[1] Matigi ye kiraya kuma fɔ Israɛl bɔnsɔn ko la. Matigi min ye sankolow fɛnsɛ ka dugukolo ju sigi ka Hadamadenw da a kan, o ko:
[2] «Ne na Jerusalɛm kɛɲɛnamini jifilen ye walisa ka a lamini mɔgɔw bɛeɲɛnamini. Bɔnɛ na Juda bɔnsɔn fana sɔrɔ Jerusalɛm minɛ tuma la.
[3] O don na ne na Jerusalɛm kɛ kabakurun girinman ye siyaw bɛe kama. Minw bɛe b'a fɛ k'a kɔrɔta, olu bɛe na jogin. Dugukolo kan siyaw bɛe naɲɔgɔn lajɛ a kama.»
[4] Matigi ko: «O don na ne na ja tigɛ bila yɛlɛnkan sow la kaɲɛnamini bila u kan yɛlɛnbaaw la. Ne na neɲɛ jɔ Juda ka so la ka siyaw ka yɛlɛnkan sow bɛeɲɛw fiyen.
[5] O tuma la Juda bɔnsɔn kuntigiw n'a fɔ u yɛrɛw kɔnɔ ko: ‹Jerusalɛm kɛra an barika ye, Kɛlɛbolow Matigi, u ka Ala barika la.›
[6] «O don na ne na Juda bɔnsɔn kuntigiw kɛ i ko singon tasumama dɔgɔ cɛma ka u kɛ i ko kala mɔɲɔ manalen kansiriw cɛma. U na u lamini siyaw bɛe halaki u kinin ni u numan fɛ. Jerusalɛm sigilen na to a sigi yɔrɔ la Jerusalɛm.
[7] «Matigi na Juda bɔnsɔn ka finisow fɔlɔ kisi walisa Dawuda ka so ani Jerusalɛmkaw kana u yɛrɛw bonya Juda bɔnsɔn kun na kosɛbɛ.
[8] O don na Matigi na Jerusalɛmkaw mara. U ka barikantanw barika na bonya i ko Dawuda. Dawuda ka so na kɛ mɔgɔw bɛeɲɛ na i ko Ala, a na kɛ u ɲɛ na i ko Matigi ka mɛlɛkɛ.
[9] Ni o don sera, siya minw bɛ na Jerusalɛm kɛlɛ, ne na ne jija ka olu bɛe halaki.
[10] «Ne na nɛema Ni ani Ala delili Ni jigin Dawuda ka so ani Jerusalɛmkaw kan. U ye ne min sɔgɔ, u na u yɛlɛma ka ne filɛ. U na kasi ne kosɔn i ko mɔgɔ bɛ a denkɛ kelenpe su kasi cogo min na. U na kasi ne kosɔn kosɛbɛ, i ko mɔgɔ bɛ kasi a denkɛ fɔlɔ salen kosɔn cogo min na.
[11] «O don na su kasiba na kɛ Jerusalɛm dugu kɔnɔ i ko su kasiba kɛra Hadadrimon Megido jɛkɛnɛ la cogo min na.
[12] Siga t'a la jamana na su kasi kɛ, gwaw bɛe na kasi u dan na. Dawuda ka so ka gwa na kasi u dan na, u musow na kasi u dan na. Natan ka so ka gwa na kasi u dan na, u musow na kasi u dan na.
[13] Levi bɔnsɔn ka gwa na kasi u dan na, u musow na kasi u dan na. Simeyi bɔnsɔn ka gwa na kasi u dan na, u musow na kasi u dan na.
[14] Gwa tɔw bɛe na kasi u dan na o cogo kelen na. U bɛe na kasi u dan na, musow fana na kasi u dan na.