[1] Ne ye ne ɲɛ kɔrɔta ko kura ka filɛli kɛ. Ne ye sɛbɛnfura melekelen pantɔ ye.
[2] Mɛlɛkɛ y'a fɔ ne ye ko: «Iɲɛ bɛ mun na?» Ne y'a jaabi ko: «Neɲɛ bɛ sɛbɛnfura melekelen pantɔ la. O janya ye nɔnkɔnɲɛ mugan ye, a bonya ye nɔnkɔnɲɛ tan ye.»
[3] A y'a fɔ ne ye ko: «Danga min bɛ na se jamana mɔgɔw bɛe ma, o don. K'a masɔrɔ a b'a fɔ ko sonyalikɛlaw bɛe ka gɛn ka bɔ yan. Kalilikɛlaw fana na gɛn.»
[4] Kɛlɛbolow Matigi ko: «Ne y'a to a ka se yɔrɔw bɛe. A na don sonyalikɛlaw ka so kɔnɔ, ani minw bɛ u kali nkalon kan ne tɔgɔ la. A na sigi u ka so kɔnɔ ka u ka so jiriw ni u ka kabakurunw bɛe jeni.»
[5] O kɔ, mɛlɛkɛ min tun bɛ kuma ne fɛ, o gɛrɛla ne la k'a fɔ ne ye ko: «I ka i ɲɛ kɔrɔta ka nin fɛn bɔtɔ filɛ.»
[6] Ne y'a fɔ ko: «Mun don?» A ye ne jaabi ko: «Sumanikɛ efa don.» A y'a fɔ ko kura ko: «Nin ye jamana bɛe ka tilenbaliya ye.»
[7] O kɔ, ne ye ntilɛku kuru koolilen kɔrɔtalen ye san fɛ. Muso dɔ sigilen bɛ sumanikɛ efa kɔnɔ.
[8] Mɛlɛkɛ ko: «Nin muso bɛ tilenbaliya jira.» A ye o muso digi efa kɔnɔ k'a da tugu ni o ntilɛku kuru ye.
[9] O tuma la ne ye ne ɲɛ kɔrɔta ka filɛli kɛ, muso fila bɔra, fiɲɛ bɛ ci ka bɔ u kamanw jukɔrɔ. U kamanfuraw tun bɛ i ko baninkɔnɔ kamanfura. U ye efa kɔrɔta san ni dugu cɛ.
[10] O kɔ, mɛlɛkɛ min tun bɛ kuma ne fɛ, ne y'a fɔ o ye ko: «U bɛ taa ni o efa ye min?»
[11] Mɛlɛkɛ ye ne jaabi ko: «U bɛ taa so jɔ a ye Sinear jamana la. Ni o so jɔra ka ban tuma min na, o efa na sigi a ka yɔrɔ la yen.»