[1] Һәгәр йәк дийарийа нани Хӧданр'а бьдә, дийарийа wи бьра жь аре хас бә, р'ун сәрда кә у бьхуре дайнә сәр.
[2] Wе биньн щәм кӧр'ед Һаруннә к'аһин, бьра к'аһин жь wе к'ӧлмәк т'ьжи ар т'әви wи р'уни у һ'әму бьхуре һьлдә у бона биранине ль сәр горигәһе бьшәwьтинә, чаwа дийарийа т'әвайишәwате, дийарийа шәwатейә бинхwәш ә бона Хӧдан.
[3] Ле п'ара дийарийа нанийә майи, бьра Һарун у кӧр'ед wир'а бьминә. Әва п'ара жь дийарийед шәwатейә Хӧданр'а дайийә һәрә пироз ә.
[4] Һәгәр нане тәндуреда лехьсти дийарийа нани бьди, әw гәрәке жь аре хас р'унда стьрайи бок'онед бе һәвиртьр'шк бьн, йан жи гәрәке лошед бе һәвиртьр'шк р'ункьри бьн.
[5] Ле һәгәр дийарийа тә жь нане ль сәр селе лехьсти йә, әw гәрәке жь аре хас р'унда стьрайи у бе һәвиртьр'шк бә.
[6] Wи кәр-кәри ки, р'ун сәрда ки. Әва дийарийа нани йә.
[7] Һәгәр дийарийа тәйә нани т'аwеда пьжанди бә, бьра әw жь аре хас р'унда стьрайи бә.
[8] Жь ван тьшта дийарийа нани Хӧданр'а бьби, ль бәр к'аһин дайни у әw незики горигәһе кә.
[9] К'аһин бьра п'арәке бона биранине жь дийарийа нани һьлдә у ль сәр горигәһе бьшәwьтинә, әва дийарийа шәwатейә бинхwәш ә бона Хӧдан.
[10] Ле п'ара дийарийа нанийә майи, бьра Һарун у кӧр'ед wир'а бьминә. Әва п'ара жь дийарийед шәwатейә Хӧданр'а дайийә һәрә пироз ә.
[11] Т'ӧ щар нава дийарийа нанийә кӧ һун Хӧданр'а бьдьн, һәвиртьр'шк т'ӧнәбә. Нә һәвиртьр'шк, нә һьнгьв чаwа дийарийа шәwате бона Хӧдан нәдьн.
[12] Һәвиртьр'шк у һьнгьв чаwа дийарийед бәре пешьн Хӧданр'а дькарьн биньн, ле ль сәр горигәһе гәрәке нәйе шәwьтандьне бона бинхwәшийе.
[13] Һ'әму дийарийед хwәйә нани хwе ки у хwейа пәймана Хwәдейе хwә жь нава дийарийед хwә кем нәки, т'әви һ'әму һ'әдийед хwә хwе жи бьди.
[14] Һәгәр дийарийа нанийә бәред дәрәмәта пешьн Хӧданр'а бьди, бона дийарийа бәре пешьн жь сьмбьлед шинә фьрькандийә ль сәр егьр qәланди бьдә.
[15] Р'ун сәрда ки у бьхуре бьди сәр. Әва дийарийа нани йә.
[16] К'аһин чаwа дийарийа шәwатейә бона Хӧдан, wе п'арәкә жь дийарийе, аwа готи жь qәйнокед, р'ун т'әви һ'әму бьхуре чаwа дийарийа бир анин бьшәwьтинә.