[1] Thi-ngi chhiâm he fûn-phi pûn Sî-mién kî-chhu̍k ke-têu kâ-chhu̍k ke thú-thi. Kì-têu ke thú-thi yû-têu theu-to Yù-thai kî-chhu̍k kin-nui;
[2] yû Phe̍t-sṳ-pâ (ya-he ôn-to Sṳ-pâ), Mô-lâ-thai,
[3] Ha̍p-sat-Sû-â, Pâ-lâ, Yî-sêm,
[4] Yî-li-tô-lâ, Pí-thú-li̍t, Hò-ngí-mâ,
[5] Sé-kiet-lâ, Pak-Mâ-kâ-pok, Ha̍p-sat-Sû-sat,
[6] Pak-Li-pâ-vut lâu Sâ-lû-hiám, chúng-khiung sṳ̍p-sâm chho sàng, lâu fu-khiun ke chhûn-chông.
[7] Nang-ngoi hàn-yû Â-yîn, Li-mùn, Yî-thiap, Â-sân si-chho sàng, lâu fu-khiun ke chhûn-chông.
[8] Liá-têu sàng-chṳ́n chû-vì só-yû ke chhûn-chông, yit-chhṳ̍t to nàm-phién ke Pâ-lâ-Pí-ngí (chhiu-he Lâ-mâ), chhiòn-phu pâu-hàm chhai-nui. Yî-song ke thú-thi he Sî-mién kî-chhu̍k ke-têu kâ-chhu̍k só pûn-tó ke sán-ngia̍p.
[9] Yîn-vi Yù-thai kî-chhu̍k fûn-phi tó ke thú-thi pí só sî-yeu ke kha-tô, khì-chûng yit phu-fun chhiu pûn-pûn Sî-mién kî-chhu̍k.
[10] Thi-sâm chhiâm he fûn-phi pûn Sî-pu-lùn kî-chhu̍k ke-têu kâ-chhu̍k ke thú-thi. Kì-têu ke thú-thi theu-to Sat-li̍p.
[11] Sî-phién ke thi-kie tui Sat-li̍p hiong-sî to Mâ-lâ-lâ, chiap-tó Thai-pâ-sat lâu Yok-ngiam tûng-phién ke hò-pa.
[12] Tûng-phién ke thi-kie tui Sat-li̍p hiong-tûng to Kit-sṳ̂-liu̍k-Thâ-phok ke piên-kie, chai-to Thai-pí-lâ, yu sông-to Ngâ-fî-â,
[13] tui ke-vi hiong-tûng to Kâ-thi̍t-Hî-fut lâu Yî-thi̍t-Kâ-sun, chón-hiong Lìm-mùn ke Nì-â.
[14] Pet-phién ke thi-kie tui ke-vi chón-hiong Ha̍p-nâ-tun, yit-chhṳ̍t to Yî-fut-thâ-Yî-le̍t sân-lak.
[15] Kì-têu ke thú-thi yu pâu-hàm Kâ-thâ, Nâ-ha̍p-lâ, Sṳ̂n-lùn, Yî-thai-lâ, Pak-li-hèn, chúng-khiung sṳ̍p-ngi chho sàng, lâu fu-khiun ke chhûn-chông.
[16] Liá-têu sàng-chṳ́n lâu chhûn-chông chhiòn-phu he Sî-pu-lùn kî-chhu̍k ke-têu kâ-chhu̍k só pûn-tó ke sán-ngia̍p.
[17] Thi-si chhiâm he fûn-phi pûn Yî-sat-kâ kî-chhu̍k ke-têu kâ-chhu̍k ke thú-thi.
[18] Kì-têu ke thú-thi pâu-hàm Yâ-sṳ̂-lie̍t, Kî-sû-li̍t, Sû-ngiam,
[19] Ha̍p-fut-lièn, Sṳ-on, Â-nâ-ha̍p-lâ,
[20] Lâ-piak, Kî-san, Â-phe̍t,
[21] Li-me̍t, Yún-Kôn-nèn, Yún-Ha̍p-thai, lâu Pak-Pha-siet.
[22] Kì-têu ke thi-kie theu-to Thâ-phok, Sâ-ha̍p-sé-mâ, Pak-Sṳ-ma̍k, yit-chhṳ̍t to Yok-tan-hò, chúng-khiung sṳ̍p-liuk chho sàng, lâu fu-khiun ke chhûn-chông.
[23] Liá-têu sàng-chṳ́n lâu chhûn-chông chhiòn-phu he Yî-sat-kâ kî-chhu̍k ke-têu kâ-chhu̍k só pûn-tó ke sán-ngia̍p.
[24] Thi-ńg chhiâm he fûn-phi pûn Â-sat kî-chhu̍k ke-têu kâ-chhu̍k ke thú-thi.
[25] Kì-têu ke thú-thi pâu-hàm Het-kap, Ha̍p-li, Pí-thièn, Ap-sat,
[26] Â-lâ-mí-le̍t, Â-ma̍t, lâu Mí-sâ-le̍t. Sî-phién ke thi-kie theu-to Kâ-me̍t lâu Hî-hot-Li̍p-na̍p,
[27] chón-hiong tûng-phién to Pak-Thai-kún, chiap Se-phu-lùn lâu Yî-fut-thâ-Yî-le̍t sân-lak, to pet-phién ke Pak-Yî-me̍t lâu Nì-ngia̍p, chai hiong-pet to Kâ-phu-le̍t,
[28] Ngi-pak-lùn, Li-ha̍p, Ha̍p-mùn, Kâ-nâ, yit-chhṳ̍t to Sî-tun thai-sàng.
[29] Tui liá-vi chón-hiong Lâ-mâ, to kiên-ku sàng Thai-ngì, yèn-heu chón-hiong Hò-sat, yit-chhṳ̍t to Thi-chûng-hói. Kì-têu ke thú-thi pâu-hàm Mâ-het-lâ, Â-kiet-sit,
[30] Vû-mâ, Â-fut, Li-ha̍p, chúng-khiung ngi-sṳ̍p ngi-chho sàng, lâu fu-khiun ke chhûn-chông.
[31] Liá-têu sàng-chṳ́n lâu chhûn-chông chhiòn-phu he Â-sat kî-chhu̍k ke-têu kâ-chhu̍k só pûn-tó ke sán-ngia̍p.
[32] Thi-liuk chhiâm he fûn-phi pûn Nâ-fut-thâ-li kî-chhu̍k ke-têu kâ-chhu̍k ke thú-thi.
[33] Kì-têu ke thi-kie tui Hî-li-fut to Sat-nâ-yîm ke siong-su ke-vi, yu to Â-thai-mí-Nì-kit lâu Ngâ-pí-ngiap, theu-to Lâ-khiung, yit-chhṳ̍t to Yok-tan-hò.
[34] Thi-kie tui liá-vi chón-hiong sî-phién, to Â-sṳ̂-na̍p-Thâ-phok, yu to Fu-kot, nàm-to Sî-pu-lùn, sî-to Â-sat, tûng-to Yok-tan-hò.
[35] Kiên-ku sàng yû Sî-tên, Chet-ngí, Ha̍p-ma̍t, Lâ-kap, Kî-nì-lie̍t,
[36] Â-thai-mâ, Lâ-mâ, Ha-só,
[37] Kî-tâi-sṳ̂, Yî-tet-lòi, Yún-Ha-só,
[38] Yî-li-vún, Me̍t-thai-Yî-le̍t, Fò-lièn, Pak-Â-na̍p lâu Pak-Sṳ-ma̍k, chúng-khiung sṳ̍p-kiú chho sàng, lâu fu-khiun ke chhûn-chông.
[39] Liá-têu sàng-chṳ́n lâu chhûn-chông chhiòn-phu he Nâ-fut-thâ-li kî-chhu̍k ke-têu kâ-chhu̍k só pûn-tó ke sán-ngia̍p.
[40] Thi-chhit chhiâm he fûn-phi pûn Tan kî-chhu̍k ke-têu kâ-chhu̍k ke thú-thi.
[41] Kì-têu ke thú-thi pâu-hàm Só-lâ, Yî-sṳ̍t-thò, Yî-ngí-Sṳ-ma̍k,
[42] Sâ-lâ-pîn, Â-ngâ-lùn, Yî-thì-lâ,
[43] Yî-lùn, Thìn-nâ, Yî-kiet-lùn,
[44] Yî-li-thì-kî, Kî-pí-tun, Pâ-lâ,
[45] Yî-fù-tet, Pí-nì-Pí-lâ, Kâ-thi̍t-Lìm-mùn,
[46] Mî-Yâ-khûn, Lâ-khûn, lâu Yok-pha tui-mien ke thú-thi.
[47] Tan kî-chhu̍k ke ngìn sṳt-thet thú-thi ke sṳ̀, kì-têu hi tá Li-san, chiông kì kûng-hâ, chhṳ̀-thet ke-vi ke ngìn, cham-liâng ke-sàng. Kì-têu he̍t chhai ke-vi, yung kì-têu chú-siên Tan ke miàng, chiông Li-san ke miàng kói-cho Tan.
[48] Liá-têu sàng-chṳ́n lâu chhûn-chông chhiòn-phu he Tan kî-chhu̍k ke-têu kâ-chhu̍k só pûn-tó ke sán-ngia̍p.
[49] Yî-set-lie̍t ngìn-mìn chiông thú-thi pûn-hó yî-heu, kì-têu pûn Nun ke lai-é Yok-sû-â yit-te thi, cho kì ke sán-ngia̍p.
[50] Kì-têu chûn-cheu Song-chú ke min-lin, chiông Yok-sû-â yêu-khiù ke sàng pûn kì, chhiu-he Yî-fap-lièn sân-khî ke Thìn-nâ-Sî-lâ. Yok-sû-â siû-kien ke-sàng, he̍t chhai ke-vi.
[51] Chi-sṳ̂ Yî-li-â-sat, Nun ke lai-é Yok-sû-â, lâu Yî-set-lie̍t kok kî-chhu̍k, kok kâ-chhu̍k ke-têu liâng-chhiu chhai Sṳ-lò, chhai Song-chú sṳn-chong-phùng ke mùn-héu chhû-chhiâm, khiù-mun Song-chú, fûn-phi yî-song liá-têu thú-thi. Án-ngiòng, kì-têu vàn-sṳ̀n fûn-phi thú-thi ke kûng-chok.