[1] اسئرلئیئمئزئن یدّئنجی ائلئنده، بِشئنجی آیین اونونجو گونو ائسرایئلئن بعضی آغساقّاللاری ربدن مصلحت آلماق اوچون گلئب قاباغیمدا اوتوردولار.
[2] منه ربّئن بو سؤزو نازئل اولدو:
[3] «ای بشر اوغلو، ائسرایئل آغساقّاللارینا دیئب بئلدئر کی، پروردئگار رب بله دیئر: ”آیا سئز مندن مصلحت آلماق اوچون گلدئنئز؟ وارلیغیما آند اولسون کی، مندن مصلحت آلماغی سئزه ائجازه ورمه‌یه‌جیم.“ پروردئگار رب بویورور.
[4] آیا اونلاری موحاکئمه اده‌جکسن، ای بشر اوغلو، موحاکئمه اده‌جکسن؟ اونلارا آتالارینین ائیرنج ائشلرئنی بئلدئرئب دِه کی،
[5] پروردئگار رب بله بویورور: ”او گون من ائسرایئلی سِچدئیئم زامان، یعقوب نسلئنئن اؤولادلارینا آند ائچدئم و مئصئر تورپاغیندا اؤزومو اونلارا آشکار اتدئم؛ اونلارا تارینیز رب منم دیئب آند ائچدئم.
[6] او گون اونلارا آند ائچدئم کی، اونلاری مئصئر تورپاغیندان او اؤلکه‌یه گتئرئم کی، اونلار اوچون نظرده توتموشدوم؛ بوتون اؤلکه‌لردن گؤزل اولان، سود و بال آخان اؤلکه‌یه.
[7] من اونلارا ددئم: سئزلردن هر بئرئنئز، گؤزونه خوش گلن ائیرنج شیلری آتسین. اؤزونوزو مئصئر بوتلری ائله نجئسلَمه‌یئن، تارینیز رب منم.
[8] آمّا اونلار منئم ضئدّئمه عاصی اولدولار و قولاق آسماق ائستمه‌دئلر. هچ بئری گؤزونه خوش گلن ائیرنج شیلری آتمادی و مئصئر بوتلرئندن اَل چکمه‌دی. اونا گؤره من ددئم: مئصئر تورپاغیندا قضبئمی اوستلرئنه تؤکه‌جیم، حدسئز قِیضئمی اونلارا گؤرسده‌جیم.
[9] آنجاق من اؤز آدیمین خاطئرئنه اِله اتدئم کی، آرالاریندا یاشادیقلاری مئلّتلرئن گؤزونده آدیم لَکه‌لَنمه‌سئن، چونکی بو مئلّتلرئن گؤزو قاباغیندا ائسرایئل اؤولادلارینی مئصئردن چیخارتماقلا اؤزومو اونلارا گؤرستدئم.
[10] بونا گؤره اونلاری مئصئر تورپاغیندان چیخاردیب صحرایا گتئردئم.
[11] اونلارا قایدالاریمی ورئب حؤکملرئمی بئلدئردئم کی، اونلارا عمل ادن هر کس، اونلارین واسئطه‌سی‌ائله یاشایار.
[12] بوندان علاوه، اونلارا اؤز سَبّت گونلرئمی ده وردئم کی، منئمله اونلارین آراسیندا علامت اولسون و بئلسئنلر کی، من، اونلاری تقدئس ادن ربّم.
[13] لاکئن ائسرایئل نسلی صحرادا منئم ضئدّئمه عوصیان قالدیردیلار. قایدالاریما گؤره رفتار اتمه‌دئلر، حؤکملرئمی ردّ اتدئلر کی، اونلارا عمل ادن هر کس، اونلارین واسئطه‌سی‌ائله یاشایار. اونلار منئم سَبّت گونلرئمی ده نجئس اتدئلر. او واخت ددئم: صحرادا قضبئمی اونلارین اوستلرئنه تؤکه‌جیم کی، اونلاری کامئل محو اِدئم.
[14] آنجاق من اؤز آدیمین خاطئرئنه اِله اتدئم کی، مئلّتلرئن گؤزونده آدیم لَکه‌لَنمه‌سئن، چونکی بو مئلّتلرئن گؤزو قاباغیندا ائسرایئل اؤولادلارینی مئصئردن چیخارتمیشدیم.
[15] بوندان علاوه، صحرادا اونلارا آند ائچدئم کی، اونلاری بوتون اؤلکه‌لردن گؤزل اولان، اونلارا وردئیئم سود و بال آخان تورپاغا گتئرمیه‌جیم.
[16] چونکی اونلار حؤکملرئمی ردّ اتدئلر، قایدالاریما گؤره رفتار اتمه‌دئلر و سَبّت گونلرئمی ده نجئس اتدئلر؛ اونا گؤره کی، اونلارین اورَکلری بوتلرئنه طرف چکئلئردی.
[17] آنجاق منئم اونلارا یازیغیم گلدی، اونلاری هلاک اتمه‌دئم و صحرادا قیریب تؤکمه‌دئم.
[18] صحرادا اونلارین اؤولادلارینا ددئم: آتالارینیزین قایداسینا گؤره رفتار اتمه‌یئن، حؤکملرئنی رئعایت اتمه‌یئن و اونلارین بوتلری ائله اؤزونوزو نجئسلَمه‌یئن.
[19] تارینیز رب منم؛ منئم قایدالاریما گؤره رفتار ادئن و دئقّت ادئن کی، منئم حؤکملرئمدن ائطاعت اده‌سئنئز.
[20] سَبّت گونلرئمی موقدّس ساخلایین کی، منئمله سئزئن آرانیزدا علامت اولسون و بئله‌سئنئز کی، تارینیز رب منم.
[21] لاکئن اؤولادلار دا منئم ضئدّئمه عوصیان قالدیردیلار. قایدالاریما گؤره رفتار اتمه‌دئلر. حؤکملرئمدن ائطاعت اتمیه دئقّت اتمه‌دئلر کی، اونلارا عمل ادن هر کس اونلارین واسئطه‌سی‌ائله یاشایار؛ اونلار منئم سَبّت گونلرئمی ده نجئس اتدئلر. اونا گؤره من ددئم: صحرادا قضبئمی اوستلرئنه تؤکه‌جیم و حدسئز قِیضئمی اونلارا گؤرسده‌جیم.
[22] آنجاق من اونلاردان اَل گؤتوردوم و بونو اؤز آدیمین خاطئرئنه اتدئم کی، مئلّتلرئن گؤزونده آدیم لَکه‌لَنمه‌سئن. چونکی بو مئلّتلرئن گؤزو قاباغیندا ائسرایئل اؤولادلارینی چیخارتمیشدیم.
[23] بوندان علاوه، صحرادا اونلارا آند ائچئب ددئم کی، اونلاری مئلّتلر آراسینا یایاجاغام، اونلاری اؤلکه‌لر آراسینا سَپه‌لَیه‌جیم.
[24] چونکی منئم حؤکملرئمدن ائطاعت اتمه‌دئلر، قایدالاریمی ردّ اتدئلر، سَبّت گونلرئمی نجئس اتدئلر و گؤزلری آتالارینین بوتلرئنه دئکئلدی.
[25] من ده اونلارا خیئرلی اولمایان قایدالار و حیات وره بئلمه‌یَن حؤکملر وردئم.
[26] ائمکان وردئم کی، هر ائلک دوغولان اؤولادی اوددان کچئرتسئنلر و قوربان اتدئکلری هدئیّه‌لرله اؤزلرئنی نجئسله‌سئنلر. بونو اتدئم کی، اونلار دهشته گلئب بئلسئنلر کی، رب منم.“
[27] بونا گؤره، ای بشر اوغلو، ائسرایئل نسلئنه دانیش و اونلارا دِه کی، پروردئگار رب بله دیئر: ”آتالارینیز بوندا دا خیانت اده‌رک منه کوفر ددئلر.
[28] من اونلاری، وره‌جیئم حاقدا آند ائچدئیئم تورپاغا گتئرندن سونرا، هر اوجا تپه‌نی گؤردوکده، هر سیخ یارپاقلی آغاجی گؤردوکده، قوربانلارینی اورادا کَسدئلر، منئم قضبئمه سبب اولان قوربانلارینی اورادا تقدئم اتدئلر؛ عطئرلی تقدئملرئنی اورادا گؤیه قالدیردیلار و مایع تقدئملرئنی اورادا سَپدئلر.
[29] اونا گؤره من اونلارا ددئم: گتدئیئنئز پرستئشگاهلار نه‌دئر؟ بونا گؤره اونا ائندئیه قدر باما دیئلئر.“
[30] بونا گؤره ده ائسرایئل نسلئنه دِه کی، پروردئگار رب بله دیئر: ”سئز مگر آتالارینیزین یولو ائله گده‌جکسئنئز و اونلارین ائیرنج ائشلری ائله عئفّتسئزلئک ادئب اؤزونوزو مگر نجئس اده‌جکسئنئز؟
[31] او زامان کی، هدئیّه‌لرئنئزی تقدئم ادئب اوغوللارینیزی اوددا قوربان ادئرسئنئز، اؤزونوزو بوتون بوتلرئنئزله بو گونه قدر نجئس ادئرسئنئز. حله بونونلا دا مندن مصلحت آلماغا گلئرسئنئز، ای ائسرایئل نسلی؟“ پروردئگار رب بویورور: ”وارلیغیما آند اولسون کی، مندن سوروشماغینیزا ائجازه ورمه‌یه‌جیم.
[32] فئکرئنئزده اولان شی هچ واخت باش ورمه‌یه‌جک. سئز دیئرسئنئز: مئلّتلر، یاداِللی طایفالار کئمی، گلئن! بئز ده آغاجا و داشا سئتایئش اده‌جیئک.“
[33] پروردئگار رب بویورور: ”وارلیغیما آند اولسون کی، سئزئن اوستونوزده قووّتلی اَل‌له، اوزانان قول‌لا و گوجلو قضبله قطعن پادشاهلیق اده‌جیم.
[34] من سئزی قووّتلی اَل‌له، اوزانان قول‌لا و گوجلو قضبله خالقلار آراسیندان چیخارداجاغام، سَپه‌لَندئیئنئز اؤلکه‌لردن سئزی بئر یِره ییغاجاغام.
[35] سئزی خالقلارین صحراسینا گتئرئب اورادا سئزی اوز-اوزه موحاکئمه اده‌جیم.
[36] آتالارینیزی مئصئر تورپاغینین صحراسیندا نجه موحاکئمه اتدئم، سئزی ده اِله‌جه موحاکئمه اده‌جیم،“ پروردئگار رب بله بویورور.
[37] ”سئزی عصانین آلتیندان کچئردئب سئزی عهد آلتینا سالاجاغام.
[38] سئزئن آرانیزدان منئم ضئدّئمه عاصی اولانلاری و گوناه ادنلری آییراجاغام. اونلاری مووقّتی قالدیقلاری اؤلکه‌دن چیخارداجاغام، آمّا ائسرایئل تورپاغینا گئرمیه‌جکلر. او واخت بئله‌جکسئنئز کی، رب منم.“
[39] پروردئگار رب بله دیئر: ”سئز، ای ائسرایئل نسلی، گدئن، هر بئرئنئز اؤز بوتلرئنئزه قوللوق ادئن. آنجاق بوندان سونرا منه قولاق آساجاقسینیز، هدئیّه‌لرئنئز و بوتلرئنئزله بئر داها موقدّس آدیمی لَکه‌لَمَیه‌جکسئنئز.“
[40] پروردئگار رب بویورور: ”موقدّس داغیم اولان ائسرایئلئن اوجا داغیندا، همئن اؤلکه‌ده هامی-بوتون ائسرایئل نسلی منه قوللوق اده‌جک. اورادا اونلاری قبول اده‌جیم، اورادا بوتون موقدّس شیلرئنئزله بئرلئکده، تقدئملرئنئزی و لاپ سِچمه هدئیّه‌لرئنئزی سئزدن قبول اده‌جیم.
[41] سئزی خالقلار آراسیندان چیخارتدیغیم و سَپه‌لَندئیئنئز اؤلکه‌لردن ییغدیغیم زامان، عطئرلی تقدئم کئمی سئزدن راضی اولاجاغام. مئلّتلرئن گؤزو قاباغیندا سئزئن آرانیزدا تقدئس اولوناجاغام.
[42] سئزی ائسرایئل تورپاغینا، آتالارینیزا ورمه‌سئنی آند ائچدئیئم تورپاغا گتئردئیئم زامان بئله‌جکسئنئز کی، رب منم.
[43] اورادا عمل‌لرئنئزی و بوتون ائشلرئنئزی کی، اونلارلا اؤزونوزو نجئس اتدئنئز، یادا سالاجاقسینیز. اتدئیئنئز بوتون پئسلئکلره گؤره اؤزونوزدن ائیره‌نه‌جکسئنئز.
[44] ای ائسرایئل نسلی، او زامان کی، سئزئنله پئس عمل‌لرئنئزه موطابئق یوخ، فاسئد ائشلرئنئزه موطابئق یوخ، اؤز آدیمین خاطئرئنه سئزئنله رفتار ادئرم، بئله‌جکسئنئز کی، رب منم.“ پروردئگار رب بله بویورور.»
[45] منه گئنه ربّئن سؤزو نازئل اولدو:
[46] «ای بشر اوغلو، اوزونو جنوبا طرف چِوئر؛ جنوبون ضئدّئنه دانیش و نِگِب مِشه‌سئنئن ضئدّئنه نبئلئک ات.
[47] نِگِب مِشه‌سئنه دِه کی، ربّئن سؤزونو اشئت: پروردئگار رب بله دیئر: ”باخ، من سنئن ائچئنده بئر اود یاندیراجاغام و بو اود سنده اولان بوتون یاشیل و قورو آغاجلاری یاندیریب یاخاجاق. آلیشان آلوو سؤنمیه‌جک، بوتون اوزلر جنوبدان شئمالا قدر اوددا قوورولاجاق.
[48] بوتون بشر گؤره‌جک کی، اودو آلیشدیران، من رَبّم و او، سؤنمیه‌جک.“»
[49] او واخت من ددئم: «آه، ای پروردئگار رب! اونلار منئم باره‌مده دیئرلر: ”مگر بو آدام اِله مثل‌لرله دانیشان دیئل؟“»