[1] اسئرلئیئمئزئن ائیئرمی بِشئنجی ائلئنده، ائلئن باشلانیشیندا، بئرئنجی آیین اونونجو گونو، اورشلئم شهرئنئن سوقوطونون اون دؤردونجو ائلی-همئن او گون ربّئن اَلی منئم اوستومده ائدی. او منی اورایا آپاردی.
[2] رؤیادا تاری منی ائسرایئل اؤلکه‌سئنه آپاریب چوخ اوجا بئر داغین باشینا قویدو. داغین جنوبوندا شهره بَنزه‌ر تئکئلی وار ائدی.
[3] تاری منی اورایا آپاردی. من اورادا گؤرونوشجه بورونجه بَنزه‌ر بئر آدام گؤردوم. اونون اَلئنده بئر کتان ائپ و اؤلچمک اوچون بئر قامیش وار ائدی. او، دروازادا دورموشدو.
[4] او آدام منه ددی: «ای بشر اوغلو، گؤزونله، قولاغینلا اشئت و سنه گؤرسده‌جیئم هر شیه دئقّت ات. اونا گؤره بورایا گتئرئلدئن کی، بونلاری سنه گؤرسدئم. گؤردویون هر شیی ائسرایئل نسلئنه بئلدئر.»
[5] باخ، معبدی هر طرفدن اَحاطه‌یه آلان بئر دووار وار ائدی. اؤلچمک اوچون او آدامین اَلئنده بئر قامیش وار ائدی کی، اوزونلوغو آلتی قول‌آچ ائدی. هر قول‌آچا بئر اوووج اوزونلوق علاوه ادئلمئشدی. او آدام دوواری اؤلچدو: قالینلیغی بئر قامیش، بویو دا بئر قامیش ائدی.
[6] سونرا شرقه طرف اولان دروازایا طرف گتدی و اونون پئلّه‌کَنلری ائله یوخاری قالخدی. دروازانین آستاناسینی اؤلچدو: اِنی بئر قامیش ائدی. او بئری آستانانین اِنی ده بئر قامیش ائدی.
[7] کشئکچی اوتاقلارینین هر بئرئنئن اوزونلوغو و اِنی بئر قامیش ائدی. کشئکچی اوتاقلارینین آراسی بش قول‌آچ ائدی. معبده باخان اِیوانین یانینداکی دروازا آستاناسی بئر قامیش اوزونلوغوندا ائدی.
[8] سونرا او، دروازا اِیوانینی اؤلچدو: بئر قامیش.
[9] اِنی سکّئز قول‌آچ ائدی. یان سوتونلارین قالینلیغی ائکی قول‌آچ ائدی. دروازا اِیوانی معبده باخیردی.
[10] شرق دروازاسینین هر ائکی یانیندا اوچ-اوچ کشئکچی اوتاغی وار ائدی. اوچونون ده اؤلچوسو بئر ائدی. هر ائکی طرفده اولان سوتونلارین دا اؤلچوسو بئر ائدی.
[11] او، دروازانین آستاناسینین اِنئنی اؤلچدو: اون قول‌آچ ائدی. دروازانین اوزونلوغو دا اون اوچ قول‌آچ ائدی.
[12] هر ائکی طرفده اولان کشئکچی اوتاقلارینین قاباغیندا، بئر قول‌آچ اوجالیغیندا بئر آراکَسمه وار ائدی. هر ائکی طرفده کشئکچی اوتاقلاری دؤردبوجاقلی ائدی. کنارلاری هر طرفدن آلتی قول‌آچ ائدی.
[13] سونرا او، دروازانین اِنئنی-کشئکچی اوتاقلارینین دووارلارینین آراسینی اؤلچدو: ائیئرمی بش قول‌آچ ائدی؛ دروازالار بئربئرئنئن موقابئلده ائدئلر.
[14] یان سوتونلاری اؤلچدو: آلتمیش قول‌آچ ائدی. دروازانین اطرافینداکی حیط سوتونلارا قدر اوزانیردی.
[15] دروازانین آستاناسیندان اِیوانین آخیرینا قدر مسافه اَلّی قول‌آچ ائدی.
[16] دروازانین ائچه‌ری طرفئنئن هر یانیندا کشئکچی اوتاقلارینین و بؤلمه دووارلارینین ائچه‌رئیه باخان موشَبّک پنجره‌لری وار ائدی. اِیوانلاردا دا بله ائدی. هر یانین ائچه‌ری طرفئندن پنجره‌لر وار ائدی. هر بؤلمه‌نئن دوواری اوستونده خورما آغاجی تصوئر اولونموشدو.
[17] او آدام منی باییر حیطه گتئردی. باخ، اورادا باییر حیطی اَحاطه‌یه آلان اوتاقلار و داش یول وار ائدی. داش یول بویونجا اوتوز اوتاق وار ائدی.
[18] دروازالارین هر ائکی طرفئنده‌کی داش یولون اِنی قاپیلارین اوزونلوغو قدر ائدی. بو، آشاغی داش یول ائدی.
[19] او آدام حیطئن اِنئنی آشاغی دروازادان ائچه‌ری حیطئن دروازاسینا قدر اؤلچدو: شرقده و شئمالدا اولان مسافه یوز قول‌آچ ائدی.
[20] او آدام باییر حیطئن شئمالا باخان دروازاسینین اوزونلوغونو و اِنئنی اؤلچدو.
[21] بورانین هر ائکی طرفئنده اوچ-اوچ کشئکچی اوتاغی وار ائدی. بؤلمه دووارلاری و اِیوانلاری بئرئنجی دروازانین اؤلچوسونه برابر ائدی: اوزونلوغو اَلّی قول‌آچ، اِنی ائیئرمی بش قول‌آچ ائدی.
[22] پنجره‌لرئن، اِیوانین و خورما آغاجی تصوئرلرئنئن اؤلچوسو شرقه باخان دروازانین اؤلچوسونه برابر ائدی. اورایا یدّی پئلّه‌‌کَنله چیخیردیلار، بونلارین موقابئلئنده اِیوان وار ائدی.
[23] شرق دروازاسیندا اولدوغو کئمی شئمال دروازاسینا دا باخان بئر ائچه‌ری حیط دروازاسی وار ائدی. او آدام بو ائکی دروازا آراسینداکی مسافه‌نی اؤلچدو: یوز قول‌آچ ائدی.
[24] او آدام منی جنوبا طرف آپاردی. اورادا جنوبا باخان بئر دروازا گؤردوم. او، دروازانین یان تاختالارینی و اِیوانی اؤلچدو: اؤلچولری او بئرئلرئنئن اؤلچولرئنه برابر ائدی.
[25] او بئرئلرئنده اولدوغو کئمی، بو دروازا ائله اِیوانین هر طرفئنده ده پنجره‌لر وار ائدی. اِیوانین اوزونلوغو اَلّی قول‌آچ، اِنی ائیئرمی بش قول‌آچ ائدی.
[26] اورایا یدّی پئلّه‌‌کَنله چیخیردیلار. بونلارین موقابئلئنده اِیوان وار ائدی. دروازانین یان تاختالاری هر ائکی طرفدن بئر خورما آغاجی تصوئری ائله بَزه‌نمئشدی.
[27] ائچه‌ری حیطئن جنوبا باخان بئر دروازاسی وار ائدی. او آدام بو ائچه‌ری دروازادان جنوبا باخان دروازایا قدر مسافه‌نی اؤلچدو: یوز قول‌آچ ائدی.
[28] او آدام منی جنوب دروازاسیندان ائچه‌ری حیطه آپاردی. جنوب دروازاسینی اؤلچدو: اؤلچولری او بئرئلرئنئن اؤلچولرئنه برابر ائدی.
[29] کشئکچی اوتاقلارینین، بؤلمه دووارلارینین و اِیوانین اؤلچولری او بئرئلرئنئن اؤلچولرئنه برابر ائدی. دروازا ائله اِیوانین هر طرفئنده پنجره‌لر وار ائدی. دروازانین اوزونلوغو اَلّی قول‌آچ، اِنی ائیئرمی بش قول‌آچ ائدی.
[30] هر طرفده اِیوانلار وار ائدی کی، اوزونلوغو ائیئرمی بش قول‌آچ، اِنی ده بش قول‌آچ ائدی.
[31] اِیوانی باییر حیطه باخیردی. دروازانین یان تاختالاری خورما آغاجی تصوئرلری ائله بَزه‌نمئشدی. اورایا سکّئز پئلّه‌‌کَنله چیخیردیلار.
[32] او آدام منی شرقده‌کی ائچه‌ری حیطه آپاردی. اوراداکی دروازانی اؤلچدو. اؤلچوسو او بئرئلرئنئن اؤلچوسونه برابر ائدی.
[33] کشئکچی اوتاقلارینین، بؤلمه دووارلارینین و اِیوانینین اؤلچوسو او بئرئلرئنئن اؤلچوسونه برابر ائدی. دروازا ائله اِیوانینین هر طرفئنده پنجره‌لر وار ائدی. دروازانین اوزونلوغو اَلّی قول‌آچ، اِنی ائیئرمی بش قول‌آچ ائدی.
[34] اِیوانی باییر حیطه باخیردی. دروازانین یان تاختالاری ائکی طرفدن خورما آغاجی تصوئرلری ائله بَزه‌نمئشدی. اورایا سکّئز پئلّه‌‌کَنله چیخیردیلار.
[35] سونرا او آدام منی شئمال دروازاسینین یانینا آپاردی. او، قاپینی اؤلچدو: اؤلچوسو او بئرئلرئنئن اؤلچوسونه برابر ائدی.
[36] کشئکچی اوتاقلارینین، بؤلمه دووارلارینین و اِیوانینین اؤلچوسو او بئرئلرئنئن اؤلچوسونه برابر ائدی. دروازانین هر طرفئنده پنجره‌لر وار ائدی. دروازانین اوزونلوغو اَلّی قول‌آچ، اِنی ائیئرمی بش قول‌آچ ائدی.
[37] یان تاختالاری باییر حیطه باخیردی. دروازانین یان تاختالاری هر ائکی طرفدن خورما آغاجی تصوئرلری ائله بَزه‌نمئشدی. اورایا سکّئز پئلّه‌‌کَنله چیخیردیلار.
[38] ائچه‌ری حیطئن دروازالارینداکی اِیوانلارین یانیندا قاپیسی اِیوانا آچیلان بئر اوتاق وار ائدی. یاندیرما قوربانلاری بورادا یویولوردو.
[39] دروازا اِیوانینین هر ائکی طرفئنده ائکی سیرا قوشا مئز وار ائدی. یاندیرما قوربانی، گوناه قوربانی و تقصئر قوربانی اولاجاق حیوانلار بو مئزلرئن اوستونده کَسئلئردی.
[40] اِیوانین باییر دووارینین یانیندا، شئمال دروازاسینین پئلّه‌کَنلرئنئن هر ائکی طرفئنده ائکی سیرا قوشا مئز ده وار ائدی.
[41] بله‌جه قوربانلیق حیوانلاری کَسمک اوچون سکّئز مئز وار ائدی کی، دروازانین هر ائکی طرفئنده دؤرد-دؤرد قویولموشدولار.
[42] یاندیرما قوربانلاری اوچون یونولموش داشدان دؤرد مئز وار ائدی. هر مئزئن اوزونلوغو و اِنی بئر یاریم قول‌آچ، بویو دا بئر قول‌آچ ائدی. یاندیرما قوربانلارینین و باشقا قوربانلارین کَسئلمه‌سئنده ائستئفاده اولونان آلَتلری بونلارین اوستونه قویوردولار.
[43] دووارلارین هر طرفئنه ماشالار آسیلمیشدی: هر بئری بئر اوووج اوزونلوغوندا ائدی. مئزلر تقدئم ادئلَن حیوانین اَتی اوچون نظرده توتولموشدو.
[44] ائچه‌ری دروازانین باییر حئصّه‌سئنده، ائچه‌ری حیطده نغمه‌چئلر اوچون اوتاقلار وار ائدی. بونلاردان بئری شئمال دروازاسینین یانیندا ائدی و جنوبا باخیردی، او بئری جنوب دروازاسینین یانیندا ائدی و شئمالا باخیردی.
[45] او آدام منه ددی: «جنوبا باخان اوتاق معبد اوچون جاوابده اولان کاهئنلره مخصوصدور.
[46] شئمالا باخان اوتاق دا قوربانگاه اوچون جاوابده اولان کاهئنلره مخصوصدور. اونلار لاوئنئن نسلئندن اولان و ربّه خئدمت اتمک اوچون اونا یاخینلاشان صادوق اؤولادلاریدیرلار.»
[47] او آدام حیطی اؤلچدو: حیط دؤردبوجاقلی ائدی؛ اوزونلوغو یوز قول‌آچ، اِنی ده یوز قول‌آچ ائدی. معبدئن قاباغیندا قوربانگاه وار ائدی.
[48] سونرا او آدام منی معبدئن اِیوانینا آپاریب اِیوانین قاپیسینین یان تاختالارینی اؤلچدو. دروازانین هر ائکی طرفئنده‌کی سوتونلارین اِنی بش قول‌آچ ائدی. دروازانین هر ائکی طرفئنئن اِنی ده اوچ قول‌آچ ائدی.
[49] اِیوانین اوزونلوغو ائیئرمی قول‌آچ، اِنی اون ائکی قول‌آچ ائدی. اورایا پئلّه‌‌کَنله چیخیردیلار. دروازانین یان تاختالارینین یانیندا ائکی سوتون وار ائدی: بئری بو طرفئنده، او بئری ده او طرفئنده ائدی.