[1] منه ربّئن بو سؤزو نازئل اولدو:
[2] «ای بشر اوغلو، اوزونو عَمّون اؤولادلارینا طرف چِوئر و اونلارین ضئدّئنه نبئلئک ات.
[3] عَمّون اؤولادلارینا دِه: پروردئگار ربّئن سؤزونو اِشئدئن. پروردئگار رب بله دیئر: ”سئز موقدّس مکانیم لَکه‌لَنَنده، ائسرایئل تورپاغی وئران ادئلَنده و یهودا نسلی اسئرلئیه گدنده ددئنئز: نه یاخشی!
[4] بونا گؤره ده من سئزی شرق خالقلارینین اَلئنه ورئرم کی، سئزه مالئک اولسونلار. اونلار تورپاغینیزدا یورد سالاجاقلار، چادیر قوراجاقلار. میوه‌لرئنئزی اونلار یئیه‌جک، سودونوزو اونلار ائچه‌جک.
[5] رَبّانی دَوه‌لر اوچون اوتلاغا، عَمّون اؤولادلارینین تورپاغینی سورولر اوچون آغیلا چِوئره‌جیم. او واخت بئله‌جکسئنئز کی، رب منم.“
[6] پروردئگار رب بله دیئر: ”ائندی کی، سئز اَل‌لرئنئزی بئربئرئنه چیرپیب آیاقلارینیزی یِره دؤیدونوز و ائسرایئل تورپاغینی تحقئر ادئب فلاکتئنه بوتون اوره‌یئنئزله سِوئندئنئز،
[7] من ده اَلئمی سئزئن ضئدّئنئزه اوزاتمیشام و سئزی قارت مالی کئمی مئلّتلره وره‌جیم. خالقلار سیراسیندان سئزی سئلئب آتاجاغام، اؤلکه‌لر ائچئندن سئزی یوخ ادهجیم؛ سئزی محو ادهجیم. او واخت بئله‌جکسئنئز کی، رب منم.“
[8] پروردئگار رب بله دیئر: ”موآب و سِعئر خالقی دیئر کی، باخ، یهودا نسلئنئن باشقا خالقلاردان فرقی یوخدور.
[9] بونا گؤره ده من موآبین سرحدئنی آچیب اؤلکه‌نئن شؤهرتی اولان سرحد شهرلرئنی، بِیت‌یِشئموتو، بَعَل-مِعونو و قئریاته‌یئمی مودافئعه‌سئز قویاجاغام.
[10] اونلاری عَمّونلولارلا بئرلئکده شرق خالقلارینا وره‌جیم، اِله کی، عَمّونلولار مئلّتلر آراسیندا بئر داها خاطیرلانمایاجاقلار.
[11] بله‌جه موآب خالقینی موحاکئمه ادهجیم. او واخت بئله‌جکلر کی، رب منم.“
[12] پروردئگار رب بله دیئر: ”اِدوم قئصاص آلاراق یهودا نسلی ائله پئس رفتار اتدی، اونلاردان ائنتئقام آلاراق بؤیوک خاطایا باتدی.“
[13] بونا گؤره ده پروردئگار رب بله دیئر: ”اِدوم تورپاغینا اَلئمی اوزادیب ائنسانی دا، حیوانی دا اورادان سئلئب آتاجاغام. اؤلکه‌نی وئران ادهجیم؛ تِیماندان دِدانا قدر قیلینجلا وورولوب هلاک اولاجاقلار.
[14] من خالقیم ائسرایئل واسئطه‌سی‌ائله اِدومدان اؤز قئصاصیمی آلاجاغام. ائسرایئللی‌لر اِدومدا قضب و حئدّتئمه موطابئق رفتار اده‌جکلر. بله‌جه اِدوملولار منئم قئصاصیمین نه اولدوغونو آنلایاجاقلار.“ پروردئگار رب بله بویورور.
[15] پروردئگار رب بله دیئر: ”فئلئسطلی‌لر یهودادان قئصاص آلاراق پئس رفتار اتدئلر، اورَکلرئنده‌کی ابدی عداوتله، تحقئرله اونو یِرله بئر ادئب ائنتئقام آلدیلار.“
[16] بونا گؤره ده پروردئگار رب بله دیئر: ”باخ، من اَلئمی فئلئسطلی‌لرئن ضئدّئنه اوزاداجاغام، حتّا کِرِتلی‌لری ده سئلئب آتاجاغام، دهنز ساحئلئنده یاشایانلاردان سالامات قالانلاری محو ادهجیم.
[17] اونلاری شئدّتله تنبه ادئب بؤیوک قئصاصلار آلاجاغام. اونلاردان قئصاص آلاندا بئله‌جکلر کی، رب منم.“»