[1] Siên-chhièn Yî-set-lie̍t-ngìn chṳ̂n-fu̍k lâu cham-liâng Yok-tan-hò tûng-phién thi-khî, tui Â-nun sân-lak hiong-pet to Yok-tan hò-kuk, chhṳ̍t-to Het-mùn-sân. Kì-têu tá-yàng lióng-ke vòng.
[2] Khì-chûng yit-ke he he̍t chhai Hî-sṳ̍t-pún ke Â-mô-li-vòng Sî-fèn. Kì thúng-chhṳ ke koet-thú pâu-hàm Kî-lie̍t ke yit-pan: chhiu-he tui Â-nun sân-lak sùn-thèu ke Â-lò-ngí, lâu tui sân-lak tûng-ông ke sàng-chṳ́n, to Â-mùn piên-kie ke Ngâ-pok sân-lak;
[3] yu pâu-hàm Yok-tan hò-kuk: tui Kâ-li-li-fù hiong-nàm to Sí-hói tûng-phién ke Pak-Yâ-sî-ma̍t, chhṳ̍t-to Pí-sṳ̂-kâ-sân kiok-hâ.
[4] Kì-têu ya tá-yàng Pâ-sân-vòng Ngo̍k. Kì he chui-heu yit-ke Li-fa̍t-yîm-ngìn; kì he̍t chhai Â-sṳ̂-thâ-liu̍k lâu Yî-tet-lòi.
[5] Kì thúng-chhṳ ke koet-thú pâu-hàm Het-mùn-sân, Sat-kâ, Pâ-sân chhiòn-thi, chhṳ̍t-to Kî-sut lâu Mâ-kâ ke piên-kie; nang-ngoi yû Kî-lie̍t ke yit-pan, yit-chhṳ̍t to Hî-sṳ̍t-pún-vòng Sî-fèn ke piên-kie.
[6] Mô-sî lâu Yî-set-lie̍t-ngìn tá-yàng liá lióng-ke vòng. Song-chú ke phu̍k-ngìn Mô-sî chiông liá-têu thú-thi pûn-pûn Lî-phien kî-chhu̍k, Kâ-tet kî-chhu̍k, lâu Mâ-nâ-sî ke pan kî-chhu̍k, cho kì-têu ke sán-ngia̍p.
[7] Yok-sû-â lâu Yî-set-lie̍t-ngìn tá-yàng Yok-tan-hò sî-phién thi-khî ke-têu vòng, tui Lì-pâ-nun sân-lak ke Pâ-li̍t-Kâ-tet to nàm-phién Yî-tûng fu-khiun ke Ha̍p-lâ-sân. Yok-sû-â chiông liá-te thú-thi pûn-pûn Yî-set-lie̍t kok kî-chhu̍k, cho kì-têu yún-kiú ke sán-ngia̍p.
[8] Liá-te thú-thi pâu-hàm sân-khî, sî-phién ke kô-ngièn, Yok-tan hò-kuk lâu kì ke sân-kông, tûng-phién ke sân-phài, lâu nàm-phién ke châu-thi. Liá-te thú-thi pún-lòi he Het-ngìn, Â-mô-li-ngìn, Kâ-nàm-ngìn, Pí-li-sé-ngìn, Hî-vi-ngìn lâu Yâ-pu-sṳ̂-ngìn he̍t ke.
[9] Yî-set-lie̍t-ngìn tá-yàng yî-ha kok-sàng ke vòng: Yâ-li-kô, Ngie (chhai Pak-thi̍t-li fu-khiun),
[10] Yâ-lu-sat-lâng, Hî-pak-lùn,
[11] Yâ-ma̍t, Lâ-kit,
[12] Yî-kî-lùn, Kî-set,
[13] Tí-piak, Kî-tet,
[14] Hò-ngí-mâ, Â-lâ-tet,
[15] Li̍p-nâ, Â-thu-làn,
[16] Mâ-kî-thai, Pak-thi̍t-li,
[17] Thâ-phû-â, Hî-fut,
[18] Â-fut, Lâ-sâ-lùn,
[19] Mâ-tun, Ha-só,
[20] Sṳ̂n-lùn-Mí-lùn, Ap-sat,
[21] Thâ-na̍p, Mí-kit-tô,
[22] Kî-tâi-sṳ̂, Yok-ngiam (chhai Kâ-me̍t),
[23] Tô-ngí (chhai sân-thi), Kô-yin (chhai Kâ-li-li),
[24] lâu Tet-sat, chúng-khiung sâm-sṳ̍p yit-ke vòng.