[1] منه ربّئن بو سؤزو نازئل اولدو:
[2] «ای بشر اوغلو، نبئلئک ادن ائسرایئل پیغمبرلرئنئن ضئدّئنه نبئلئک ات و اؤز-اؤزلرئندن نبئلئک ادن آداملارا دِه: ربّئن سؤزونو اِشئدئن.
[3] پروردئگار رب بله دیئر: ”وای او آخماق پیغمبرلرئن حالینا کی، اؤز روحلاریندان ائلهاملانیرلار و هچ بئر رؤیا گؤرمه‌یئبلر.
[4] ای ائسرایئل، سنئن پیغمبرلرئن وئرانه‌لئکلرده دولاشان چاقّاللارا بَنزه‌یئرلر.
[5] ای پیغمبرلر، سئز دووارین دَلئکلرئنی قورومادینیز، ربّئن گونونده دؤیوشده بَرک دایانماق اوچون ائسرایئل نسلئنئن اطرافیندا دووار قورمادینیز.
[6] اونلار بوش شیلر گؤروبلر، فالچیلیق ادئب یالان دانیشیرلار. دیئرلر: رب بویورور، حال بو کی، رب اونلاری گؤندَ‌رمه‌یئب. آمّا حله ده اونا اومئد باغلاییرلار کی، اونلارین سؤزلرئنی یرئنه یتئرسئن.
[7] مگر سئزئن گؤردویونوز رؤیا بوش و اتدئیئنئز فالچیلیق یالان دیئل؟ سئز بونلارا رب بویورور دیئرسئنئز، حال بو کی، هچ بئر شی دِمه‌مئشم.“
[8] بونا گؤره ده پروردئگار رب بله دیئر: ”ائندی کی یالانلاری دیئب یالان شیلر گؤروبسونوز، من سئزه ضئدّم.“ پروردئگار رب بویورور.
[9] ”اَلئم او پیغمبرلرئن ضئدّئنه اولاجاق کی، یالان رؤیالار گؤرورلر و یالانلارلا فالچیلیق ادئرلر. اونلار منئم خالقیمین مجلئسئنده اولمایاجاقلار، ائسرایئل نسلئنئن سئیاهیسینا یازیلمایاجاقلار، ائسرایئل تورپاغینا دا گئرمیه‌جکلر. او واخت بئله‌جکسئنئز کی، پروردئگار رب منم.
[10] بونو اونا گؤره اده‌جیم کی، اونلار صولح اولمادیغی حالدا صولح دیئب خالقیمی آزدیریبلار. خالق دووار تئکَنده، بو پیغمبرلر اونا سوواق وورورلار.
[11] سن او سوواق وورانلارا دِه کی، او دووار اوچاجاق. شئدّتلی یاغیش یاغاجاق و سن، ای دولو دنه‌لرئنی، گؤیدن یاغاجاقسان و بؤیوک بئر کولَک اَسه‌جک.
[12] دووار اوچاندا مگر سئزه دیئلمیه‌جک: ووردوغونوز سوواق نجه اولدو؟“
[13] بونا گؤره ده پروردئگار رب بله دیئر: ”من اؤز قضبئمده طوفان کوله‌یی اَسدئره‌جیم، اؤز حئدّتئمده شئدّتلی یاغیش و دولو یاغدیراجاغام کی، دووار قضبئمله محو اولسون.
[14] بله‌جه سوواق ووردوغونوز دوواری اوچوردوب یِرله بئر اده‌جیم و بونؤوره‌سی گؤرونه‌جک. سئز ده ییخیلان دووارین آلتیندا هلاک اولاجاقسینیز. او واخت بئله‌جکسئنئز کی، رب منم.
[15] اؤز قِیضئمی دووارین و اونا سوواق وورولانلارین اوستونده بله‌جه تؤکه‌جیم. سئزه دئیه‌جیم: نه دووار وار، نه ده اونا سوواق ووران ائسرایئل پیغمبرلری.
[16] او پیغمبرلر اورشلئم اوچون نبئلئک اتدئلر و صولح اولمادیغی حالدا، اورادا صولح اولاجاغی باره‌ده رؤیالار گؤردولر.“ پروردئگار رب بله بویورور.
[17] سن، ای بشر اوغلو، اؤز-اؤزلرئندن نبئلئک ادن خالقینین قیزلارینا اوزونو توت و اونلارین ضئدّئنه نبئلئک ات.
[18] اونلارا دِه کی، پروردئگار رب بله دیئر: ”وای او آروادلارین حالینا کی، جانلاری شئکار اتمک اوچون هر کَسئن بئله‌یئنه اووسون یاستیقچالار تئکئرلر و هر بویدا اولان آدامین باشینا اؤرتوکلر دوزَ‌لدئرلر! اِله بئلئرسئنئز کی، خالقیمین جانلارینی شئکار اتمکله اؤز جانینیزی سالامات ساخلایاجاقسینیز؟
[19] منئم حؤرمتئمه خالقیمین قاباغیندا بئر نِچه اوووج آرپا و بئر نِچه چؤرک اوچون اهانت ادئبسئنئز. یالانا قولاق آسان خالقیما یالان دئیه‌رَک، اؤلمه‌یه لایئق اولمایانلاری اؤلدوروبسونوز و یاشاماغا لایئق اولمایانلاری یاشاتدیریبسینیز.“
[20] بونا گؤره ده پروردئگار رب بله دیئر: ”باخین، من سئزئن اووسون یاستیقچالارینیزا کی، اونلارلا اورادا آداملاری قوش کئمی شئکار ادئرسئنئز، ضئدّم. من اونلاری قول‌لارینیزدان قوپارداجاغام. قوش کئمی شئکار اتدئیئنئز آداملاری آزاد اده‌جیم.
[21] اؤرتوکلرئنئزی ده ییرتاجاغام و خالقیمی اَلئنئزدن قورتاراجاغام. اونلار بئر داها شئکار کئمی سئزئن اَلئنئزده اسئر اولمایاجاقلار. او واخت بئله‌جکسئنئز کی، رب منم.
[22] سئز یالانلارلا کَدَرلَنمه‌سئنی ائستمه‌دئیئم صالح آدامین اوره‌یئنی کَدَرلَندئرئبسئنئز، پئس آدامین قولونا گوج ورئبسئنئز کی، اؤز پئس یولوندان دؤنمه‌سئن و جا‌نینی قورتارماسین.
[23] بونا گؤره ده آرتیق بوش رؤیالار گؤرمه‌یه‌جکسئنئز و فالچیلیق اتمیه‌جکسئنئز. من اؤز خالقیمی سئزئن اَلئنئزدن قورتاراجاغام. او واخت بئله‌جکسئنئز کی، رب منم.“»