[1] अब प्रभुका जनहरूका निम्ति भेटी सङ्कलनको विषयमा बोल्न चाहन्छु: मैले गलातियाका मण्डलीहरूलाई जे गर्नु भनेको छु, त्यस्तै तिमीहरूले गर।
[2] हरेक हप्ताको पहिलो दिन तिमीहरू सबैले आ-आफ्नो कमाइअनुसार केही रकम छुट्याएर जम्मा गरी राखोस्, ताकि जब म आउँदाखेरि भेटी सङ्कलन गर्ने कार्य नहोऊन्।
[3] जब म आउँछु, तब तिमीहरूले चुनेका मानिसहरूलाई म परिचय-पत्र दिनेछु र तिनीहरूलाई तिमीहरूले सङ्कलन गरेको भेटीसँग यरूशलेम पठाउनेछु।
[4] यदि म जानु उचित देखिन्छ भने, तिनीहरू मसँगै जानेछन्।
[5] म्यासिडोनिया भएर गएपछि म तिमीहरूकहाँ आउनेछु—किनकि म त्यो बाटो भएर जानेछु।
[6] शायद म तिमीहरूसँग केही समय बिताउनेछु वा पूरै हिउँद पनि बिताउँन सक्छु, ताकि तिमीहरूले मलाई मेरो बाँकी यात्रामा सहयोग गर्न सक्नेछौ।
[7] म अहिले तिमीहरूलाई छोटो समयका लागि मात्र भेटेर गइहाल्नका लागि होइन, तर यदि प्रभुले अनुमति दिनुभयो भने म तिमीहरूसँग केही समयसम्म रहने आशा राख्छु।
[8] तर म एफिससमा पेन्टिकोसको पर्वसम्म बस्नेछु,
[9] किनभने प्रभावकारी कामको लागि मेरो निम्ति ठूलो ढोका खोलिएको छ, तर मेरो विरोध गर्ने पनि त्यहाँ धेरै छन्।
[10] जब तिमोथी तिमीहरूकहाँ आउनेछन्, तिनी तिमीहरूसँग रहँदा निडरसाथ रहन सकून्, किनकि मैले जस्तै तिनले पनि प्रभुको काम गरिरहेका छन्।
[11] अनि कसैले पनि तिनलाई अवहेलना नगरून्। तिनलाई शान्तिसँग आफ्नो यात्रामा पठाइदेओ, ताकि तिनी मकहाँ फर्केर आऊन्। तिनी अरू भाइहरूसँग आउँछन् भन्ने मैले आशा गरिरहेको छु।
[12] अब हाम्रा भाइ अपोल्लोसको विषयमा: मैले तिनलाई अरू भाइहरूसँग तिमीहरूकहाँ जाऊन् भनी धेरै आग्रह गरें। अहिले तिनको आउने चाहना बिलकुलै छैन, तर जब तिनले मौका पाउँछन्, तब तिनी आउनेछन्।
[13] तिमीहरू सतर्क रहो; विश्वासमा स्थिर रहो; निडर होओ र बलियो होओ।
[14] सबै कुरा प्रेमसाथ गर।
[15] तिमीहरू जान्दछौ कि अखैयामा स्तिफनसको घराना नै पहिलो विश्वासी घरानाहो। तिनीहरूले प्रभुका जनहरूको सेवामा आफूलाई अर्पण गरेका छन्। दाजुभाइ-दिदीबहिनीहरू, म तिमीहरूलाई विनम्र आग्रह गर्दछु,
[16] कि यस्ता मानिसहरू र यस्तै काममा उनीहरूलाई सघाउन परिश्रम गर्ने हरेक मानिसहरूको अधीनतामा बस।
[17] जब स्तिफनस, फोर्टुनाटस र अखाइकस मकहाँ आए, म खुशी भएको थिएँ, किनभने तिनीहरूले तिमीहरूबाट भएको कमीलाई पूरा गरिदिएका छन्।
[18] तिनीहरूका कारण मेरो र तिमीहरूका आत्मा ताजा भएको छ। यस्ता मानिसहरू मान्यता पाउने योग्यका हुन्।
[19] एशियाको प्रान्तमा भएका मण्डलीहरूले तिमीहरूलाई अभिवादन पठाएका छन्। अक्विला, प्रिस्किला र तिनीहरूका घरमा भेला हुने मण्डलीले पनि तिमीहरूलाई प्रभुमा न्यानो अभिवादन पठाएका छन्।
[20] यहाँ भएका सबै दाजुभाइ-दिदीबहिनीहरूले पनि तिमीहरूलाई अभिवादन पठाएका छन्। एक-अर्कालाई पवित्र चुम्बनले अभिवादन गर।
[21] म पावल आफ्नै हातले यो अभिवादन लेख्दैछु।
[22] यदि कसैले प्रभुलाई प्रेम गर्दैन भने, त्यो श्रापित होस्! हे हाम्रा प्रभु, आउनुहोस्!
[23] प्रभु येशूको अनुग्रह तिमीहरूसँग होस्।
[24] ख्रीष्ट येशूमा मेरो प्रेम तिमीहरू सबैलाई छ। आमेन!