[1] Aw ka sanji deli Matigi fɛ samiyɛ don da la. Matigi na san yɛgɛyɛgɛ kɛ ka sanjiba di aw ma. A na sɛnɛ fɛnw falen aw bɛe ka forow la.
[2] K'a masɔrɔ aw ka boliw ye kiraya kuma nkalonmaw fɔ. Aw ka filɛlikɛlaw ye nkalon kiraya kɛ. U bɛ sugow nkalonmaw lakali ka dusu saaloli kuma fuu fɔ. O de kosɔn Israɛl bɔnsɔn fililen bɛ yaala i ko sagakulu. U tɔorɔlen bɛ, sabu gɛnbaa tɛ u la.
[3] Ne diminna saga gɛnnaw kɔrɔ. Ne na bakɔrɔw tɔorɔ k'a masɔrɔ Kɛlɛbolow Matigi taara bɔ a ka sagakulu Juda ka so ye. A na u kɛ i ko a ka kɛlɛkɛ soɲuman.
[4] So seleke la kabakurun na bɔ Juda la. Finiso gengen bɔlɔ ani kɛlɛkɛ bonnikɛ kala na bɔ a la. Kuntigiw bɛe na bɔ ale laɲɔgɔn fɛ.
[5] Olu na kɛ i ko kɛlɛkɛ cɛ ja gɛlɛnw ka dugu bɔlɔnw na bɔgɔ foroki kɛlɛ waati la. U na kɛlɛ kɛ, k'a masɔrɔ Matigi bɛ u fɛ. So kan yɛlɛnbaaw na maloya ka u kun suuli.
[6] Ne na Juda ka so barika bonya, ka Yusufu ka so hɔrɔnya. Ne na u lasigi ko kura, k'a masɔrɔ u hinɛ bɛ ne la. U na kɛ i ko ne tun ma u fili abada, k'a masɔrɔ ne ye Matigi, u ka Ala ye, ne na u lamɛn.
[7] Efrayim na kɛ i ko cɛ barikama. A denw dusu na faɲagali la i ko u falen bɛ diwɛn na. Ɔwɔ, a denw na o ye ka ɲagali, u na nisɔndiya Matigi la.
[8] Ne na file fyɛ ka u lajɛ yɔrɔ kelen na, k'a masɔrɔ ne ye u kunmabɔ. U na jiidi kosɛbɛ i ko u tun bɛ cogo min na ka kɔrɔ.
[9] Ne ye u jɛnsɛn siyaw cɛma, nka u na miiri ne ko la ka u to jamana janw na. U ni u denw ɲɛnama na to, o kɔ, u na kɔsegin ka na.
[10] Ne na u labɔ Misira jamana kɔnɔ, ka u labɔ Asiri jamana la, ka u kɔsegin Galad ni Liban jamana la, sigi yɔrɔ tɛna sɔrɔ u bɛe ye.
[11] Israɛl bɔnsɔn na kɔgɔji cɛ tigɛ, tɔorɔ kɔgɔji kɔni. A na kɔgɔji kuruw gosi. Nil baji dunbaw bɛe na ja. Asiri ka kuncɛbaya kow na ban, Misira ka masaya bere na minɛ a la.
[12] Ne na Israɛl barika bonya Matigi la, u na taama ale tɔgɔ la. Matigi ko ten.