[1] Song-chú lâu ngài kóng-fa;
[2] Kì kóng: “Ngìn-chṳ́ â, phù-thò-su lâu phe̍t ke su-é ngióng pí é-tet nè? Phù-thò-su ke kî-é lâu su-lìm tú ke su-é ngióng pí é-tet nè?
[3] Ngì cho-tet nâ kì lòi-cho má-ke? Ngì cho-tet nâ kì lòi-cho koa tûng-sî ke su tâng-é mò?
[4] Kì tân-chhiang cho-tet nâ-lòi sêu-fó. Kì lióng-thèu yí-kîn sêu-thet, tûng-ông ya sêu-to vû-vû, ngì hàn cho-tet nâ kì lòi-cho má-ke nè?
[5] Chhiu-son hàn-màng sêu, kì me mò má-ke yung; sêu-thet, sêu-to vû-vû, hàn-kha mò yung.”
[6] Só-yî, Chṳ-kô ke Song-chú án-ngiòng kóng: “Ngài oi chiông Yâ-lu-sat-lâng ke ngìn-mìn kiuk chhut-lòi, chit-fa̍t kì-têu, chhiu-chhiong Ngài tui su-lìm tú chiông phù-thò-su tho̍k chhut-lòi sêu án-ngiòng. Chhiu-son kì-têu sám-ko yit-chhòng fó-châi, hàn-yû nang-ngoi yit-chhòng thai-fó oi chiông kì-têu sêu chhiang-chhiang. Ngài chit-fa̍t kì-têu ke sṳ̀, ngì-têu chhiu voi tî Ngài he Song-chú.
[8] Kì-têu tui Ngài mò chûng-sîm, só-yî Ngài oi sṳ́ kì-têu ke thú-thi fông-fi.” Chṳ-kô ke Song-chú án-ngiòng siên-pu lé.