[1] Matigi ka kiraya kuma Hadrak jamana kama. O kuma bɛ fɔ Damasi ko la k'a masɔrɔ Matigi b'a ɲɛ kɛ ka mɔgɔ tɔw filɛ i ko a bɛ Israɛl bɔnsɔn filɛ cogo min na.
[2] A bɛ kuma Hamat fana ko la, o min bɛ Damasi kɛrɛ fɛ. A bɛ kuma Tir ni Sidɔn fana ko la, hali ni olu ye hakilitigiya baara kɛ.
[3] Tir ye kɛlɛ kunbɛn so jɔ. A ye warijɛ lajɛɲɔgɔn kan i ko buguri, ka sanu lajɛ i ko dugu bɔlɔnw na bɔgɔ.
[4] Nka Matigi na a bɔnɛ o bɛe la. A na a ka sebaaya fili kɔgɔji la. Tasuma na Tir jeni k'a ban.
[5] Askalɔn na o tiɲɛnni kobaw ye ka siran. Gaza fana na o ye ka siran kosɛbɛ ka yɛrɛyɛrɛ. Ekirɔn fana na kɛ ten k'a masɔrɔ a jigi na tigɛ. Masakɛ si tɛna sɔrɔ Gaza, mɔgɔ si tɛna sigi Askalɔn kɔnɔ.
[6] Jamana wɛrɛ mɔgɔw na sigi Asdɔd dugu kɔnɔ. Ne na Filisitikaw ka kuncɛbaya ban.
[7] Ne na u ka saraka haramulenw joli ni olu sogo sama ka bɔ u da la. U fana naɲɛnamaya an ka Ala barika la. U na kɛ i ko Juda bɔnsɔn na kuntigi dɔ. Ekirɔnkaw na kɛ i ko Jebuskaw.
[8] Ne na daga sigi ka ne ka so lamini k'a kɔlɔsi kɛlɛdenw na ani mɔgɔ minw bɛ taa ka segin kɛ. Ne ka mɔgɔw tɔorɔbaaw tɛna u kɛlɛ tun, k'a masɔrɔ sisan neɲɛ jɔlen bɛ u la.
[9] Sion dugu, i ka ɲagalikanba bɔ. Jerusalɛm, i ka nisɔndiya dɔnkili da. I ka masakɛ natɔ filɛ i sɛgɛrɛ. A tilennen don, a setigima majiginlen, a yɛlɛlen bɛ fali kan, falimuso den yɛrɛ kan.
[10] Ne na kɛlɛkɛ wotorow tunun ka bɔ Efrayim jamana kɔnɔ, ka kɛlɛkɛ sow ban ka bɔ Jerusalɛm, kɛlɛkɛ kalaw fana na kari. O masakɛ na hɛrɛ ko fɔ siyaw ye. A ka mara bɛ bɔ kɔgɔji da la ka taa bila dɔ wɛrɛ la. A na bɔ Ufrate ba da la ka taa se dugukolo dan na.
[11] E kɔni, Israɛl, layidu min tara i ye ni joli ye, o kosɔn ne na i ka jɔnw sama ka bɔ dingɛ jintan kɔnɔ.
[12] Aw jɔn minw jigiɲɛnama don, a' ye kɔsegin aw ka jamanaɲuman barikama kɔnɔ. Ne b'a fɔ i ye k'a jɛya ko ne na i ka fɛn tiɲɛnnenw bɔɲɔgɔnko fila di i ma bi yɛrɛ.
[13] K'a masɔrɔ ne na Juda bɔnsɔn sama i ko bɔnnikɛ kala ka Efrayim kɛ i ko biɲɛkisɛw. Sion, ne na i denw ci ka taa Javankaw kama, ne na i kɛ i ko kɛlɛkɛ cɛ ja gɛlɛn bolo npan.
[14] Matigi na a yɛrɛ jira u san fɛ, a ka biɲɛkisɛw na taa i ko san yɛgɛyɛgɛ. Matigi Ala na buru fyɛ, ka taa ni worodugu yanfan fiɲɛ farinma ye.
[15] Kɛlɛbolow Matigi na kɛ Israɛl bɔnsɔn marabaa ye, u na fɛn bɛe tiɲɛn ka ntanfura kabakurunw cɔngɔ u sen kɔrɔ. U na minni kɛ ka u ɲɛnamini, i ko mɔgɔ minw ye diwɛn min. U na fa i ko saraka jifilen, i ko saraka bɔlan selekew.
[16] O don na Matigi, u ka Ala na u kisi, i ko a ka mɔgɔw kulu, k'a masɔrɔ u bɛe na manamana a ka dugukolo senuma kan, i ko masafugula la kabakurunw.
[17] U cɛɲɛ ni u nɔorɔ na manamana kosɛbɛ. Sɛnɛkɛ suman na u ka kamalenw barika bonya, diwɛn kɛnɛ na npogotigiw barika bonya.