[1] ائسرایئل اؤولادلارینین آدلاری کی، عایئله‌لری ائله، یعقوبلا بئرلئکده مئصئره گلدئلر، بونلار ائدی:
[2] رِعوبئن، شَمعون، لاوی، یهودا،
[3] یئسّاکار، زِبولون، بِنیامئن،
[4] دان، نَفتالی، جاد، آشِر.
[5] یعقوبون نسلئندن گلنلر یتمئش نفر ائدئلر. یوسئف آرتیق مئصئرده ائدی.
[6] یوسئف اؤلدو، قارداشلاری و او نسلئنئن هامیسی دا اؤلدولر.
[7] لاکئن ائسرایئل اؤولادلاری آرتدیلار، تؤره‌یئب چوخالدیلار، چوخ قووّتلی اولدولار، و اؤلکه اونلارلا دولوب داشدی.
[8] مئصئرده تزه بئر پادشاه تخته چیخدی کی، یوسئفی تانیمیردی.
[9] او، خالقینا ددی: «باخین، ائسرایئل خالقی ساییجا بئزدن چوخ و داها قووّتلی‌دئر.
[10] گلئن اونلارلا اولان رفتاریمیزدا حئکمتلی اولاق، مبادا چوخالسینلار و موحارئبه واختی دوشمنلرئمئزله بئرله‌شئب، بئزه ضئدّ ووروشسونلار و اؤلکه‌نی ترک اتسئنلر.»
[11] بله‌جه مئصئرلی‌لر ائسرایئل اؤولادلارینین اوستونه ائش نظارتچئلری قویدولار کی، آغیر ائشلرله اونلاری ذلئل اتسئنلر. ائسرایئل اؤولادلاری فئرعون اوچون پئتوم و رَعمِسِس آدلانان شهرلر تئکدئلر کی، اونون آنبارشهرلری ائدی.
[12] آمّا مئصئرلی‌لر ائسرایئل اؤولادلارینا نه قدر اذئیّت وردئلر، اونلار او قدر چوخالیب یاییلدیلار. اونا گؤره ده ائسرایئل اؤولادلاریندان دهشته دوشوب،
[13] اونلاری آمانسیزجا چالیشدیردیلار.
[14] اونلارین حیاتلارینی پالچیق و کرپئج کئمی آغیر ائشلرله آجی اتدئلر و هر جور زمی ائشلری و آغیر زحمتلرله ائسرایئل اؤولادلارینین حیاتلارینی زهر اتدئلر.
[15] او زامان مئصئر پادشاهی، شئفرا و پوعا آدلانان عئبرانی مامالارلا دانیشیب،
[16] اونلارا ددی: «عئبرانی آروادلارینی دوغوزدوراندا، دوغوم صَندلئسئنده باخین: اگر اوشاق اوغلان اولسا، اونو اؤلدورون، آمّا اگر قیز اولسا، قویون یاشاسین.»
[17] آمّا مامالاردا تاری قورخوسو وار ائدی. بونا گؤره ده مئصئر پادشاهینین اونلارا امر اتدئیی کئمی اتمه‌دئلر و اوغلان اوشاقلارینی صاغ بوراخدیلار.
[18] بله‌جه مئصئر پادشاهی مامالاری چاغیرتدیریب، اونلارا ددی: «نئیه بله ادئبسئنئز؟ نئیه اوغلان اوشاقلارینی صاغ بوراخیبسینیز؟»
[19] مامالار فئرعونا جاواب وردئلر: «چونکی عئبرانی آروادلار، مئصئرلی آروادلار کئمی دیئللر. اونلار داها گوجلودورلر و ماما گلمه‌دن دوغورلار.»
[20] تاری مامالارا یاخشیلیق اتدی و خالق چوخالیب، داها قووّتلندی.
[21] مامالارین تاریدان قورخدوقلارینا گؤره، تاری بو مامالارا دا عایئله نصئب اتدی.
[22] او واخت فئرعون بوتون خالقینا امر ادئب ددی: «عئبرانئلردن دوغولان هر اوغلان اوشاغی گرک نئل چایینا آتیلسین! و قیز دوغولان هر اوشاغی گرک دئری ساخلایاسینیز.»