[1] A filɛ, Matigi ka don bɛ na. I ka nafolo cɛlenw na tilatila i cɛma.
[2] Ne na siyaw bɛe lajɛ Jerusalɛm kama k'a kɛlɛ. Dugu na minɛ, so kɔnɔ fɛnw na cɛ. Musow na karaba ka u tiɲɛn. Dugu kɔnɔ mɔgɔw tilancɛ na taa jɔnya la nka mɔgɔ tɔ minw bɛ to dugu kɔnɔ, olu tɛna gɛn ka bɔ dugu kɔnɔ.
[3] O tuma la Matigi na bɔ ka o siyaw kɛlɛ i ko a ye kɛlɛ kɛ don kɔrɔw la cogo min na.
[4] O don na Oliviye kulu min bɛ Jerusalɛmɲɛ kuntilenna la kɔrɔn yanfan fɛ, a sen na jɔ o kan. Oliviye kulu na ci fila ye. A cida na sin kɔrɔn ni tilebi ma ka kɛ kulu furancɛba ye. Kulu fan kelen na taa saheli yanfan fɛ, a tila dɔ na taa worodugu yanfan fɛ.
[5] Aw kɔni na boli ka taa ne ka kuluw jiginjigin fan fɛ jɛkɛnɛ la, k'a masɔrɔ o jɛkɛnɛ na se fo Azɛl dugu ma. Aw na boli i ko aw bolila dugukolo yɛrɛyɛrɛbaɲɛ Juda bɔnsɔn ka masakɛ Oziasi tile la cogo min na. Matigi, ne ka Ala bɛ na o don na. A ka senumaw bɛe bɛ na a fɛ.
[6] O don na mɔgɔ mago tɛna kɛ kɛnɛbɔlanw na, nɛnɛ tɛna kɛ, neje tɛna kɛ.
[7] Matigi kelenpe bɛ o don dɔn. Waati bɛe na kɛ tile ye, mɔgɔ si tɛna faranfasi dɔn su ni tile cɛ, hali su fɛ kɛnɛyeelen na bɔ.
[8] O don na jiɲɛnama na woyo ka bɔ Jerusalɛm kɔnɔ. O ji woyo tilancɛ na bɔ ka taa kɔrɔn yanfan kɔgɔji la. A bolo fara dɔ na taa bila tilebi yanfan kɔgɔji la. O na kɛ tilema ni samiyɛ fɛ.
[9] Matigi na kɛ dugukolo kan mɔgɔw bɛe ka masakɛ ye. O don na Matigi kelenpe na kɛ Ala ye. Ala kelenpe tɔgɔ na wele.
[10] Jerusalɛm worodugu yanfan jamana bɛe na kɛ i ko jɛkɛnɛ, ka bɔ Geba fo ka taa se Rimon. Jerusalɛm dugu na sigi a lamini yɔrɔw bɛe kun na. Dugu bonya na bɔ Benjamɛn dugu donda la fo ka taa se kinda da fɔlɔ ma ka tɛmɛn ka taa bila Seleke donda la, ka bɔ Hananeɛl sankanso jan na fo ka taa se masakɛ ka rezɛn ji bɔ yɔrɔw la.
[11] Mɔgɔw na sigi yen. Danga tɛna kɛ tun. Ɔwɔ, Jerusalɛm na to hɛrɛ la.
[12] Siya minw bɛ Jerusalɛm kɛlɛ, Matigi na tɔorɔ min lase olu ma, o filɛ nin ye. Ni u wulila ka jɔ tuma min na, u sogow na toli ka bɔn. U ɲɛw na toli, u nɛnw na toli u daw kɔnɔ.
[13] O don na Matigi na tɔorɔba lase u ma. U na u bolow kɔrɔtaɲɔgɔn kama kaɲɔgɔn kɛlɛ.
[14] Juda yɛrɛ na wuli ka Jerusalɛm dɛmɛ kɛlɛ la. U na u kɛrɛ fɛ siyaw ka nafolow bɛe minɛ, sanu ni warijɛw ani fini caman.
[15] Tɔorɔba na kɛlɛ daga la sow ni falibaw niɲaamɛw ni faliw ni baganw bɛe sɔrɔ i ko a ye mɔgɔw sɔrɔ cogo min na.
[16] Siyaw la mɔgɔ tɔ tolen minw nana Jerusalɛm kama, olu bɛe kelen-kelen na yɛlɛn ka taa u biri Kɛlɛbolow Matigi Masabaɲɛ kɔrɔ k'a bato san o san ka Gwakɔrɔsigi seli kɛ.
[17] Ni dugukolo kan gwa min ma sɔn ka taa Jerusalɛm ka Kɛlɛbolow Matigi Masaba bato, o tɛna sanji sɔrɔ.
[18] Ni Misira jamana gwa min ma sɔn ka taa yen, o fana tɛna sanji sɔrɔ fewu. Siya minw ma taa Gwakɔrɔsigi seli kɛ Jerusalɛm, Matigi bɛ tɔorɔ min lase olu ma, a na o tɔorɔ kelen lase Misira ma.
[19] Misirakaw ani siya minw ma sɔn ka taa Gwakɔrɔsigi seli kɛ, o na kɛ olu sara ye.
[20] O don na, a na sɛbɛn sow kan na ntananw kan ko: «U bilara Matigi ye ka saniya.» Hali Matigi batosoba kɔnɔ tobilikɛ dagaw bɛe na kɛ fɛn senumaw ye i ko tasa minw sigilen bɛ saraka bɔlanɲɛ fɛ.
[21] Jerusalɛm dugu kɔnɔ tobilikɛ dagaw ani Juda jamana kɔnɔ tobilikɛ dagaw bɛe na bila Kɛlɛbolow Matigi ye ka kɛ fɛn senumaw ye. Mɔgɔ minw bɛe bɛ na sarakaw faga, olu bɛe bɛ se ka u ka saraka sogow tobi u kɔnɔ. O don na jagokɛla si tɛna sɔrɔ Kɛlɛbolow Matigi batosoba kɔnɔ.