[1] Ani silaa afaan namoonni yookiin maleeykoonni Rabbii dubbatan hundumaa dubbachuu dandayee, ammoo jaalala qabaachuu yoon baadhe, akka sibiila kiliwisuu yookiin akkuma shaakura shakamsuu tiin taha.
[2] Ani silaa kannaa raajii dubbachuu qabaadhee, sirrii jirtu hundumaas beekee, beekumsa hundumaa illee qabaadhee, ammaas amantii gaara bakka isaa tii sossooftuus qabaadhee, ammoo jaalala yoon qabaachuu baadhe, ani humaattuu hin lakkaawamu.
[3] Waanumaan qabu hundumaa hiyyeeysaaf hiree, if gogodhuu dhaan qaama kiyya illee belbela ibiddaatti dabarsee yoon kanne illee, jaalala qabaachuu baannaan ammoo, faaydaa takka illee anaaf hin qabu.
[4] Jaalalti obsa qabdi, gara laafti; jaalalti hin hinaaftu, if hin dhaadattu, niis hin dhaytooytu;
[5] jaalalti mufallisaa miti, ifittoosi miti, jaalalti hin dallantu, badiis nama irratti hin lakkooytu.
[6] Jaalalti waan dhugaatti gammaddi malee, waan hamtutti hin gammaddu.
[7] Jaalalti hundumaa ni sattarti, hundumaa ni amanti, hundumaa ni abdatti, waan hundumaa huu ni obsiti.
[8] Jaalalti dhuma hin qabdu; kannaa raajii dubbachuu taatu, hafuufi deemti; afaan haarayaan dubbachuuniis, dhaabbachuuf taa'a, beekumsa taanaaniis hafuuf taa'a.
[9] Beekumsi keenya irruu waan taheef, ammaas raajiin dubbannuus muraasa.
[10] Guutummaan illaa hin qabne wayta dhuftu ammoo, wanni illaa qabdu ni hafti.
[11] Waytaan daa'ima ture akka daa'imaattiin dubbadhe, akka daa'imaattiin yaade, akka daa'imaattiis niin sababadhaan ture; amma ammoo ergaan nama baaliqa tahe, akka daa'imaatti jiraachuu dhiisee tiin jira.
[12] Nuti amma akka nama daawwitii-bayxuu keeysatti waa arkee gar gar hin baafannee ti; eegana ammoo fuulletti agarra. Wanniniin amma beeku muraasa, akkumaan ani guutumatti beekametti, hogguus aniis guutumatti beekuufiin taa'a.
[13] Amma kunoo, amantii, abdii fi jaala, warra sadeen kana; isaan kana keeysaa ammoo jaalalaa tu caala.