[1] او واخت گئنه منه ددی: «ای بشر اوغلو، بورادا تاپدیغین هر شیی یِه. بو طوماری یِه و گت، ائسرایئل نسلئنه دانیش.»
[2] بله‌جه آغزیمی آچدیم و او، بو طوماری منه وردی کی، یِیئم.
[3] و منه ددی: «ای بشر اوغلو، قارنینی بونونلا دویدور، سنه وردئیئم بو طومارلا قارنینی دولدور.» او واخت طوماری یِدئم. آغزیمدا بال کئمی شئرئن ائدی.
[4] او واخت منه ددی: «ای بشر اوغلو، ائسرایئل نسلئنئن یانینا گت و سؤزلرئمی اونلارا دِه.
[5] چونکی دانیشیغی آنلاشیلماز و دئلی چتئن اولان بئر خالقین یانینا یوخ، ائسرایئل نسلئنئن یانینا گؤندَ‌رئلئرسن،
[6] دانیشیغی آنلاشیلماز، دئلی چتئن، ددئکلرئنی آنلامادیغین خالقلارین آراسینا گؤندَرئلمئرسن. اگر من سنی اونلارین یانینا گؤندَ‌رسَیدئم، اونلار سنه قولاق آساردیلار.
[7] آمّا ائسرایئل نسلی سنه قولاق آسماق ائستمیه‌جکلر، چونکی منه ده قولاق آسماق ائسته‌مئرلر. دوغرودان دا بوتون ائسرایئل نسلی عئنادکار و دئکباشدیر.
[8] باخ، من سنئن اوزونو اونلارین اوزو کئمی، سنئن آلینینی اونلارین آلینی کئمی بَرک اده‌جیم.
[9] سنئن آلینینی چاخماق داشیندان مؤحکم اولان آلماس کئمی مؤحکم اده‌جیم. عاصی بئر خالق اولسالار دا، اونلاردان قورخما، قاباقلاریندا واهئمه‌یه دوشمه.»
[10] او گئنه منه ددی: «ای بشر اوغلو، منئم دِدئیئم بوتون سؤزلری اوره‌یئنده ساخلا و قولاقلارینلا اشئت.
[11] اسئر اولونموش وطنداشلارینین یانینا گت، اونلارلا دانیش-ائسته‌یئرلر سنه قولاق آسسینلار، ائسته‌یئرلر آسماسینلار-اونلارا دِه: ”پروردئگار رب بله دیئر!“»
[12] سونرا روح منی یوخاری قالدیردی و آرخامدان بؤیوک بئر گورولتو سَسی اشئتدئم: «ربّئن شؤوکتی اؤز یِرئنده موبارک اولسون.»
[13] جانلی مخلوقلارین قانادلاری بئر-بئرئنه توخوندوقجا اونلارین سَسئنی، یانلارینداکی چرخلرئن ده شاقّیلتیسینی اشئتدئم؛ بؤیوک بئر گورولتو سَسئنی!
[14] روح منی یوخاری قالدیردی و گؤتوروب آپاردی؛ من روحومدا آجی و قضبلی بئر حالدا گتدئم. ربّئن گوجلو اَلی منئم اوستومده ائدی.
[15] من تِل‌اَبئبده اولان اسئر اولونموش آداملارین یانینا کی، کِبار چایینین قیراغیندا یاشاییردیلار، گلدئم و اونلارین یاشادیقلاری یرده، اونلارین آراسیندا یدّی گون تعجّوب ائچئنده اوتوردوم.
[16] یدّی گون کچدئکدن سونرا منه ربّئن بو سؤزو نازئل اولدو:
[17] «ای بشر اوغلو، من سنی ائسرایئل نسلی اوچون گؤزَتچی قویموشام؛ نه زامان آغزیمدان بئر سؤز اِشئده‌سن، گرک اونلارا منئم طرفئمدن ائخطار وره‌سن.
[18] من پئس آداما ”قطعن اؤله‌جکسن“ دِدئیئم زامان، اگر سن اونا ائخطار ورمه‌یه‌سن و پئس آدامی اؤز شر یولوندان دؤندَ‌رمک اوچون اونا ائخطار سؤزو دمیه‌سن کی، حیاتی قورتولسون، اوندا او پئس آدام اؤز تقصئری ائچئنده اؤله‌جک، لاکئن اونون قانینی سنئن بوینونا قویاجاغام.
[19] آمّا اگر پئس آداما ائخطار وره‌سن، و او آدام پئسلئیئندن و شر یولوندان دؤنمسه، اؤز تقصئری ائچئنده اؤله‌جک، لاکئن سن اؤز جانینی قورتارمیش اولورسان.
[20] اگر بئر صالح آدام اؤز صالحلئیئندن دؤنوب پئسلئک اتسه و من اونون قاباغینا بودره‌دن داش قویسام، او اؤله‌جک. اونا ائخطار ورمه‌دئیئن اوچون او آدام اؤز گوناهی ائچئنده اؤله‌جک و اتدئیی صالح عمل‌لری حسابا آلینمایاجاق، لاکئن اونون قانی اوچون مسعولئیّتی من سنئن اوستونه قویاجاغام.
[21] آنجاق گوناه اتمه‌مه‌سی اوچون اگر صالح آداما ائخطار وره‌سن و او گوناه اتمه‌سه، قطعن یاشایاجاق، چونکی ائخطاری قبول ادئب؛ و سن ده اؤز جانینی قورتارمیش اولورسان.»
[22] اورادا ربّئن اَلی منئم اوستومده ائدی. او منه ددی: «قالخ، هامارلیغا چیخ، من سنئنله اورادا دانیشاجاغام.»
[23] بله‌جه قالخیب هامارلیغا چیخدیم، و باخ، اورادا ربّئن شؤوکتی، کِبار چایینین قیراغیندا گؤردویوم شؤوکت کئمی دورموشدو. من اوزو اوسته ییخیلدیم.
[24] روح ائچئمه گئردی و منی آیاق اوسته قالدیردی. او منئمله دانیشیب بله ددی: «گت، اِوئنده اؤزونو زئندانی ات.
[25] ای بشر اوغلو، سنی بنده سالیب ائپله باغلایاجاقلار، اِله کی، خالقین آراسیندا گَزه بئلمیه‌جکسن.
[26] دئلئنی داماغینا یاپیشدیراجاغام اِله کی، لال اولاجاقسان. عاصی بئر خالق اولسالار دا، اونلاری مزمّت اده بئلمیه‌جکسن.
[27] لاکئن من سنئنله دانیشماغا باشلایاندا دئلئنی آچاجاغام، سن ده اونلارا دئیه‌جکسن: ”پروردئگار رب بله دیئر. اشئتمک ائسته‌یَن، قوی اشئتسئن؛ اشئتمک ائستمه‌یَن قوی اشئتمه‌سئن؛ چونکی اونلار عاصی بئر خالقدیرلار.