[1] Yok-sit heu-thoi só pûn-tó ke thú-thi: Nàm-phu piên-kie tui vá-khiun Yâ-li-kô ke Yok-tan-hò hí, chhiu-he Yâ-li-kô chhièn-súi ke tûng-phién khôi-sṳ́, kîn-ko khóng-yâ; yu tui Yâ-li-kô sông-to Pak-thi̍t-li sân-khî,
[2] yu tui Pak-thi̍t-li to Lu-sṳ̂, thûng-to Â-kî-ngìn he̍t ke Â-thâ-liu̍k-Â-tha̍t,
[3] hiong-sî to Ap-li-thì-ngìn ke thi-khî, yit-chhṳ̍t to ha Pak-Fò-lùn, yu tui ke-vi to Kî-set, chhṳ̍t-to Thi-chûng-hói vì-chṳ́.
[4] Yok-sit ke heu-thoi — Yî-fap-lièn lâu sî Mâ-nâ-sî kî-chhu̍k pûn-tó liá-te thú-thi, cho kì-têu ke sán-ngia̍p.
[5] Yî-fap-lièn ke-têu kâ-chhu̍k ke thi-kie ki chhai hâ-poi: nàm-phién he tui Â-thâ-liu̍k-Â-tha̍t hiong-sî to song Pak-Fò-lùn,
[6] theu-to Thi-chûng-hói; pet-phién he Me̍t-mí-thâ; tûng-phién ke thi-kie tui Thâ-na̍p-Sṳ-lò theu-to Ngâ-nò-ha̍p tûng-phu,
[7] yèn-heu hiong-nàm, tui Ngâ-nò-ha̍p to Â-thâ-liu̍k lâu Nâ-lâ, chai kîn-ko Yâ-li-kô, to Yok-tan-hò vì-chṳ́.
[8] Sî-phién ke thi-kie tui Thâ-phû-â kîn-ko Kâ-nâ-hò, to Thi-chûng-hói vì-chṳ́. Yî-song he Yî-fap-lièn kî-chhu̍k ke-têu kâ-chhu̍k só pûn-tó ke sán-ngia̍p.
[9] Nang-ngoi, chhai Mâ-nâ-sî kin-nui yû-têu sàng-chṳ́n, lièn-thùng fu-khiun ke chhûn-chông ya pûn-pûn Yî-fap-lièn-ngìn.
[10] Yî-fap-lièn-ngìn mò chiông he̍t chhai Kî-set ke Kâ-nàm-ngìn kiuk-chéu, só-yî Kâ-nàm-ngìn he̍t chhai Yî-fap-lièn-ngìn tông-chûng, kì-têu cho Yî-fap-lièn-ngìn ke nù-chhòi chhṳ̍t-to kîm-pû-ngit.