[1] سن، ای بشر اوغلو، بئر ائتی قیلینج گؤتور؛ اوندان دَلّک اولگوجو کئمی ائستئفاده ات، اونو باشینا و ساقّالینا چک. سونرا بئر تَره‌زی گؤتور و قیرخدیغین توکلری حئصّه‌لره آییر.
[2] اونلارین اوچده بئرئنی شهرئن موحاصئره واختی قورتاراندا، شهرئن اورتاسیندا اوددا یاندیر. سونرا اوچده بئرئنی گؤتور و شهرئن اطرافیندا قیلینجلا دوغرا. اوچده بئرئنی ده کوله‌یه سووورارسان؛ من ده اونلارین دالیسیجا قیلینج چکه‌جیم.
[3] توکلرئن بئر آزینی دا گؤتوروب پالتارینین اَته‌یئنه باغلایارسان.
[4] اونلاردان بئر قدر ده گؤتوروب اودون ائچئنه آتارسان و اونلاری اوددا یاندیرارسان. بوندان بوتون ائسرایئل نسلئنئن اوستونه اود یاغاجاق.»
[5] پروردئگار رب بله دیئر: «بو، اورشلئمدئر. من اونو مئلّتلرئن، اطرافیندا اولان اؤلکه‌لرئن آراسیندا یِرلَشدئرمئشم.
[6] لاکئن اونون خالقی باشقا مئلّتلردن، اطرافینداکی اؤلکه‌لردن ده چوخ پئسلئک اده‌رک، حؤکملرئمئن و قایدالاریمین ضئدّئنه عوصیان ادئبلر؛ چونکی حؤکملرئمی ردّ ادئب، قایدالاریما عمل اتمه‌یئبلر.»
[7] بونا گؤره ده پروردئگار رب بله دیئر: «سئز اطرافینیزدا اولان مئلّتلردن ده چوخ یاغیلیق ادئبسئنئز، قایدالاریما عمل اتمه‌یئبسئنئز، حؤکملرئمی یرئنه یتئرمه‌یئبسئنئز، حتّا اطرافینیزدا اولان مئلّتلرئن حؤکملرئنه گؤره ده رفتار اتمه‌یئبسئنئز.»
[8] بونا گؤره ده پروردئگار رب بله دیئر: «باخ، من، حتّا من اؤزوم ده سئزئن ضئدّئنئزه دورموشام و باشقا مئلّتلرئن گؤزو قاباغیندا سئزی جزالاندیرجاغام.
[9] بوتون ائیرنج ائشلرئندن اؤتری ائندئیه قدر اتمه‌دئیئم و بوندان سونرا دا بئر داها اتمیه‌جیئم شیی سئزئن باشینیزا گتئره‌جیم.
[10] بونا گؤره ده سنئن شهرئنده آتالار اوغوللارینی، اوغوللار دا آتالارینی یئیه‌جکلر؛ سنی جزالاندیرجاغام، سالامات قالانلارینین هامیسینی دا هر طرفه سوووراجاغام.»
[11] پروردئگار رب بویورور: «بونا گؤره ده، وارلیغیما آند اولسون، بوتون ائیرنج و نجئس شیلرئنله موقدّس مکانیمی نجئسله‌دئیئن اوچون، من قطعن سنی قیریب تؤکه‌جیم، سنه یازیغیم گلمیه‌جک و رحم اتمیه‌جیم.
[12] سنئن اهالئنئن اوچده بئری وبادان اؤله‌جک، یا دا سنئن ائچئنده آجلیقدان تلف اولاجاق؛ اوچده بئری اطرافیندا قیلینجلا هلاک اولاجاق؛ اوچده بئرئنی ده هر طرفه سوووروب آرخالارینجا قیلینج چکه‌جیم.
[13] بله‌جه قضبئم باشا گله‌جک، اونلار اوستونده قِیضئمی سؤندوروب راحاتلایاجاغام. منئم قضبئم اونلارین آراسیندا باشا گلنده، اونلار بئله‌جکلر کی، من رب قیرتئمدن اونلارا بله دانیشمیشام.
[14] اطرافیندا اولان مئلّتلر آراسیندا، یولدان کچن هر کسئن گؤزو قاباغیندا سنی وئرانه‌لئیه و روسوایچیلیق هدفئنه چِوئره‌جیم.
[15] قضب و حئدّتئمله، آلوولانان مزمّتلرئمله سنی جزالاندیرارکَن، اطرافیندا اولان مئلّتلر اوچون روسوایچیلیق، تحقئر، عئبرت و دهشت هدفی اولاجاقسان. من، رب، بونو دِمئشم.
[16] من سئزی محو اتمک اوچون اوستونوزه آجلیغین آمانسیز اوخلارینی دؤندَره‌جیم. آرانیزدا آجلیغی داها گوجلَندئره‌جیم و چؤره‌یئن کؤکونو کَسه‌جیم.
[17] اوستونوزه آجلیق و وحشی حیوانلار گؤندَ‌ره‌جیم و اونلار سئزی اوشاقلارینیزدان محروم اده‌جکلر. آرانیزدان وبا و تؤکولَن قان کچه‌جک، اوستونوزه قیلینج گتئره‌جیم. من، رب، بونو دِمئشم.»