[1] O kɔ, Matigi ye sarakalasebaa kuntigi Josue jira ne la. O jɔlen tun bɛ Matigi ka mɛlɛkɛɲɛ kɔrɔ. Sitanɛ fana jɔlen tun bɛ a kinin yanfan fɛ k'a donbolola.
[2] Matigi y'a fɔ Sitanɛ ye ko: «Matigi ka i kɔrɔfɔ, i ka i makun, Sitanɛ. Ɔwɔ, Matigi min ye Jerusalɛmɲɛnatɔmɔ, o ka i kɔrɔfɔ. Dɔgɔbolo manalen min tufara ka bɔ tasuma la, o tɛ nin ye wa?»
[3] O bɛe n'a ta Josue ka finiw nɔgɔlen tun don, a jɔlen tun bɛ mɛlɛkɛɲɛ kɔrɔ.
[4] Cɛ minw jɔlen tun bɛ mɛlɛkɛɲɛ kɔrɔ, mɛlɛkɛ y'a fɔ olu ye ko kura ko: «Aw ka a kan na fini nɔgɔlenw bɔ a kan na.» O kɔ, a y'a fɔ Josue ye ko: «A filɛ, ne bɛ i ka tilenbaliya bɔ i la ka fini sarama don i la.»
[5] O tuma la ne y'a fɔ ko u ka jalamugu jɛman meleke a kun na. U ye jalamugu jɛman meleke a kun na ka dulɔki wɛrɛ don a la Matigi ka mɛlɛkɛɲɛ kɔrɔ.
[6] O kɔ, Matigi ka mɛlɛkɛ kumana Josue fɛ, ko:
[7] «Kɛlɛbolow Matigi ko: ‹Ni i ye ne ka siraw taama ka ne ka ko latigɛlenw mara, i na kɛ ne ka so kuntigi ye ka ne ka dukɛnɛw kɔlɔsi. Mɔgɔ minw jɔlen bɛ ne ɲɛ kɔrɔ, i na baara kɛ olu cɛma.
[8] Sarakalasebaa kuntigi Josue, e ni i tɔɲɔgɔn minw sigilen bɛɲɔgɔn fɛ, ni olu bɛ ko nataw jira, a' ye aw tulo majɔ. Ne na ne ka baaraden lawuli, o min bɛ i ko Jiribolo Mɔonɔbɔlen.
[9] Ne ye kabakurun min da Josueɲɛ kɔrɔ, ɲɛ wolonwula bɛ o kelen na. Fɛn min ka kan kaɲɛgɛn o kan, ne na o ɲɛgɛn a kan. Ne na nin jamana ka tilenbaliya bɔ a la don kelen na.› Kɛlɛbolow Matigi ko ten.
[10] ‹O don na aw naɲɔgɔn lajɛ rezɛn sun ni toro sun kɔrɔ.›» Kɛlɛbolow Matigi ko ten.