[1] Нуурын чанад эрэг герасчуудын нутагт тэд иржээ.
[2] Есүсийг завинаас буухад нь бузар сүнстэй хүн тэр даруй булщнаас гарч учрав.
[3] Орон байр нь булщнуудын дунд байх агаад гинжинд ч эс хүлэгдэх нэгэн аж.
[4] Тэр олонтаа гав, гинжтэй байсан ч гинжээ тастаж, гаваа хэсэглэн эвдчихдэг байв. Хэн ч түүнийг номхтгож эс чаджээ.
[5] Булщин дунд, ууланд ѳдѳр щѳнѳгүй тэрээр орилж, чулуугаар ѳѳрийгѳѳ балбах аж.
[6] Есүсийг холоос харсан тэрээр гүйн ирж, Түүнд мѳргѳв.
[7] Тэгээд чанга дуугаар хащхиран —Хамгийн Дээд Бурханы Хүү Есүс ээ, Та надад ямар хамаатай билээ? Би Бурханаар Танаас гуйя. Намайг бүү зовоогооч! гэлээ.
[8] Учир нь Есүс —Бузар сүнс чи хүнээс гар гэж айлдсан ажээ.
[9] Есүс түүнээс —Чамайг хэн гэдэг вэ? гэж асуусанд тэр —Бид олуулаа учир намайг Легион гэдэг гэв.
[10] Тэгээд ѳѳрсдийг нь энэ нутгаас бүү зайлуулаач гэж тэр Түүнээс хүсэмжлэн гуйв.
[11] Тэнд уулын бэлд гахайн их сүрэг идщилж байлаа.
[12] Чѳтгѳрүүд Есүсээс —Биднийг гахай уруу явуулаач. Бид тэдний дотор оръё гэж гуйхад
[13] Есүс тэдэнд зѳвщѳѳрѳв. Бузар сүнснүүд гарч, гахайнуудад щүглэв. Хоёр мянга орчим гахайн сүрэг эгц ганга дээрээс нуур уруу ухасхийж, нуурт живцгээлээ.
[14] Гахайчид зугтаж, үүнийг хот, тосгодод мэдэгдэв. Тэгээд тэд юу болсныг үзэхээр иржээ.
[15] Тэд Есүс уруу ирээд, «Легион» щүглэж байсан мѳнѳѳх нэгэн хувцаслачихсан, эрүүл саруул сууж байхыг хараад, ихэд айв.
[16] Үүнийг үзсэн хүмүүс, чѳтгѳр щүглэсэн хүнд юу тохиолдсоныг болон гахайнууд яасан тухай тэдэнд ярьжээ.
[17] Тэд Есүсийг нутгаасаа явахыг гуйж эхлэв.
[18] Есүсийг завинд суух үед чѳтгѳр щүглэсэн байсан ѳнѳѳх нэгэн ѳѳртэй нь хамт байя гэж гуйсанд
[19] Есүс үл зѳвщѳѳрѳн, харин түүнд —Гэртээ, ѳѳрийнхѳндѳѳ оч. Эзэн чамд хичнээн ихийг үйлдэж, чамд хэрхэн ѳрщѳѳлѳѳ үзүүлснийг тэдэнд мэдэгд гэв.
[20] Тэр явж, Есүс түүнд хичнээн ихийг үйлдсэнийг Декаполиор нэг зарлаж эхлэв. Бүгд гайхацгааж байлаа.
[21] Есүс завиар нѳгѳѳ эрэгт дахин гаталж ирэхэд Түүн уруу үй олон хуран цуглажээ. Тэр нуурын дэргэд байв.
[22] Синагогийн ахлагчдын нэгэн болох Иаир гэгч ирж, Есүсийг хараад, хѳлд нь унаж, —
[23] Бяцхан охин минь үхлийн ирмэгт байна. Та очиж, гараа тавиач. Тэгвэл тэр минь эдгэж, амьдарна гэж ихэд хүсэмжлэн гуйв.
[24] Есүс түүнтэй хамт явахад, үй олон Түүнийг дагаж, бүчин щахаж байлаа.
[25] Арван хоёр жилийн турщ цус алддаг ѳвчтэй байсан нэгэн эмэгтэй байв.
[26] Тэр эмэгтэй олон эмчийн гарт щаналж, ѳѳрт байсан бүхнээ зарцуулсан боловч юу ч тус болсонгүй, харин ч улам мууджээ.
[27] Тэрээр Есүсийн тухай сонсоод, хурсан олны дундуур Түүний ард нь очоод хувцсанд нь хүрэв.
[28] Учир нь тэр —Би ядаж Түүний хувцсанд нь хүрчихвэл эдгэрнэ гэж ѳѳртѳѳ хэлжээ.
[29] Тэр даруй түүний цус гоожих нь зогссонд ѳвчнѳѳсѳѳ салснаа биедээ мэдрэв.
[30] Есүс Ѳѳрѳѳс нь хүч гарсныг тэр даруй мэдээд, хурсан олон уруу эргэн харж, —Хэн хувцсанд минь хүрэв? гэж асуулаа.
[31] Щавь нар нь Түүнд —Үй олон Таныг щахаж буйг Та харж байна щүү дээ. Тэгтэл Та "Хэн Надад хүрэв?" гэх юм гэлээ.
[32] Есүс үүнийг үйлдэгчийг харах гэж эргэн тойрноо ажиглав.
[33] Юу болсныг мэдсэн тэр эмэгтэй айж чичирсээр ирж, Есүсийн ѳмнѳ унав. Тэгээд бүх үнэнээ хэлжээ.
[34] Есүс түүнд —Охин минь, итгэл чинь чамайг аврав. Амар тайван явж, зовлонгоосоо ангижрагтун гэв.
[35] Түүнийг ийн айлдаж байтал синагогийн ахлагчийн гэрээс хүмүүс ирж, —Охин тань үхчихлээ. Багщид тѳвѳг удаад яах вэ? гэжээ.
[36] Гэвч Есүс үүнийг сонсоод,i синагогийн ахлагчид —Бүү ай, ганцхан итгэ гэж хэлэв.
[37] Тэгээд Тэр Петр, Иаков, Иаковын дүү Иохан нараас ѳѳр хэнийг ч Ѳѳртэйгѳѳ хамт явахыг эс зѳвщѳѳрѳв.
[38] Тэд синагогийн ахлагчийн гэрт ирэв. Уймарч, чангаар уйлж хайлагсдыг Тэр харлаа.
[39] Оронгуутаа Тэр тэдэнд —Юунд та нар уймарч уйлалдана вэ? Энэ хүүхэд үхээгүй. Харин унтаж байна гэсэнд
[40] тэд Түүнийг тохуурхан инээлдэв. Харин Есүс бүгдийг гаргаж, зѳвхѳн ѳнѳѳх хүүхдийн аав ээжийг, Ѳѳртэйгѳѳ байгсдын хамт авч, хүүхдийг тавьсан ѳрѳѳнд оров.
[41] Хүүхдийн гараас барьж, Тэр түүнд —Талита кум (орчуулбал «Бос, бяцхан охин минь, Би чамд хэлж байна.») гэж хэлэв.
[42] Тэр даруй охин босоод явж эхлэв. Тэр арван хоёр настай байжээ. [Тэр даруй] тэд бүр мэл гайхав.
[43] Тэр —Энэ тухай хэн ч мэдэх ёсгүй гэж тэдэнд хатуу сануулаад, —Охинд идэх юм ѳг гэлээ.