[1] Mee akkumaan ani fakkeenya Kiristoos fudhadhetti, isiniis fakkeenya kiyya fudhadhaa!
[2] Waanuma hundumattuu waan na yaadattaniif, ammaas aadaaleen ani isiniif dabarsees akkasumatti qabattanii waan jiraattaniif jecha, isiniin galateeyfadha.
[3] Haa tahu malee, mataan dhiirranii Kiristoos, mataan dubartii dhaa dhiira, mataan Kiristoosiis Rabbi tahuu akka hubattaniin barbaada.
[4] Dhiirti wayta kadhattu, yookiin wayta raajii dubattuus, yoo hagooggate mataa isaa ti sablisa.
[5] Dubartiin wayta Rabbi kadhattu, yookiin wayta raajii dubbattuus, yoo hagooggachuu baatte ammoo, mataa isii ti sablifti; isiin akkuma waan mataa isii haaddattetti lakkaawamti.
[6] Kanaaf, dubartiin yoo hagooggachuu baatte, rifeensa mataa isii murachuu dha qabdi; dubartiin rifeensa mataa isii muruun yookiin haaduun kan isii if qaanfachiisu yoo tahe ammoo, mataa isii hagooggachuu dha qabdi.
[7] Dhiirti bifaa fi ulfina Rabbii waan mulliftuuf jecha, mataa isii hagooggachuu hin qabdu; dubartiin ammoo ulfina dhiiraa ti.
[8] Jalqaba irratti dubartii tu dhiira irraa arkame malee, dhiirti dubartii irraa hin arkamne.
[9] Ammaas dubartii tu dhiiraaf jecha uumame malee, dhiirti dubartiif jecha hin uumamne.
[10] Sababa maleeykaa tiif jecha, dubartiin hagooggii mataa isii irraa qabaachuu dha qabdi.
[11] Haa tahu malee, Gooftaa keeysatti, dubartiin dhiiraan maletti, dhiirti niis dubartiin maletti hin tahan.
[12] Dubartiin dhiira irraa akkuma arkamte sanitti, akkasuma ammaas dhiirti niis dubartii irraa dhalatte; wanni hundinuu ammoo Rabbi biraa tahan.
[13] Dubartiin odoo mataa isii hin hagooggatin waldaya keeysatti Rabbi kadhachuun sirrii dhaa? Mee isinummaanuu faradaa!
[14] Dhiirti rifeensa mataa isii dheereyfachuun isaaf sablina akka tahe, haalummaan uumamaa isin hin barsiisuu?
[15] Ammoo dubartiin rifeensa dheeraa yoo qabaatte, kun isiif faayaa mitii ree? Rifeensi dheeraan akka isiin ittiin if sattartuuf kannameefi.
[16] Nama yaada kanaan mormuu barbaaduuf ammoo, nuu fi waldayoonni Rabbii tiis kanuma malee aadaa biraa hin qabnu.
[17] Ammoo qaceelfamaan asitti aansee isiniif kannu kana keeysatti, waaniin itti isin faarsu hin qabu. Sababni niis, wayta wal geeysan, waan gaariif odoo hin tahin waan hamaafi wal geeysu.
[18] Hundumaa dura waldayan keeysan hogguu walitti qabamtu, yaadaan gargar bahuun isin keeysa akka jiru dhagayee tiin jira; tuniis hanga tokko dhugaa akka qabu niin amana.
[19] Isin jiddutti garaagarummaan jiraachuma qaba, kuniis wanni tahuuf, isin keeysaa warra amantiin isaanii Rabbi biratti fudhatama qabdu akka beekamaniifi.
[20] Eegaa haala kanatti wayta walitti qabamtan, hiraata Gooftaa dhaa nyaachuu keeysanii miti.
[21] Wayta hiraataa, hundinuu adduma addaan nyaata fidatee dhufe san nyaachutti ka'a, inni tokko ni beelawa, inni kaan ammoo quufee ti farshaana.
[22] Akkana hin jennee! Sa isin, mana itti nyaattanii dhuydan hin qabdanii? Yookiin waldaya Rabbii tuffachuu keeysanii? Warra humaa hin qabnees qaanfachiisuu keeysanii? Ani maaluma isiniin haa jedhu? Haalli kun isin ni faarsisaa? Gonkumaa kun waan hin taane!
[23] Barsiifniniin ani isinitti dabarse, kanumaan ani Gooftaa irraa fudhadhe turee dha. Inni niis, Yesuus Gooftaan, halkanuma itti dabarfamee kanname sanitti, biddeena fuudhee,
[24] Rabbi galateeyfatee ti, biddeena saniis kukkutee, “Kun jasada kiyya kan isiniif kanname, kana yaadannoo tiyyaaf godhaa!” jedhe.
[25] Eega hiraata nyaatan booddee ammaas, akkuma sanitti geeba fuudhee ti, “Geebni kun irbuu haaraya, tan dhiiga kiyyaan dhaabbatte; wayta dhuydan hundaa huu, yaadannoo tiyyaaf godhaa!” jedhe.
[26] Eegasuu, waytuma biddeena kana nyaattanii fi geeba kanaas dhuydan, hanga Gooftaan deebi'ee dhufutti, du'a isaa ti labsitu.
[27] Namni akkaataa fudhatama hin qabneen biddeena kana nyaatu, yookiin geeba Gooftaa kana dhugu, jasada Gooftaa tii fi dhiiga isaatti yakka.
[28] Kanaaf, namni odoo biddeena irraa hin nyaatin, ammaas geeba irraa hiis hin dhugin dura, xiinxalee if haa laaluu.
[29] Jasada Gooftaa tahuu odoo addaan hin baafatin, namni biddeena san nyaatu, geeba saniis dhugu, firdii if irratti fiduufi nyaatee dhugaasi.
[30] Sababa kanaaf jecha, isin keeysaa namoonni hedduun, da'iifoo, dhukkubsatoos warri tahan ni jiru; warri kaaniis du'anii ti jiru.
[31] Odoo nummaan duraan dursinee if xiinxallee, Rabbi firdii nutti hin godhu ture.
[32] Wayta Gooftaan nutti firdii godhu, adabee nu ibraanuuf jecha malee, akka firdiin abad, tan addunyaa wajjii nutti faradamtuu fii miti.
[33] Kanaafiis yaa obboleeyyan koo! Hiraata Gooftaa Qulqulluu nyaachuuf wayta walitti qabamtan wal eegaa!
[34] Wayta wal geeysan firdiin Rabbii akka isin irra hin geenyeef, namni beelawe yoo jiraate, mana isaatti haa nyaatuu! Qaceelfama kana irraa hafe waytaan dhufuun isiniif kanna.