࢽِ بَوُو!» ثْࢽِوَوُو، کْلَ یٜ رَکْثٜ سِرُو: «ࢽِࢽْ مْرَدُࢽِ بَوُو!» ثْࢽِوَوُو؞
[22] ࢽغَیْ غْࢽِ، أَمَّ ࢽَشَوَ تِییٜ لَوُرُو ثَرُیْدْ جَوْرُو ࢻَیْدَا؞
[23] ࢽَشَوَ تِییٜ دُوُوࢽْ رُوَدَرُو ࢽغُوࢽِیٜࢽَدْرُو جَوْرُو دَرَجَ یِیٜ، کُورُو ࢽَشَوَࢽْدٜ ࢽَࢽْغُوَدْرُو ࢽغْلَرُو کِسِّییٜ،
[24] ࢽَشَوَࢽْدٜ کُرُورُو ࢽغْلَدْرُو سَیْ أَوُو لَا تْدِّیَ غْࢽِ؞ أَمَّ اللَّه تِیدَ أَلَکْثٜ ࢽَشَوَ دَرَجَ بَوُووَدْرُو جَوْرُو دَرَجَ کَیْࢽُو،
[25] بَرٜ تِیلَࢽْ یَکْتَ وَکَّجْࢽِّ، أَمَّ ࢽَشَوَدْ کَتّٜࢽْجَرُو کِسَّا؞
[26] ࢽَشَ لَا جَوْ ࢻَࢽْجِیَ، ࢽَشَ سَمَّ یٜ رُوکُّو جَوْ ࢻَࢽْجَیْ؞ ࢽَشَ لَا دَرَجَ ثُوَࢽْدِیَ، ࢽَشَ سَمَّ یٜ رُوکُّو کْجِ ࢻَࢽْجَیْ؞
[27] ࢽَیِدْ تِیے أَلْمَسِیوُیٜ، وُࢽْدُࢽْدُو یَیٜ تِیدْیٜ ࢽَشَࢽْجُ؞
[28] کُورُو اللَّه ثُرُو جَمَࢽْجُیٜࢽْ بُرْوُوࢽْ کْࢽْغَیَمْبَ غَلَجْࢽَ، کْࢽْیِࢽْدِیٜࢽْ ࢽَوِیَ، کْࢽْیَکُّیٜࢽْ مَلْمْبَ، ࢽغَوُو أَدْیٜࢽْ کْࢽْجُو أَوُو أَجَبَّ أَجَبَّ دِیُویٜ، دَجِ کْࢽْجُووَ أَمْبَ ࢽغَدُیٜ سُو، بَࢽَدُوُیٜ سُو، ࢽُودُویٜ سُو، کُورُو کْࢽْجُووَ تْلَمْ جِرِ جِرِ جَࢽْدٜدُیٜ سُو؞
[29] تَیِ سَمَّ کْࢽْغَیَمْبَ وَ؟ سَمَّ ࢽَوِیَ وَ؟ سَمَّ مَلْمْبَ وَ؟ سَمَّ أَوُو أَجَبَّ أَجَبَّ ثَدِ وَ؟
[30] سَمَّ کْࢽْجُو إِسَࢽْغَدُوُیٜ ثَدَࢽَ وَ؟ سَمَّ تْلَمْبَلَࢽْ جَࢽْدٜجَیْ وَ؟ سَمَّ ࢻِسَرْجَیْ وَ؟
[31] أَمَّ کْࢽْجُووَ ࢽغَلْوُودَ جَوْرُو رَوُواْ! کُورُو ࢽَیِرُو جَوَلْ أَوِ یَیٜیَ کُوجْࢽَا ࢻْلٜࢽْجَغَکِّ؞