[1] Tiberio César chunka pisqa watana mas mandaq rey kaykaptinmi sunyaq jirkacho Zacaríaspa surin Juanta Tayta Dios wilakuyninta revelarqan. Say wisanmi Judeacho Poncio Pilato gobernador kaykarqan, Galileacho Herodes mandaq kaykarqan, Iturea y Traconite provinciakunacho Herodespa wawqin Felipe mandaq kaykarqan, Abilinia provinciacho Lisanias mandaq kaykarqan y Jerusaléncho Anáswan Caifás mas mandaq cürakuna kaykäyarqan.
[3] Saymi Jordán mayu nawpancho kaq markakunapa aywar Juan wilakur nirqan: “Tayta Dios perdonayäshunaykipaq jusalikuykunata wanakur bautizakuyay”.
[4] Juan sayno wilakunanpaqmi Tayta Diospa profëtan Isaías qelqashqancho nin: “Juk runami sunyaq jirkacho qayakuypa wilakur nikan: ‘Tayta Dios shamunanpaq nänita alsayay. Wenqu nänikunata derechayay.
[5] Raqrakunatapis pampasayay. Lömakunatapis parijayay. Wiksu nänikunatapis derechayay. Uchku uchkukunatapis pampasayay.
[6] Tayta Dios munayninwan salvashqantami maysaycho taq runakuna rikayanqa’ ”.
[7] Say wisanmi aska runakuna bautizakuq Juan kaqman aywayarqan. Paykunatami Juan nirqan: “¡Culebra casta runakuna! ¡Pitaq qamkunata niyäshushkanki Tayta Diospa castïgunpita qeshpiyänaykipaq kashqanta!
[8] Jusaykikunata rasunpaypa wanakush karqa Tayta Dios munashqannöna kawayay. Ama yarpäyaysu Abrahampa ayllun kayashqaykipita Tayta Dios salvayäshunaykipaq kashqanta. Noqa kaynömi nï: Tayta Dios munarqa kay rumikunatapis Abraham ayllu runakunaman tikrarasinmanmi.
[9] Mana wayuq jachakunata chakipita muturir ninaman qaykuqnömi jusalikuqkunata castigananpaq Tayta Dios kamarikushna kaykan”.
[10] Sayno niptinmi runakuna tapur niyarqan: “Sayno kaptinqa ¿imatataq rurayäman?”
[11] Saymi Juan nirqan: “Ishkay trukana mödanayuq karqa jukaqta mödanaynaq kaqta qoykuyay. Saynöpis mikuyniki kaptinqa mikuyniynaq kaqta qaraykuyanki”.
[12] Saynölami impuestuta cobraqkunapis bautizakuyänanpaq chäyashpan tapuyarqan: “ Rabí, noqakunaqa ¿imatataq rurayäman?”
[13] Saymi Juan nirqan: “Cobrayänaykipaq kashqanpita mastaqa ama cobrayankisu”.
[14] Saynölami soldädukunapis tapuyarqan: “Noqakunaqa ¿imatataq rurayäman?” Saymi Juan nirqan: “Pipa imankunatapis ama qechuyankisu. Pitapis manakaqtaqa ama tumpayankisu. Pägayäshushlaykiwan contentakuyanki”.
[15] Sayta wiyarmi runakuna yarpachakur niyarqan: “¿Juansuraq Tayta Dios kachamushqan Cristo kaykan?”
[16] Saymi Juan nirqan: “Noqaqa yakulawanmi bautizä. Jukmi noqapita mas munayyuq shamunqa. Paypa lanqi watunta paskapänaläpaqpis manami merëcïsu. Payqa Espíritu Santuwan y ninawanmi bautizayäshunki.
[17] Trïguta wayrananpaq jurquëtan aptashnami kaykan. Wayraskirnami trïguta wayinman churanqa. Punshantanami imaypis mana upiq ninaman qaykunqa”.
[18] Sayno yachasirmi Tayta Diospa wilakuyninta tukuynöpa Juan tantiyasirqan.
[19] Saynöpis mandaq Herodesta qayaparqan wawqin Felipipa warmin Herodíasta suwashqanpita y lutankunata rurashqanta.
[20] Sayno niptinmi Juanta carcilman wichqasir Herodes peor jusalikurqan.
[21] Runakunata Juan bautizaykaptinmi Jesúspis bautizakuq charqan. Bautizakur Tayta Diosta manakuykaptinmi jana pasa kichakaskamuptin
[22] Jesúsman Espíritu Santu imayka palumano urämurqan. Say hörami jana pasapita Tayta Dios nimurqan: “Qammi kuyay surï kanki. Qampitami kushish kaykä”.
[23] Kimsa chunka watayuqnöna kaykarmi Tayta Diospa wilakuyninta wilakur Jesús qalaykurqan. Paypaqmi runakuna yarpäyarqan Josépa surin kashqanta. Josémi karqan Elípa surin.
[24] Elími karqan Matatpa surin. Matatmi karqan Levípa surin. Levími karqan Melquipa surin. Melquimi karqan Janapa surin. Janami karqan Josépa surin.
[25] Josémi karqan Matatíaspa surin. Matatíasmi karqan Amóspa surin. Amósmi karqan Nahúmpa surin. Nahúmmi karqan Eslipa surin. Eslimi karqan Nagaipa surin.
[26] Nagaimi karqan Maatpa surin. Maatmi karqan Matatíaspa surin. Matatíasmi karqan Semeipa surin. Semeimi karqan Josépa surin. Josémi karqan Judápa surin.
[27] Judámi karqan Joanapa surin. Joanami karqan Resapa surin. Resami karqan Zorobabelpa surin. Zorobabelmi karqan Salatielpa surin. Salatielmi karqan Neripa surin.
[28] Nerimi karqan Melquipa surin. Melquimi karqan Adipa surin. Adimi karqan Cosampa surin. Cosammi karqan Elmodampa surin. Elmodammi karqan Erpa surin.
[29] Ermi karqan Josuépa surin. Josuémi karqan Eliezerpa surin. Eliezermi karqan Jorimpa surin. Jorimmi karqan Matatpa surin.
[30] Matatmi karqan Levípa surin. Levími karqan Simeónpa surin. Simeónmi karqan Judápa surin. Judámi karqan Josépa surin. Josémi karqan Jonánpa surin. Jonánmi karqan Eliaquimpa surin.
[31] Eliaquimmi karqan Meleapa surin. Meleami karqan Mainánpa surin. Mainánmi karqan Matatapa surin. Matatami karqan Natánpa surin.
[32] Natánmi karqan Davidpa surin. Davidmi karqan Isaípa surin. Isaími karqan Obedpa surin. Obedmi karqan Boozpa surin. Boozmi karqan Salmónpa surin. Salmónmi karqan Naasónpa surin.
[33] Naasónmi karqan Aminadabpa surin. Aminadabmi karqan Admínpa surin. Admínmi karqan Arnípa surin. Arními karqan Esrompa surin. Esrommi karqan Farespa surin. Faresmi karqan Judápa surin.
[34] Judámi karqan Jacobpa surin. Jacobmi karqan Isaacpa surin. Isaacmi karqan Abrahampa surin. Abrahammi karqan Tarépa surin. Tarémi karqan Nacorpa surin.
[35] Nacormi karqan Serugpa surin. Serugmi karqan Ragaupa surin. Ragaumi karqan Pelegpa surin. Pelegmi karqan Heberpa surin. Hebermi karqan Salapa surin.
[36] Salami karqan Cainánpa surin. Cainánmi karqan Arfaxadpa surin. Arfaxadmi karqan Sempa surin. Semmi karqan Noépa surin. Noémi karqan Lamecpa surin.
[37] Lamecmi karqan Matusalénpa surin. Matusalénmi karqan Enocpa surin. Enocmi karqan Jaredpa surin. Jaredmi karqan Mahalaleelpa surin. Mahalaleelmi karqan Cainánpa surin.
[38] Cainánmi karqan Enóspa surin. Enósmi karqan Setpa surin. Setmi karqan Adánpa surin. Adánmi karqan Tayta Diospa surin.