[1] او آدام منی شرقه باخان دروازانین یانینا گتئردی.
[2] من گؤردوم کی، شرق یولوندان ائسرایئل تاریسینین عئزّتی گلئر. اونون سَسی گور آخان سولارین سَسی کئمی ائدی، عئزّتئندن یِر پاریلداییردی.
[3] گؤردویوم رؤیا او گؤرونتویه بَنزه‌یئردی کی، تاری، شهری محو اتمه‌یه گلدئیی واخت گؤرموشدوم؛ کِبار چایی قیراغیندا گؤردویوم گؤرونتو کئمی. من بو زامان اوزو اوسته یِره ییخیلدیم.
[4] ربّئن عئزّتی شرقه باخان دروازانین یولوندان معبده گئردی.
[5] روح منی قالدیریب ائچه‌ری حیطه گتئردی. من گؤردوم کی، ربّئن عئزّتی معبدی دولدوروب.
[6] آدام یانیمدا دورارکَن معبددن بئر نفرئن سَسئنی اشئتدئم کی، منئمله دانیشیردی.
[7] او منه بله ددی: «ای بشر اوغلو، تَختئمئن یِری، آیاقلاریمین دابانلاری دَیَن، ائسرایئل اؤولادلاری آراسیندا ابدی یاشایاجاغیم یِر بورادیر. بوندان سونرا ائسرایئل خالقی ائله پادشاهلاری فاحئشه‌لئکلری ائله، اؤلَن پادشاهلارین جسدلری ائله بئر داها موقدّس آدیمی نجئسله‌مَیه‌جکلر.
[8] اونلار آستانالارینی آستاناما، قاپیلارینین یان تاختالارینی قاپیمین یان تاختالارینا بئتئشدئردئلر. منئمله اونلارین آراسیندا فقط بئر دووار وار ائدی. اتدئکلری نجئس ائشلری ائله موقدّس آدیمی نجئسله‌دئلر. من ده قضبئم ائله اونلاری قیریب تؤکدوم.
[9] ائندی قوی زئنالارینی، پادشاهلارینین جسدلرئنی مندن اوزاقلاشدیرسینلار، من ده ابده‌جک اونلارین آراسیندا یاشایارام.
[10] سن، ای بشر اوغلو، بو معبدی ائسرایئل نسلئنه توصئف ات کی، تقصئرلرئندن اوتانسینلار و معبدئن نقشه‌سئنی اؤلچسونلر.
[11] اگر اتدئکلری بوتون ائشلردن اوتانیرلار، اوندا معبدئن شَکلئنی، نئظامینی، چیخیش-گئرئش یِرلرئنی-بوتون شکئل‌لرئنی، بوتون قایدالارینی، قورولوشلارینی و قانونلارینی اونلارا بئلدئر. اونلارین گؤزو قاباغیندا بونلاری بئر یِره یاز. قوی بوتون قورولوش و قایدالارینا عمل ادئب اونلاری یرئنه یتئرسئنلر.
[12] معبدئن قانونو بودور: داغین باشیندا هر طرفدن اونون بوتون اَراضئسی چوخ موقدّس اولاجاق. بلی، معبدئن قانونو بودور.
[13] قوربانگاهین قول‌آچلا اؤلچولری بله‌دئر. هر قولاچا بئر اوووج علاوه ادئلمئشدئر: قوربانگاهی اَحاطه‌یه آلان خَنده‌یئن درئنلئیی بئر قول‌آچ، اِنی بئر قول‌آچ، اطرافینداکی چیخینتی بئر قاریش اولاجاق. قوربانگاهین بویو دا بله‌دئر:
[14] قوربانگاهین یرده‌کی خَندَقدن آلت چیخینتی‌یا قدرکی حئصّه‌سئنئن بویو ائکی قول‌آچ، اِنی بئر قول‌آچ، کئچئک چیخینتیدان بؤیوک چیخینتی‌یا قدرکی حئصّه‌نئن بویو دؤرد قول‌آچ، اِنی بئر قول‌آچ،
[15] قوربانگاهین قوربان یاندیریلان اوست حئصّه‌سئنئن بویو دؤرد قول‌آچ اولاجاق. اوست حئصّه‌دن یوخارییا طرف دؤرد بوینوز اوزاناجاق.
[16] قوربانگاهین اوست حئصّه‌سی دؤردبوجاقلی شَکلئنده اولاجاق. اونون اوزونلوغو اون ائکی، اِنی اون ائکی قول‌آچ اولاجاق.
[17] اوست چیخینتینین دؤرد طرفدن اوزونلوغو و اِنی هر بئری اون دؤرد قول‌آچ اولاجاق. اطرافینداکی کنار یاریم قول‌آچ، خَنده‌یئن دؤوره‌سی بئر قول‌آچ اولاجاق. قوربانگاهین پئلّه‌کَنلری شرقه باخاجاق.»
[18] او آدام منه ددی: «ای بشر اوغلو، پروردئگار رب بله دیئر: ”قوربانگاه تئکئله‌جَیی گون، اوستونده یاندیرما قوربانلاری گتئرمک و قان تؤکمَک باره‌ده اولان قایدالار بله‌دئر.
[19] منه خئدمت اتمک اوچون حوضوروما چیخان، صادوق نسلئندن لاوئلی کاهئنلره گوناه قوربانی اولاراق جاوان بئر گامیش ور“ پروردئگار رب بله بویورور.
[20] ”گامیشین قانیندان گؤتوروب قوربانگاهین دؤرد بوینوزونا، اوست چیخینتینین دؤرد کونجونه و اطرافینداکی کنارین اوستونه سورت. بله‌جه قوربانگاهی تمئز ادئب اونون اوچون کفّاره ات.
[21] گوناه قوربانی اولاراق گامیشی گؤتوروب موقدّس مکاندان کناردا، معبدئن تعیئن ادئلمئش یِرئنده یاندیر.
[22] ائکئنجی گون گوناه قوربانی اولاراق قوصورسوز بئر اِرکَک کِچی تقدئم ات. قوربانگاه گامیشین قانی ائله تمئز ادئلدئیی کئمی کِچئنئن قانی ائله ده تمئز ادئلسئن.
[23] پاک اتمک ائشئنی قورتاراندان سونرا قوصورسوز جاوان بئر گامیش ائله سورودن قوصورسوز بئر قوچ قوربان گتئر.
[24] اونلاری ربّئن حوضورونا گتئر. کاهئنلر اونلارین اوستونه دوز سَپئب ربّه یاندیرما قوربانی اولاراق تقدئم اتسئنلر.
[25] یدّی گونون گوناه قوربانی اولاراق، هر گون بئر اِرکَک کِچی حاضیرلا. قوصورسوز جاوان بئر گامیشلا سورودن بئر قوچ دا حاضیرلانسین.
[26] قوی یدّی گون قوربانگاه اوچون کفّاره اتسئنلر، اونو تمئز ادئب تقدئس اتسئنلر.
[27] یدّی گون تاماملانان سونرا، کاهئنلر سکّئزئنجی گون و اوندان سونرا یاندیرما و باریش قوربانلارینیزی قوربانگاهین اوستونده تقدئم اتسئنلر. او زامان سئزدن راضی اولاجاغام.“ پروردئگار رب بویورور.»