[1] Yù-thai kî-chhu̍k ke-têu kâ-chhu̍k só pûn-tó ke thú-thi ki chhai hâ-poi: Kì-têu ke thú-thi hiong-nàm chhṳ̍t-to Yî-tûng piên-kie, to Chhìm ke khóng-yâ chui nàm-phién.
[2] Liá nàm-phién thi-kie he tui Sí-hói nàm-phién khôi-sṳ́,
[3] hiong-nàm tui Â-khiet-lâ-pîn lu-héu to Chhìm, yu tui Kâ-tâi-sṳ̂-Pâ-nì-â nàm-fông hiong-pet, kîn-ko Hî-sṳ̂-lùn, chhṳ̍t-to Â-tha̍t-ngí, chai chón-hiong Kap-kâ,
[4] chhṳ̍t-to Ap-mùn, chai sun Âi-khi̍p piên-kin ke hò-pa to Thi-chûng-hói. Liá chhiu-he Yù-thai kî-chhu̍k nàm-phién ke thi-kie.
[5] Tûng-phién ke thi-kie he Sí-hói, hiong-song to Yok-tan-hò liù-to Sí-hói ke ngi̍p-héu. Pet-phién ke thi-kie tui ke ngi̍p-héu khôi-sṳ́,
[6] chhṳ̍t-to Pak-Hot-lâ, theu-to ke voi khon-tó Yok-tan-hò hò-sùn phìn-ngièn ke sân-liâng pet-phién, hiong-pet to Pô-hón-sa̍k (Pô-hón he Lî-phien ke lai-é),
[7] yu tui Â-kot sân-lak to Tí-piak, hiong-pet to Kit-kap (Kit-kap mien-tui hò-kuk nàm-phién ke Â-tû-mìn lu-héu). Yèn-heu thi-kie theu-to Yún-Sṳ-ma̍k, thûng-to Yún-Lò-kiet,
[8] sun Hiûn-nun-chṳ́ sân-lak to sân nàm-phién ke Yâ-pu-sṳ̂-sàng (chhiu-he Yâ-lu-sat-lâng), tui liá-vi sông-to Hiûn-nun sân-lak sî-phién ke sân-táng, chhiu-he Li-fa̍t-yîm sân-lak chui pet-phién,
[9] yu theu-to Nì-fut-tô-â-chhièn, to Yî-fut-lùn-sân fu-khiun ke sàng-chṳ́n, yèn-heu chón-hiong Pâ-lâ (yu ôn-to Kî-lie̍t-Yâ-lìm),
[10] lit-ko Pâ-lâ sî-phién to Yî-tûng sân-khî, lièn-to Yâ-lìm-sân pet-phién (yu ôn-to Kî-sat-lùn-sân), hiong-hâ to Pak-Sṳ-ma̍k, ko Thìn-nâ,
[11] yèn-heu hiong Yî-kiet-lùn pet-phién ke sân, chai chón-hiong Sṳ̂-kî-lùn, kîn-ko Pâ-lâ-sân to Ngâ-pí-ngiap, chhṳ̍t-to Thi-chûng-hói.
[12] Thi-chûng-hói chhiu-he Yù-thai kî-chhu̍k sî-phién ke piên-kie. Yù-thai ke-têu kâ-chhu̍k ke ngìn chhiu-he he̍t chhai liá thi-khî.
[13] Yok-sû-â chûn-cheu Song-chú ke min-lin chiông Yù-thai yit phu-fun thú-thi pûn-pûn Yù-thai kî-chhu̍k Yâ-fù-nì ke lai-é Kâ-le̍t. Kâ-le̍t tet-tó Hî-pak-lùn, chhiu-he su̍k Â-na̍p kiâ-pâ ke Â-pâ-sàng.
[14] Kâ-le̍t chiông Â-na̍p sâm-ke lai-é ke heu-thoi kiuk-chhut sàng; chhiu-he Sṳ-chhî-chhu̍k, Â-hî-man-chhu̍k, lâu Tha̍t-mâi-chhu̍k.
[15] Kâ-le̍t yu tui ke-vi kûng-tá Tí-piak ke ngìn-mìn. Liá-sàng yî-chhièn ôn-to Kî-lie̍t-Sî-fut.
[16] Kâ-le̍t kóng: “Má-ngìn cham-liâng Kî-lie̍t-Sî-fut, ngài chhiu chiông ngài ke moi-é Ap-sat ka-pûn kì!”
[17] Kâ-le̍t ke ló-thâi Kî-na̍p-sṳ̂ ke lai-é Ngò-thò-ngiap cham-liâng ke-sàng; só-yî Kâ-le̍t chiông moi-é Ap-sat pûn kì cho pû-ngiòng.
[18] Kiet-fûn ke-ngit, Ngò-thò-ngiap sô-súng Ap-sat hi hiong kiâ-pâ thó yit-te thièn-thi. Ap-sat yit hâ lì-è, Kâ-le̍t chhiu mun kì oi má-ke,
[19] kì kóng: “Khiù ngì sung ngài yit-ke lî-vu̍t; yîn-vi ngì pûn ngài ôn-kî chhai châu-thi, khiù ngì ya pûn ngài chhièn-súi.” Só-yî Kâ-le̍t chiông song chhièn-súi lâu ha chhièn-súi chhiòn-phu pûn kì.
[20] Yî-ha he Yù-thai kî-chhu̍k ke-têu kâ-chhu̍k tet-tó ke sán-ngia̍p.
[21] Chui nàm-phién vá-khiun Yî-tûng piên-kin ke sàng-chṳ́n yû: Kap-siet, Yî-tet, Ngâ-kû-ngí,
[22] Kî-nâ, Tí-mô-nâ, Â-thai-tha̍t,
[23] Kî-tâi-sṳ̂, Ha-só, Yî-thì-nàm,
[24] Sî-fut, Thì-lien, Pí-â-liu̍k,
[25] Ha-só-Ha̍p-thai-thâ, Kâ-lio̍k-Hî-sṳ̂-lùn (chhiu-he Ha-só),
[26] Â-man, Sṳ-mâ, Mô-lâ-thai,
[27] Ha̍p-sat-Kâ-thai, Het-sṳ̍t-mùn, Pak-Pha-lie̍t,
[28] Ha̍p-sat-Sû-â, Phe̍t-sṳ-pâ, Pí-sṳ̂-yok-thâ,
[29] Pâ-lâ, Yî-yîn, Yî-sêm,
[30] Yî-le̍t-tô-la̍p, Kî-sṳt, Hò-ngí-mâ,
[31] Sé-kiet-lâ, Ma̍k-mâ-nâ, Sâm-sat-nâ,
[32] Li-pâ-vut, Sṳ̍t-hiûn, Â-yîn lâu Lìm-mùn, chúng-khiung ngi-sṳ̍p kiú-chho sàng, lâu fu-khiun ke chhûn-chông.
[33] Chhai sî-phién kô-ngièn ke sàng-chṳ́n yû: Yî-sṳ̍t-thò, Só-lâ, Â-sṳ̍t-nâ,
[34] Sat-nò-â, Yún-Kôn-nèn, Thâ-phû-â, Yî-nàm,
[35] Yâ-ma̍t, Â-thu-làn, Sô-kô, Â-sî-kâ,
[36] Sâ-lâ-yîm, Â-tí-thâ-yîm, Kî-tí-lâ lâu Kî-tí-lò-thâ-yîm, chúng-khiung sṳ̍p-si chho sàng, lâu fu-khiun ke chhûn-chông.
[37] Yu-yû Sé-nàm, Ha̍p-thai-sâ, Ma̍k-thai-Kâ-tet,
[38] Tí-lièn, Mí-sṳ̂-pâ, Yok-thiap,
[39] Lâ-kit, Pô-sṳ̂-kâ, Yî-kî-lùn,
[40] Kâ-pún, Lâ-man, Kî-thì-li,
[41] Kî-tâi-lò, Pak-Thai-kún, Nâ-mâ lâu Mâ-kî-thai, chúng-khiung sṳ̍p-liuk chho sàng, lâu fu-khiun ke chhûn-chông.
[42] Yu-yû Li̍p-nâ, Yî-thiap, Â-sân,
[43] Yit-fut-thâ, Â-sṳ̍t-nâ, Nì-sit,
[44] Kî-yî-lâ, Â-kiet-sit lâu Mâ-li-sâ, chúng-khiung kiú-chho sàng, lâu fu-khiun ke chhûn-chông.
[45] Yu-yû Yî-kiet-lùn lâu fu-khiun ke chhûn-chông,
[46] tui Yî-kiet-lùn to Thi-chûng-hói, vá-khiun Â-sṳ̍t-thut só-yû ke chhûn-chông.
[47] Yu-yû Â-sṳ̍t-thut lâu Kâ-sat, lièn-thùng fu-khiun ke chhûn-chông, chhṳ̍t-to Âi-khi̍p piên-kin ke hò-pa lâu Thi-chûng-hói sùn.
[48] Chhai sân-khî yû: Sâ-me̍t, Ngâ-thì-ngí, Sô-kô,
[49] Thai-nâ, Kî-lie̍t-Sat-nâ (chhiu-he Tí-piak),
[50] Â-nâ-pak, Yî-sṳ̍t-thì-mo̍k, Â-ngiam,
[51] Kô-sân, Hò-lùn lâu Kî-lò, chúng-khiung sṳ̍p-yit chho sàng, lâu fu-khiun ke chhûn-chông.
[52] Yu-yû Â-lâ, Thu-mâ, Yî-sân,
[53] Ngâ-nùng, Pak-Thâ-phû-â, Â-fî-kâ,
[54] Fèn-thâ, Kî-lie̍t-Â-pâ (chhiu-he Hî-pak-lùn), lâu Sé-ngí, chúng-khiung kiú-chho sàng, lâu fu-khiun ke chhûn-chông.
[55] Yu-yû Mâ-yùn, Kâ-me̍t, Sî-fut, Vû-thâ,
[56] Yâ-sṳ̂-lie̍t, Yok-thien, Sat-nò-â,
[57] Kâi-yún, Kî-pí-â lâu Thìn-nâ, chúng-khiung sṳ̍p-chho sàng, lâu fu-khiun ke chhûn-chông.
[58] Yu-yû Ha̍p-fut, Pak-Siuk, Kî-thut,
[59] Mâ-la̍p, Pak-Â-nok lâu Yî-le̍t-thì-kiûn, chúng-khiung liuk-chho sàng, lâu fu-khiun ke chhûn-chông.
[60] Yu-yû Kî-lie̍t-Pâ-li̍t (chhiu-he Kî-lie̍t-Yâ-lìm) lâu Lâ-pâ lióng-chho sàng, lâu fu-khiun ke chhûn-chông.
[61] Chhai khóng-yâ yû: Pak-Â-lâ-pâ, Me̍t-tên, Sî-kâ-kâ,
[62] Ni̍t-sân, Yàm-sàng lâu Yún-Kî-tí, chúng-khiung liuk-chho sàng, lâu fu-khiun ke chhûn-chông.
[63] Yù-thai-ngìn mò fap-thu chiông he̍t chhai Yâ-lu-sat-lâng ke Yâ-pu-sṳ̂-ngìn kiuk-chéu, só-yî Yâ-pu-sṳ̂-ngìn hàn-he lâu Yù-thai-ngìn khiung-ha he̍t chhai ke-vi, chhṳ̍t-to kîm-pû-ngit.