[1] اوتوزونجو ائلده دؤردونجو آیین بِشئنجی گونو من کِبار چایی ساحئلئنده، اسئرلئکده یاشایانلار آراسیندا اولاندا گؤیلر آچیلدی و تاریدان گلن رؤیالاری گؤردوم.
[2] پادشاه یِهویاکئنئن اسئر اولونماسینین بِشئنجی ائلئنده، همئن آیین بِشئنجی گونو
[3] کَلده اؤلکه‌سئنده، کِبار چایی ساحئلئنده بوزئنئن اوغلو کاهئن حِزِقیالا ربّئن سؤزو نازئل اولدو. اورادا ربّئن اَلی اونونلا ائدی.
[4] من گؤردوم کی، باخ، شئمالدان اَسن شئدّتلی بئر یِل، و دایانمادان شئمشَک چیخان بؤیوک بئر بولود گلئر. اونون اطرافیندا پاریلتی وار ائدی، اورتاسیندا دا اود ائچئنده پاریلدایان دمئر کئمی بئر شی وار ائدی.
[5] اونون اورتاسیندا جانلی مخلوقا بَنزه‌یَن دؤرد شکئل وار ائدی؛ اونلارین گؤرونوشو ائنسانا بَنزه‌یئردی.
[6] لاکئن هر بئرئنئن دؤرد اوزو و دؤرد قانادی وار ائدی.
[7] اونلارین باجاقلاری دوز ائدی. آیاقلاری دانا آیاقلارینا اوخشاییردی و جئلالانمیش بورونج کئمی پاریلداییردی.
[8] دؤرد یانلاریندا اولان قانادلاری آلتیندا، ائنسان اَللری وار ائدی. دؤردونون ده اوزلری و قانادلاری وار ائدی.
[9] اونلارین قانادلاری بئر-بئرئنه توخونوردو؛ ائره‌لی گِدَرکَن اوزلری صاغا-سولا دؤنموردو، هر بئری اوز توتدوغو طرفه ائره‌لی‌له‌یئردی.
[10] اونلارین اوزلرئنئن شکئلئنه گلئنجه، هر بئرئنئن بئر ائنسان صئفتی وار ائدی؛ هر دؤردونون ده صاغ طرفئنده آصلان صئفتی، سول طرفئنده گامیش صئفَتی وار ائدی، و هر دؤردونون قارتال اوزو وار ائدی.
[11] اونلارین اوزلری بله ائدی. و قانادلاری یوخارییا طرف آچیلمیشدی؛ هر بئرئنئن ائکی قانادی یاندا او بئرئسئنئن ائکی قانادینا توخونوردو، هر بئرئسئنئن ائکی قانادی دا بدنئنی اؤرتوردو.
[12] هر بئری اوز توتدوغو طرفه ائره‌لی‌له‌یئردی؛ روح هارایا گدئردی، اونلار دا اورایا گِدئردئلر. ائره‌لی گِدَرکَن صاغا-سولا دؤنموردولر.
[13] بو جانلی‌لار آراسیندا بئر شی وار ائدی کی، یانار کؤز اودونا، گؤرونوشجه مشعل کئمی بئر شیه بَنزه‌یئردی. بو اود جانلی مخلوقلارین آراسیندا حرکت ادئردی. اود پاریلداییردی و اوندان شئمشک چاخیردی.
[14] جانلی مخلوقلار شئمشَک چیخان کئمی جلد او طرف-بو طرفه حرکت ادئردئلر.
[15] بو دؤرد اوزلو جانلی مخلوقلارا باخارکَن، گؤردوم کی، هر بئرئنئن یانیندا یِره دَیَن بئر چرخ وار.
[16] چرخلرئن گؤرونوشو و قورولوشو پاریلدایان زبرجد کئمی ائدی، دؤردو ده بئر-بئرئنه اوخشاییردی. اونلارین گؤرونوشو و قورولوشو اِله ائدی کی، اِله بئل، بئر چرخ او بئری چرخئن ائچئنده یِرلَشمئشدی.
[17] گتدئکلری زامان دؤرد طرفه ده گده بئلئردئلر. ائره‌لی گِدَرکَن صاغا-سولا دؤنموردولر.
[18] چرخلرئن کناری اوجا و قورخولو ائدی. دؤردونون ده ساغاناقلاری هر طرفدن گؤزلرله دولو ائدی.
[19] جانلی مخلوقلار هر طرفه گدئردئلر، چرخلر ده اونلارین یانیندا فیرلانیردیلار؛ جانلی مخلوقلار یردن قالخدیقجا چرخلر ده قالخیردی.
[20] روح هارایا گدئردی، اونلار دا اورایا گِدئردئلر؛ چرخلر ده اونلارلا برابر قالخیردی، چونکی جانلی مخلوقلارین روحو چرخلرده ائدی.
[21] اونلار ائره‌لی‌له‌یَنده، بونلار دا ائره‌لی‌له‌یئردی؛ اونلار دایاناندا بونلار دا دایانیردی؛ اونلار یردن قالخاندا، چرخلرده ده قالخیردی، چونکی جانلی مخلوقلارین روحو چرخلرده ائدی.
[22] یوخاری طرفده، جانلی مخلوقلارین باشی اوستونده، بولور کئمی پاریلدایان، گؤی قوبّه‌سئنه اوخشایان، هیبتلی بئر شی آچیلیردی.
[23] قوبّه‌نئن آلتیندا، هر جانلی مخلوق، قانادلارینی یانینداکی‌لارا طرف اوزادیردی و باشقا ائکی قانادلا دا بدنئنی اؤرتوردو.
[24] اونلار قاباغا گتدئکلری زامان، قانادلارینین گورولتوسونو اشئتدئم؛ اِله بئل گور سولارین سَسی، قادئری موطلقئن صداسی، گوجلو همهمه سَسی، قوشونون تاپّیلتیسی گلئردی؛ هارادا دایانیردیلار، قانادلارینی اِندئرئردئلر.
[25] باشلاری اوستونده‌کی قوبّه‌دن بئر سَس گلدی؛ هارادا دایانیردیلار، قانادلارینی اِندئرئردئلر.
[26] باشلاری اوستونده‌کی قوبّه‌نئن اوستونده لاجورد داشدان دوزَ‌لدئلمئش تخته اوخشار بئر شی وار ائدی. اوجادا، تخته اوخشایان شیئن اوستونده ائنسانا بَنزه‌ر بئر شخص وار ائدی.
[27] من گؤردوم کی، اونون بِلئندن یوخاری حئصّه‌سی، پاریلدایان دمئره اوخشاییردی و ائچی هر طرفدن آلوو کئمی ائدی. من اونون بِلئندن آشاغی گؤرونوشونو ده گؤردوم: سانکی بئر آلوو ائدی و اطرافیندا پاریلتی وار ائدی.
[28] یاغیش گونو بولوددا اولان رنگئن کامانینین گؤرونوشو نجه اولور، هر طرفدن گلن پاریلتینین گؤرونوشو ده اِله ائدی. بو، ربّئن شؤوکتئنه بَنزه‌ر بئر رؤیا ائدی. بونو گؤرنده من اوزو اوسته یِره ییخیلدیم و دانیشان بئر شخصئن سَسئنی اشئتدئم.