[1] منه ربّئن بو سؤزو نازئل اولدو:
[2] «سن، ای بشر اوغلو، آیا موحاکئمه اده‌جکسن، قان تؤکَن شهری موحاکئمه اده‌جکسن؟ اوندا بوتون ائیرنج ائشلرئنی اونا بئلدئر.
[3] اونا دِه کی، پروردئگار رب بله دیئر: ”اجلی گلمک اوچون اؤز ائچئنده قان تؤکَن، بوتلر دوزَ‌لده‌رک اؤزونو موردارلایان شهر!
[4] سن تؤکدویون قانا گؤره تقصئرکار اولوبسان، دوزَ‌لتدئیئن بوتلره گؤره نجئس اولوبسان. بله‌جه اجلئنی یاخینلاشدیریبسان، عؤمرون آخیرا چاتیب؛ بونا گؤره ده سنی مئلّتلر ائچئنده روسوایچیلیق، بوتون اؤلکه‌لر آراسیندا ائستِهزا هدفئنه چِوئرمئشم.
[5] ای آدی پئسلئیه چیخان، فئتنه دولو شهر، یاخین اولانلار دا، اوزاق اولانلار دا سنی مسخره اده‌جکلر.
[6] باخ، سنئن ائچئنده اولان هر بئر ائسرایئل رهبری اَلئندن گلدئیی قدر قان تؤکوب.
[7] سنئن ائچئنده اونلار آتا-آنایا حؤرمت اتمه‌یئبلر، سنئن ائچئنده قرئب آداما قدّارلیق، یِتئمه و دول آروادا حاقسیزلیق ادئبلر.
[8] منئم موقدّس شیلرئمه خور باخیبسان و سَبّت گونلرئمه محل قویمایبسان.
[9] سنئن ائچئنده قان تؤکمک ائسته‌یَن بؤهتانچی آداملار اولوب. سنئن ائچئنده داغلاردا گتئرئلَن قورباندان یِیئبلر. سنئن ائچئنده شهوترانلیغا قاپیلیبلار.
[10] سنئن ائچئنده آتالارینین ناموسو ائله یاتیبلار؛ سنئن ائچئنده آیباشی عادتئنئن نجئسلئیئنده اولان آروادی زورلاییبلار.
[11] سنئن ائچئنده بئری قونشوسونون آروادی ائله ائیرنج ائش ادئب، بئری حَیاسیزلیقلا گلئنئنی نجئس ادئب. بئری ده باجیسینی، اؤز آتاسینین قیزینی زورلاییب.
[12] سنئن ائچئنده قان تؤکمَک اوچون روشوت آلیبلار؛ سَلَم و موعامئله ائله پول بورج ورئبسن، قدّارلیقلا قونشولاریندان حاقسیز اوجرت آلیبسان. و منی یاددان چیخاردیبسان.“ پروردئگار رب بله بویورور.
[13] ”باخ، اَله گتئردئیئن حاقسیز اوجرتدن اؤتری و سنئن ائچئنده تؤکولَن قانا گؤره اَللرئمی بئربئرئنه چیرپیرام.
[14] سنئن ضئدّئنه قالخدیغیم گون اوره‌یئنده مگر طاقت اولار، قوللاریندا مگر قووّت قالار؟ من رب بونو دِمئشم و اونو یرئنه یتئره‌جیم.
[15] سنی مئلّتلر آراسینا یایاجاغام، اؤلکه‌لر آراسینا سَپه‌لَیه‌جیم، ائچئنده‌کی نجئسلئیی سندن محو اده‌جیم.
[16] مئلّتلرئن گؤزونده لَکه‌لَنه‌جکسن. او واخت بئله‌جکسن کی، رب منم.“»
[17] منه ربّئن بو سؤزو نازئل اولدو:
[18] «ای بشر اوغلو، منئم اوچون ائسرایئل نسلی چوروف کئمی اولوب؛ هامیسی کوره ائچئنده قالان بورونجه، قالایا، دمئره و قورغوشونا بَنزه‌یئر، گوموش چوروفو کئمئدئرلر.
[19] بونا گؤره ده پروردئگار رب بله دیئر: ”ائندی کی هامینیز چوروف کئمی اولوبسونوز، باخین، من سئزی اورشلئمئن اورتاسینا ییغاجاغام.
[20] گوموشو، بورونجو، دمئری، قورغوشونو و قالایی نجه کوره‌ده توپلاییرلار کی، اونلارا اود اوفوروب اَرئتسئنلر، من ده اِله‌جه سئزی قضب و حئدّتئمله بئر یِره ییغاجاغام، سئزی شهره قویوب اَرئده‌جیم.
[21] سئزی ییغیب قضبئمئن اودونو اوستونوزه اوفوره‌جیم و سئز شهرئن ائچئنده اَرئیه‌جکسئنئز.
[22] کوره ائچئنده گوموش نجه اَرئدئلئر، سئز ده شهرئن ائچئنده اِله‌جه اَرئیه‌جکسئنئز. او واخت بئله‌جکسئنئز کی، اوستونوزه قضبئمی تؤکَن من ربّم.“»
[23] منه ربّئن بو سؤزو نازئل اولدو:
[24] «ای بشر اوغلو، اونا دِه: ”سن قضب گونونده تمئزلَنمه‌مئش، اوستونه یاغیش یاغمامیش بئر تورپاقسان.
[25] اؤلکه‌نئن پیغمبرلری نَرئلده‌یَن، شئکارینی پارچالایان آصلان کئمی اورادا فئتنه قالدیریبلار؛ جانلاری اودوبلار، خزئنه و قئیمتلی شیلر اَله کچئردئبلر، شهرده چوخلو آروادلاری دول قویوبلار.
[26] کاهئنلری منئم قانونومو پوزوبلار، موقدّس شیلرئمی نجئسله‌یئبلر؛ موقدّس شیی نجئس شیدن آییرماییبلار، نجئس شیله تمئز شی آراسینداکی فرقی اؤیرَتمه‌یئبلر. اونلار منئم سَبّت گونلرئمه گؤز یومورلار و منئم موقدّسلئیئم اونلارین آراسیندا نجئسله‌نئب.
[27] اؤلکه ائچئنده‌کی باشچیلاری، شئکارینی پارچالایان جاناوار کئمئدئرلر، حاقسیز اوجرتله اَله گتئرمک اوچون قان تؤکورلر، جانلار هلاک ادئرلر.
[28] پیغمبرلری ساختا رؤیالارلا، یالان فال آچاراق بو گوناهلارین اوستونه سوواق وورورلار. دیئرلر: پروردئگار رب بله دیئر حال بو کی، رب دانیشماییبدیر.
[29] اؤلکه خالقی بئربئرئنی قارت اده‌رک سویغونچولوقلا مشغولدور. اونلار مظلومو و مؤحتاجی ائنجئدئب، حاقسیز یِره قرئبه ظولم ادئبلر.
[30] اونلارین ائچئنده بئر آدام آختاردیم کی، دوواری تعمئر اتسئن و منئم حوضورومدا اؤلکه‌نئن خاطئرئنه دووارداکی دَلئکده دایانسین، اِله کی، من اورانی یِرله بئر اتمه‌یئم؛ لاکئن بله آدام تاپمادیم.
[31] بونا گؤره ده اوستلرئنه قضبئمی تؤکموشم؛ آغزیمین حئدّتی ائله اونلاری یاندیریب محو اتمئشم. عمل‌لرئنئن عوضئنی باشلارینا گتئرمئشم.“ پروردئگار رب بله بویورور.»