[1] Yâ-li-kô-ngìn chiông sàng-mùn koân-to hèn-hèn, vi-tó oi chú-tóng Yî-set-lie̍t-ngìn ke chhîm-ngi̍p. Mò ngìn cho-tet tui sàng-mùn chhut-ngi̍p.
[2] Song-chú tui Yok-sû-â kóng: “Ngài yí-kîn chiông Yâ-li-kô-sàng, lièn kì ke vòng lâu ke-têu yúng-sṳ, chhiòn-phu kâu chhai ngì ke sú-chûng lé.
[3] Ngì oi tai-liâng kiûn-chhui, tak-ngit tîn sàng yit-lîn, lièn-siu̍k liuk-ngit.
[4] Ngì oi phai chhit-ke chi-sṳ̂, tak-sà nâ-tén yòng-kok cho ke ho-kok, hàng chhai yok-khui thèu-chhièn. To thi-chhit ngit, ngì oi tai-liâng kiûn-chhui tîn sàng chhit-lîn, ke chhit-ke chi-sṳ̂ oi kín-phùn ho-kok.
[5] Yèn-heu kì-têu oi phùn yit chhòng-sâng; ngì-têu yit thâng-tó liá chhòng-sâng, chhiòn-phu oi thai-sâng hêm, sàng-chhiòng chhiu voi vang-thet. Ke-sṳ̀, kiûn-chhui chhiu oi cho yit-ha kûng-ngi̍p sàng-tú.”
[6] Nun ke lai-é Yok-sû-â seu-si̍p ke-têu chi-sṳ̂ lòi, tui kì-têu kóng: “Ngì-têu oi kông-tén Song-chú ke yok-khui, khì-chûng chhit-ke chi-sṳ̂ oi nâ ho-kok hàng chhai yok-khui thèu-chhièn.”
[7] Chiap-tén, kì min-lin kiûn-chhui kóng: “Ngì-têu oi khôi-sṳ́ tîn sàng, tá thèu-chhṳn ke phu-chhui oi tai-thèu, hàng chhai Song-chú yok-khui ke thèu-chhièn.”
[8] Só-yî, Yok-sû-â yit min-lin, tá thèu-chhṳn ke phu-chhui chhiu tai-thèu hàng, chiap-tén he ke chhit-ke phùn ho-kok ke chi-sṳ̂, chai-lòi he ke-têu kông yok-khui ke chi-sṳ̂, chui heu-poi he heu-ví phu-chhui. Ke chhit-ke chi-sṳ̂ kûi-lu kín-phùn ho-kok;
[10] chúng-he Yok-sû-â min-lin kiûn-chhui kóng: “Ngì-têu m̀-hó hêm, m̀-hó chhut-sâng, lièn yit-ki fa ya cho-m̀-tet kóng, oi tén-to ngài ha min-lin ke ngit, ke-sṳ̀ chang cho-tet thai-sâng hêm.”
[11] Án-ngiòng, Yok-sû-â sṳ́ Song-chú ke yok-khui tîn sàng yit-lîn; yèn-heu thai-kâ chón yàng-chûng ko-ya.
[12] Thi-ngi ngit, Yok-sû-â tá-chó hong hí-lòi. Ke-têu chi-sṳ̂ lâu kiûn-chhui thi-ngi pái tîn sàng. Kì-têu cheu chhièn yit-ngit ke sun-si hàng: Tui tá thèu-chhṳn ke phu-chhui khôi-lu, yèn-heu he chhit-ke phùn ho-kok ke chi-sṳ̂, chiap hâ-hi he ke-têu kông Song-chú yok-khui ke chi-sṳ̂, chui heu-poi he heu-ví phu-chhui. Ke chhit-ke chi-sṳ̂ kûi-lu kín-phùn ho-kok.
[14] Liá-ngit, kì-têu chhiu tîn sàng hàng yit-lîn, yèn-heu chón yàng-chûng. Lièn-siu̍k liuk-ngit, kì-têu tak-ngit chhiu án-ngiòng cho.
[15] Thi-chhit ngit, kì-têu thiên yit-kông chhiu hong hí-lòi, yung khiung-yong ke fông-sṳt tîn sàng chhit-lîn. Tân-tân liá-ngit, kì-têu tîn sàng chhit-pái.
[16] To thi chhit-lîn, ke-têu chi-sṳ̂ oi phùn ho-kok ke sṳ̀, Yok-sû-â min-lin phu-chhui kóng: “Oi thai-sâng hêm! Yîn-vi Song-chú yí-kîn chiông liá-sàng kâu-pûn ngì-têu lé!
[17] Liá-sàng lâu sàng-tú só-yû ke tûng-sî oi fí-me̍t, tông-cho chi-vu̍t hien-pûn Song-chú; chṳ́-yû kî-ńg Lâ-ha̍p lâu kì ke vuk-hâ ngìn, ngì-têu oi ngièu kì-têu ke sin-miang, yîn-vi kì sṳt chiông ngài-têu ke tham-é khong hí-lòi.
[18] Ngì-têu oi se-ngi, cho-m̀-tet nâ ke-têu oi fí-me̍t ke tûng-sî; kiâng-pha ngì-têu he yû nâ, chhiu voi pûn Yî-set-lie̍t chhiòn-yàng tai-lòi châi-fo, me̍t-mòng.
[19] Só-yû yung kîm-ngiùn thùng-thiet chṳ-chho ke tûng-sî chhiòn-phu oi sṳn-fa kûi Song-chú, piong-ngi̍p Song-chú ke pó-khu.”
[20] Só-yî, ke-têu chi-sṳ̂ khôi-sṳ́ phùn ho-kok; ngìn-mìn yit thâng-tó chhiu thai-sâng hêm, sàng-chhiòng ngiàm-sṳ̀ vang hâ-lòi. Kiûn-chhui chhiu cho yit-ha hiong-chhièn, cham-liâng liá-chho sàng.
[21] Kì-têu yung tô-é chhṳ̀-thet sàng-tú só-yû ke ngìn, mò-fûn nàm-ńg ló-yu chhiòn-phu chhṳ̀-thet. Kì-têu ya chhṳ̀-thet ngiù, yòng, lâu lì.
[22] Yok-sû-â tui ke lióng-ke tham-é kóng: “Ngì-têu to kî-ńg Lâ-ha̍p vuk-hâ, cheu ngì-têu hiong kì fat-sṳ ke, chiông kì lâu kì ke vuk-hâ ngìn chhiòn-phu tai chhut-lòi.”
[23] Lióng-ke tham-é chhiu hi, chiông Lâ-ha̍p tai chhut-lòi, ya tai-chhut kì ke yà-ôi, hiûng-thi, lâu khì-thâ ke vuk-hâ ngìn, chiông kì-têu ôn-tún chhai Yî-set-lie̍t yàng-ngoi ôn-chhiòn ke só-chhai.
[24] Yèn-heu ngìn-mìn piong-fó sêu-sàng. Kì-têu tân-tân chiông kîm-ngiùn thùng-thiet chṳ-chho ke tûng-sî tai chhut-lòi, piong chhai Song-chú ke pó-khu, khì-thâ ke tûng-sî chhiòn-phu sêu-thet.
[25] Yok-sû-â pó-chhiòn kî-ńg Lâ-ha̍p lâu kì chhiòn-kâ ngìn ke sin-miang, yîn-vi kì sṳt chiông Yok-sû-â phai-hi Yâ-li-kô ke lióng-ke tham-é khong hí-lòi. (Lâ-ha̍p lâu kì ke vuk-hâ ngìn chhiu ôn-kî chhai Yî-set-lie̍t, chhṳ̍t-to kîm-pû-ngit.)
[26] Liá-sṳ̀, Yok-sû-â fat-chhut ngiàm-li ke kín-ko, kóng: “Ngien Song-chú chu-chú ke sióng-oi chhùng-kien Yâ-li-kô-sàng ke ngìn: Oi tá liá-sàng thi-kî ke ngìn, voi sí chóng-chṳ́; oi hí liá sàng-mùn ke ngìn, voi sí mân-chṳ́.”
[27] Song-chú lâu Yok-sû-â khiung-ha; Yok-sû-â ke miàng-sâng chhòn-phien ke thi-fông.