[1] Yaa obboleeyyan koo! Hawwiin garaa kiyyaa tii fi kadhanniniin ani gara Rabbitti isaaniif jecha godhu, akka ummanni Israa'el najaa baafamuufi.
[2] Isaan Rabbiif akka hubboo qaban ani ragaa niin bahaaf; haa tahu malee, hubboon isaanii akka hubannaa dhugaattii miti.
[3] Qaceelummaa Rabbiin kannu wallaalanii, qaceelummaa mataa isaanii dhaabbachuu yaaluu dhaan, qaceelummaa Rabbi namaaf kannuuf if hin oggolchiifne.
[4] Kiristoos, nama isatti amanu hundumaa fuu, qaceelummaa lakkooysisuuf jecha, kaatimaa seerichaa ti tahe.
[5] Museen waa'ee qaceelummaa seera keeysaa arkamtu laalchisuun, “Namtichi waan seerri ajaju godhu, ittiin ni jiraata” jedhee barreeysee ti jira.
[6] Qaceelummaan amantii keeysaan arkamtu ammoo, “Kiristoos gadi fiduuf, ‘Eenyuu tu gara samitti ol baha?’
[7] Yookiin ammoo, Kiristoos warra du'an keeysaa ol baasuuf, ‘Eenyuu tu hunquuftutti gadi bu'a?’ jettee qalbii tee keeysatti hin yaadin!” jedhe.
[8] Eegasuu maal jedha ree? “Qoowlichi sitti dhihoo dha; afaan kee keeysaa fi ammaas, qalbii tee keeysaas ni jira” jedha; kuniis qoowlii amantii dhaa tanuma nuti lallabnu jechuu dha.
[9] Yesuus “Gooftaa dha” jettee afaan kee tiin yoo ragaa baate, Rabbi du'aa akka isa kaasees ammaas qalbii tee tiin yoo amante, najaa dha baata.
[10] Namni qalbii isaa tiin amanuu dhaan qaceelaa taha, afaan isaa tiiniis ragaa bahuu dhaan najaa baha.
[11] Kitaaba keeysatti, “Namni isatti amanu hundinuu if hin qaanfachiifamu” jedha.
[12] Kana irratti Yihudaa tii fi saba biraa jiddutti garaagarummaan hin jiru; inni kunoo Gooftaa nama hundumaa ti, warra isa yaammatan hundumaafiis badhaadhummaa isaa irraa ni arjoomaafi.
[13] Barreeyfamni Qulqulluun, “Namni maqaa Gooytaa yaammatu hundinuu najaa dha baha” jedha.
[14] Namoonni ammoo, isa itti hin amanin akkamitti yaammachuu dandayu ree? Akkamitti kan waa'ee isaa dhagayanii hin beeynettiis amanu? Nama isaanitti lallabu odoo hin qabaatin, akkamitti waa'ee isaa dhagayu ree?
[15] Namoonni niis odoo hin ergamin, akkamitti lallabu? “Faanti warra Oduu Gammachuu dhaa fidanii dhufanii akkamitti babbareedaa dha!” kan jedhu barreeyfamee ti jira.
[16] Warri Wangeela dhagayan hundinuu amanan jechuu dhaa miti; Isaayyaas, “Yaa Gooytaa, eenyuu tu ergaa teenya amane ree?” jedha.
[17] Eegasuu amantiin ergaa dhagayuu irraa dhufti, ergaan tuniis Qoowlii Kiristoos irraa hi dhufti.
[18] Haa tahuu malee gaaffiiniin ani qabu, isaan dhugumaan tana hin dhageenyee? tan jettuu dha. Dhagayuun isaanii mamii takka illee hin qabu. Barreeyfamni Qulqulluun, “Sagaleen isaanii bakka hundumaa wal geeyse, dubbiin isaanii tiis hanga daangaa biyya addunyaatti dheeyxe” jedha.
[19] Ammaas deebi'ee ummanni Israa'eluu, waan dhagaye hin hubannee tahaa? jedhee tiin gaafadha. Rabbi duraan dursee ti, “Warra qomoo Israa'el hin tahinitti akka hinaaftaniin isin godha, saba wallaalaaniis akka isin aartaniin isin godha” jechuun karaa Musee tiin dubbatee ti jira.
[20] Akkasumatti ammaas: “Warra ana hin barbaadiniifiin arkame, warra ana hin iyyaafatiniifiin mulladhee jira” jechuu dhaan Isaayyaas zaahiritti dubbatee ti jira.
[21] Ummata Israa'el laalchisuun ammoo, “‘Guyyaa guutuu harka kiyya gara ummata ajajamuu didee anaan mormutti, achi diriirsee tiin jira’ jedhee ti dubbate” jedha.