[1] Yâ-lu-sat-lâng-vòng Â-tô-nì-Sé-tet thâng-kóng Yok-sû-â kûng-tá pin chha̍t-tái fí-me̍t Ngie-sàng, chhṳ̀-sí Ngie-sàng ke vòng, chhiong kì yî-chhièn tui-thai Yâ-li-kô lâu kì ke vòng khiung-yong. Kì yu thâng-kóng Kî-phiên-ngìn lâu Yî-set-lie̍t-ngìn tá fò-phìn ke khie-yok, liá-ha he̍t chhai kì-têu tông-chûng.
[2] Yâ-lu-sat-lâng-ngìn fî-sòng kiâng; yîn-vi Kî-phiên m̀-he se-sàng, kì lâu ke-têu yû vòng ke sàng chhâ-m̀-tô thai, pí Ngie-sàng hàn-kha thai. Kî-phiên-sàng ke ngìn yu chhiòn-phu he yúng-sṳ.
[3] Só-yî Yâ-lu-sat-lâng-vòng Â-tô-nì-Sé-tet phai-ngìn chhòn-fa pûn Hî-pak-lùn-vòng Hò-hàm, Yâ-ma̍t-vòng Pí-làn, Lâ-kit-vòng Ngâ-fî-â, lâu Yî-kî-lùn-vòng Tí-piak, kóng:
[4] “Chhiáng-lòi pông-chhu ngài kûng-tá Kî-phiên, yîn-vi kì-têu thùng Yok-sû-â lâu Yî-set-lie̍t-ngìn tá fò-phìn ke khie-yok.”
[5] Só-yî Yâ-lu-sat-lâng-vòng, Hî-pak-lùn-vòng, Yâ-ma̍t-vòng, Lâ-kit-vòng, lâu Yî-kî-lùn-vòng, chhiu-he ńg-ke Â-mô-li-vòng lièn-ha̍p hí-lòi, tai-liâng kiûn-chhui, ôn-yàng kûng-tá Kî-phiên.
[6] Kî-phiên-ngìn chhòn-fa pûn chhai Kit-kap yàng-thi ke Yok-sû-â, kóng: “Cho-m̀-tet m̀-tap ngì ke phu̍k-ngìn, chhiáng kiak-kiak sông-lòi pông-chhu ngài-têu! Kiu ngài-têu! Só-yû he̍t chhai sân-khî ke Â-mô-li-vòng chhiòn-phu lièn-ha̍p hí-lòi kûng-tá ngài-têu lé!”
[7] Só-yî Yok-sû-â tai-liâng chhiòn-phu kiûn-chhui, pâu-hàm chui-voi siông-chhṳ̀ ke phu-chhui, tui Kit-kap sông-hi.
[8] Song-chú tui Yok-sû-â kóng: “M̀-sṳ́ kiâng kì-têu; ngài yí-kîn chiông kì-têu kâu chhai ngì sú-chûng lé! Kì-têu tông-chûng mò ngìn nèn tí-khong ngì.”
[9] Yok-sû-â tai-liâng kiûn-chhui theu-ya tui Kit-kap kón-to Kî-phiên, fut-yèn chhut-hien kûng-kit Â-mô-li-ngìn.
[10] Song-chú sṳ́ Â-mô-li-ngìn yit khon-tó Yî-set-lie̍t kiûn-chhui chhiu kiâng-to lon chhiang-chhiang. Yî-set-lie̍t-ngìn chhai Kî-phiên thai-yàng kì-têu, tûi kì-têu to Pak-Fò-lùn ke sân-kia, yu hiong-nàm yit-chhṳ̍t tûi-to Â-sî-kâ lâu Mâ-kî-thai, chhṳ̀-sí tông-tô ngìn.
[11] Tông Â-mô-li-ngìn pûn Yî-set-lie̍t kiûn-chhui kiuk-to Pak-Fò-lùn hâ-kia ke sṳ̀, Song-chú theu-lu lo̍k thai pên-pho̍k tá kì-têu, chhṳ̍t-to Â-sî-kâ. Pûn pên-pho̍k tá-sí ke ngìn pí pûn Yî-set-lie̍t kiûn-chhui chhṳ̀-sí ke hàn-kha tô.
[12] Song-chú sṳ́ Yî-set-lie̍t-ngìn tá-yàng Â-mô-li-ngìn. Ke-ngit, Yok-sû-â chhai Yî-set-lie̍t-ngìn mien-chhièn hiong Song-chú khì-tó: “Ngit-thèu â, thìn chhai Kî-phiên ke thiên táng-kô; ngie̍t-kông â, thìn chhai Â-ngâ-lùn sân-lak táng.”
[13] Ngit-thèu chhiu thìn hâ-lòi, ngie̍t-kông ya mò thîn-thûng, chhṳ̍t-to Yî-set-lie̍t tá-yàng sù-thi̍t. Liá-khien sṳ ki-chai chhai Ngâ-sat-ngí Sû. Ngit-thèu thìn chhai thiên-táng thai-yok yit-ngit, mò cheu-sṳ̀ lo̍k-sân.
[14] Song-chú thâng ngìn ke khì-tó, chhiùng-lòi m̀-sṳt yû chhiong án-ngiòng ke yit-ngit, yîn-vi Song-chú vi Yî-set-lie̍t chan-chên!
[15] Sṳ-chhìn kiet-suk heu, Yok-sû-â tai-liâng Yî-set-lie̍t kiûn-chhui chón Kit-kap yàng-thi.
[16] Ńg-ke Â-mô-li vòng thò-chéu, khong chhai Mâ-kî-thai ke sân-lùng tú.
[17] Yû-ngìn fat-hien kì-têu, chhiu po-pûn Yok-sû-â tî kì-têu khong chhai sân-lùng tú.
[18] Yok-sû-â kóng: “Chan kí-te thai sa̍k-thèu ko-lòi, set sân-lùng héu, phai kí-ke ngìn chóng-tén.
[19] Chúng-he ngì-têu m̀-hó liù chhai ke-vi, oi ki-siu̍k tûi thi̍t-ngìn, hi chhṳ̀ poi-mî ke phu-chhui, m̀-hó pûn kì-têu chéu-chón sàng-tú! Song-chú — ngì-têu ke Song-ti yí-kîn chiông kì-têu kâu chhai ngì-têu sú-chûng lé.”
[20] Yok-sû-â lâu Yî-set-lie̍t-ngìn vàn-chhiòn mò liù-chhìn, chhin-miang chhṳ̀-thet kì-têu, chṳ́-yû chhûn-tó séu-su kí-ke ngìn thò-ngi̍p kí-chho kiên-ku ke sàng-tú, mò chhṳ̀-thet.
[21] Yèn-heu, Yok-sû-â tai-liâng ke kiûn-mìn chhiòn-phu phìn-ôn chón-to Mâ-kî-thai ke yàng-thi. Tui án-ngiòng, mò-ngìn kám khôi-khiéu fán-tui Yî-set-lie̍t-ngìn.
[22] Yok-sû-â kóng: “Chan-khôi sân-lùng héu ke sa̍k-thèu! Chiông ke ńg-ke vòng tai chhut-lòi kien ngài!”
[23] Kì-têu chhiu chan-khôi sa̍k-thèu, chiông ke ńg-ke vòng, chhiu-he Yâ-lu-sat-lâng-vòng, Hî-pak-lùn-vòng, Yâ-ma̍t-vòng, Lâ-kit-vòng, lâu Yî-kî-lùn-vòng tai-to Yok-sû-â mien-chhièn.
[24] Yok-sû-â seu-si̍p só-yû ke Yî-set-lie̍t-ngìn lòi, fûn-fu ke-têu thèn kì hi siông-chhṳ̀ ke kiûn-kôn, yung kiok-tha̍p chhai ke ńg-ke vòng ke kiáng-kîn, kì-têu chhiu cheu án-ngiòng cho.
[25] Yok-sû-â tui ke-têu kiûn-kôn kóng: “M̀-sṳ́ kiâng kì-têu, m̀-hó sṳt-chṳ, oi kiên-khiòng, oi yúng-kám, yîn-vi Song-chú oi chhiong án-ngiòng tá-yàng ngì-têu só-yû ke sù-thi̍t.”
[26] Yèn-heu Yok-sû-â chhṳ̀-thet ke ńg-ke vòng, chiông kì-têu ke sṳ̂-thí koa chhai ńg-thèu su-táng, chhṳ̍t-to lìm-am-é.
[27] Ngit-thèu lo̍k-sân ke sṳ̀, Yok-sû-â ha-lin chiông sṳ̂-thí kié hâ-lòi, fit-ngi̍p kì-têu khong-ko ke sân-lùng tú, lùng-héu yung thai sa̍k-thèu set-tén. Ke-têu sa̍k-thèu to liá-ha hàn chhai ke-vi.
[28] Ke-ngit, Yok-sû-â kûng-hâ Mâ-kî-thai. Kì chhṳ̀-thet kì ke vòng lâu sàng-tú só-yû ke ngìn, mò liù-hâ yit-ke. Kì tui-thai Mâ-kî-thai-vòng, chhiong tui-thai Yâ-li-kô-vòng khiung-yong.
[29] Chiap hâ-hi, Yok-sû-â lâu Yî-set-lie̍t kiûn-chhui tui Mâ-kî-thai hi kûng-tá Li̍p-nâ.
[30] Song-chú ya chiông liá-sàng lâu kì ke vòng kâu chhai Yî-set-lie̍t-ngìn sú-chûng. Kì-têu chhṳ̀-thet sàng-tú só-yû ke ngìn, mò liù yit-ke. Kì-têu tui-thai Li̍p-nâ-vòng, chhiong tui-thai Yâ-li-kô-vòng khiung-yong.
[31] Chiap-tén, Yok-sû-â tai-liâng Yî-set-lie̍t kiûn-chhui lì-khôi Li̍p-nâ hi vì-kûng Lâ-kit.
[32] Chhai chan-chên ke thi-ngi ngit, Song-chú chiông Lâ-kit kâu chhai Yî-set-lie̍t-ngìn sú-chûng. Kì-têu tui-thai Lâ-kit, chhiong tui-thai Li̍p-nâ khiung-yong, ya chhṳ̀-thet sàng-tú só-yû ke ngìn, mò liù yit-ke.
[33] Ke-sṳ̀, Kî-set-vòng Hò-làn lòi pông-chhu Lâ-kit, chúng-he Yok-sû-â tá-yàng kì, sêu-me̍t kì ke kiûn-chhui, mò liù yit-ke ngìn.
[34] Heu-lòi, Yok-sû-â tai-liâng Yî-set-lie̍t kiûn-chhui lì-khôi Lâ-kit hi vì-kûng Yî-kî-lùn.
[35] Kì-têu tông-ngit chhiu kûng-hâ ke-sàng, chiông ke-vi ke ngìn chhṳ̀ chhiang-chhiang, chhiong kì-têu chhai Lâ-kit só-cho ke khiung-yong.
[36] Ko-heu, Yok-sû-â tai-liâng Yî-set-lie̍t kiûn-chhui lì-khôi Yî-kî-lùn sông-hi Hî-pak-lùn sân-khî, vì-kûng Hî-pak-lùn.
[37] Kì-têu kûng-hâ ke-sàng, chhṳ̀-thet kì ke vòng lâu sàng-tú só-yû ke ngìn, pin chû-vì sàng-chṳ́n ke ngìn, mò liù yit-ke. Yok-sû-â sêu-me̍t liá-sàng, chhiu-chhiong kì tui-thai Yî-kî-lùn khiung-yong, mò liù yit-ke ngìn.
[38] Chui-heu, Yok-sû-â tai-liâng Yî-set-lie̍t kiûn-chhui chón-hi kûng-tá Tí-piak,
[39] cham-liâng ke-sàng lâu fu-khiun só-yû ke sàng-chṳ́n, chiông vòng lâu ke-vi ke ngìn chhiòn-phu chhṳ̀-sí, mò liù yit-ke. Yok-sû-â tui-thai Tí-piak lâu kì ke vòng, chhiu-chhiong kì tui-thai Hî-pak-lùn lâu Li̍p-nâ, pin Li̍p-nâ-vòng khiung-yong.
[40] Án-ngiòng, Yok-sû-â chṳ̂n-fu̍k kûi-chak thi-khî. Kì chṳ̂n-fu̍k sân-khî, tûng-phién ke sân-phài lâu sî-phién ke kô-ngièn, hàn-yû nàm-phu ke châu-thi. Kì tá-yàng liá thi-khî só-yû ke vòng, chhṳ̀-sí só-yû ke ngìn-mìn, mò liù yit-ke. Liá he Song-chú — Yî-set-lie̍t ke Song-ti só min-lin ke.
[41] Yok-sû-â kûng-tá thi̍t-ngìn, tui nàm-phién ke Kâ-tâi-sṳ̂-Pâ-nì-â to khiun-hói ke Kâ-sat, pâu-hàm só-yû Kô-sân thi-khî, hiong-pet chhṳ̍t-to Kî-phiên.
[42] Yok-sû-â chhai yit-pái chan-chên chûng chṳ̂n-fu̍k liá-têu vòng lâu kì-têu ke thú-thi, yîn-vi Song-chú — Yî-set-lie̍t ke Song-ti vi Yî-set-lie̍t chan-chên.
[43] Chan-chên kiet-suk heu, Yok-sû-â tai-liâng Yî-set-lie̍t kiûn-chhui chón-hi Kit-kap yàng-thi.