[1] Liá-sṳ̀, Yok-sû-â yí-kîn tông-ló. Song-chú tui kì kóng: “Ngì án-ló lé; chúng-he hàn-yû chhin-fat ke só-chhai màng cham-liâng,
[2] chhiu-he Fî-li-sṳ lâu Kî-sut ke kûi-chak thi-khî,
[3] pin nàm-fông Â-ví-ngìn só-yû ke thú-thi. (Liá-te thi nàm tui Âi-khi̍p piên-kin ke Sî-hot-hò, pet to Yî-kiet-lùn ke piên-kin, pún-lòi su̍k Kâ-nàm-ngìn, chhiu-he he̍t chhai Kâ-sat, Â-sṳ̍t-thut, Â-sṳ̍t-kî-lùn, Kâ-thi̍t lâu Yî-kiet-lùn ke Fî-li-sṳ ńg-ke vòng só-yû ke.)
[4] Hàn-yû Kâ-nàm-ngìn só-yû ke thú-thi, lâu su̍k Sî-tun-ngìn ke Mí-â-lâ, chhṳ̍t-to Â-mô-li-ngìn piên-kin ke Â-fut;
[5] yu-yû Kâ-pâ-le̍t-ngìn ke thú-thi, Lì-pâ-nun tûng-phién só-yû ke thú-thi — tui Het-mùn-sân nàm-phién ke Pâ-li̍t-Kâ-tet to Ha̍p-mâ ai-héu.
[6] Liá thi-khî pâu-hàm he̍t chhai Lì-pâ-nun-sân lâu Mí-sṳ̂-li-fut-Mâ-yîm chṳ̂-kiên sân-khî ke Sî-tun-ngìn só-yû ke thú-thi. Tông Yî-set-lie̍t-ngìn chin-to ke-vi ke sṳ̀, Ngài oi chhîn-chhṳ chiông liá-têu ngìn chhiòn-phu kiuk chhut-hi. Ngì oi cheu Ngài min-lin ngì ke fa chiông liá-te thi chhû-chhiâm pûn-pûn Yî-set-lie̍t-ngìn.
[7] Liá-ha, ngì oi chiông liá-te thi pûn-pûn khì-thâ ke kiú-ke kî-chhu̍k lâu Mâ-nâ-sî ke pan kî-chhu̍k, cho kì-têu ke sán-ngia̍p.”
[8] Lî-phien kî-chhu̍k, Kâ-tet kî-chhu̍k, lâu Mâ-nâ-sî ke pan kî-chhu̍k ke ngìn yí-kîn tet-tó Song-chú ke phu̍k-ngìn Mô-sî pûn-pûn kì-têu, chhai Yok-tan-hò tûng-phién ke thú-thi.
[9] Kì-têu ke thú-thi tui Â-nun sân-lak sùn-thèu ke Â-lò-ngí yit-chhṳ̍t to sân-lak tûng-ông ke sàng, pâu-hàm Mí-tí-pâ to Tí-pún só-yû ke kô-ngièn;
[10] yu chhṳ̍t-to Â-mùn piên-kie, pâu-hàm Hî-sṳ̍t-pún ke Â-mô-li-vòng Sî-fèn só thúng-chhṳ ke ke-têu sàng.
[11] Liá-te thú-thi ya pâu-hàm Kî-lie̍t, Kî-sut lâu Mâ-kâ, kûi-chak Het-mùn-sân, lâu Pâ-sân chhiòn-thi, chhṳ̍t-to Sat-kâ;
[12] yu pâu-hàm chui-heu yit-ke Li-fa̍t-yîm-ngìn, Pâ-sân-vòng Ngo̍k só thúng-chhṳ ke koet-thú — Â-sṳ̂-thâ-liu̍k lâu Yî-tet-lòi. Mô-sî tá-yàng liá-têu ngìn, chiông kì-têu kiuk chhut-hi.
[13] Chúng-he Yî-set-lie̍t-ngìn mò kiuk-chéu Kî-sut-ngìn lâu Mâ-kâ-ngìn; kì-têu chhṳ̍t-to kîm-pû-ngit hàn-he he̍t chhai Yî-set-lie̍t koet-nui.
[14] Mô-sî mò pûn thú-thi pûn Li-vi kî-chhu̍k, yîn-vi Song-chú sṳt lâu Mô-sî kóng, kì-têu oi pûn-tó sêu-hien pûn Song-chú — Yî-set-lie̍t Song-ti ke chi-vu̍t; liá chhiu-he kì-têu ke sán-ngia̍p.
[15] Mô-sî pûn yit phu-fun thú-thi pûn Lî-phien kî-chhu̍k ke-têu kâ-chhu̍k, cho kì-têu ke sán-ngia̍p.
[16] Kì-têu ke thi-kie chhṳ̍t-to Â-nun sân-lak sùn-thèu ke Â-lò-ngí, lâu sân-lak tûng-ông ke sàng, pin Mí-tí-pâ chû-vì ke kô-ngièn;
[17] yu pâu-hàm Hî-sṳ̍t-pún lâu kô-ngièn song só-yû ke sàng, chhiu-he Tí-pún, Pâ-ma̍t-Pâ-li̍t, Pak-Pâ-li̍t-Mién,
[18] Ngâ-chha̍p, Kî-tí-mo̍k, Mí-fap-ap,
[19] Kî-lie̍t-thìn, Sî-pí-mâ, hò-kuk chûng sân-kông ke Se-lie̍t-ha̍p-Sâ-hot,
[20] Pak-Phî-ngí, Pí-sṳ̂-kâ sân-phài, lâu Pak-Yâ-sî-ma̍t.
[21] Kì-têu ke thú-thi ya pâu-hàm kô-ngièn song só-yû ke sàng lâu Hî-sṳ̍t-pún ke Â-mô-li-vòng Sî-fèn chhiòn-phu ke koet-thú. Mô-sî tá-yàng Sî-fèn-vòng, ya tá-yàng Mí-thien ke-têu liâng-chhiu: Yî-vi, Li-kîm, Sû-ngí, Fu-ngí lâu Li-pâ. Liá-têu liâng-chhiu sṳt vi Sî-fèn-vòng thúng-chhṳ liá thi-khî.
[22] Chhai Yî-set-lie̍t-ngìn chhṳ̀-thet ke ngìn tông-chûng, yû Pí-ngí ke lai-é puk-koa ke Pâ-làn.
[23] Lî-phien kî-chhu̍k ke sî-phién he yung Yok-tan-hò cho kie-han. Yî-song liá-têu sàng-chṳ́n chhiòn-phu pûn-pûn Lî-phien kî-chhu̍k ke-têu kâ-chhu̍k, cho kì-têu ke sán-ngia̍p.
[24] Mô-sî pûn yit phu-fun thú-thi pûn Kâ-tet kî-chhu̍k ke-têu kâ-chhu̍k, cho kì-têu ke sán-ngia̍p.
[25] Kì-têu ke thi-kie pâu-hàm Ngâ-chhia lâu Kî-lie̍t só-yû ke sàng, lâu Â-mùn-ngìn thú-thi ke yit-pan, chhṳ̍t-to Lâ-pâ tûng-phién ke Â-lò-ngí;
[26] yu pâu-hàm tui Hî-sṳ̍t-pún to Lâ-mat-Mí-sṳ̂-pâ lâu Pí-tô-nèn, tui Mâ-ha̍p-ngiam to Lò-Tí-pâ ke piên-kie.
[27] Yok-tan hò-kuk ke phu-fun pâu-hàm Pak-Ha̍p-làn, Pak-Nèn-lâ, Sû-kot, lâu Sat-fûn, chhiu-he Hî-sṳ̍t-pún-vòng Sî-fèn khì-thâ ke thú-thi, sî-phién ke piên-kie he Yok-tan-hò, hiong-pet chhṳ̍t-to Kâ-li-li-fù.
[28] Yî-song liá-têu sàng-chṳ́n chhiòn-phu pûn-pûn Kâ-tet kî-chhu̍k ke-têu kâ-chhu̍k, cho kì-têu ke sán-ngia̍p.
[29] Mô-sî pûn yit phu-fun thú-thi pûn Mâ-nâ-sî ke pan kî-chhu̍k ke-têu kâ-chhu̍k, cho kì-têu ke sán-ngia̍p.
[30] Kì-têu ke thi-kie chhṳ̍t-to Mâ-ha̍p-ngiam, pâu-hàm Pâ-sân chhiòn-thi, chhiu-he Pâ-sân-vòng Ngo̍k ke chhiòn-phu thú-thi, lâu chhai Pâ-sân, su̍k Ngài-ngí ke liuk-sṳ̍p ke chhûn-chông.
[31] Yu pâu-hàm Kî-lie̍t ke yit-pan, lâu Pâ-sân-vòng Ngo̍k ke lióng-chho thai-sàng — Â-sṳ̂-thâ-liu̍k lâu Yî-tet-lòi. Yî-song liá-têu thú-thi chhiòn-phu pûn-pûn Mâ-nâ-sî ke pan kî-chhu̍k ke-têu kâ-chhu̍k; liá pan kî-chhu̍k he Mâ-nâ-sî ke lai-é Mâ-kit ke heu-thoi.
[32] Yî-song só ki-chai he Mô-sî chhai Yok-tan-hò tûng-phién, Yâ-li-kô tui-mien, chhai Mô-ap phìn-ngièn pûn thú-thi ke chhìn-hìn.
[33] Mô-sî mò pûn thú-thi pûn Li-vi kî-chhu̍k; kì lâu kì-têu kóng, cheu Song-chú só yin-hí ke, Song-chú — Yî-set-lie̍t ke Song-ti chhiu-he kì-têu pûn-tó ke sán-ngia̍p.