[1] موسا ائسرایئل اؤولادلارینین بوتون جاماعاتینی ییغیب اونلارا ددی: «رب سئزه امر اتدی کی، بو شیلره عمل اده‌سئنئز.
[2] آلتی گون ائش گؤرولسون، آمّا یدّئنجی گون سئزئن رب اوچون موقدّس سَبّتئنئز، ائستئراحت گونونوزدور. او گون ائش گؤرَن هر کس اؤلدورولسون.
[3] سَبّت گونو یاشادیغینیز هچ بئر یرده اود یاندیرمایین.»
[4] موسا ائسرایئل اؤولادلارینین بوتون جاماعاتینا ددی: «ربّئن امر اتدئیی ائش بودور:
[5] اؤز آرانیزدان ربّه بئر هدئیّه ییغین. قوی گؤیلو ائسته‌ین هر کس ربّه بله هدئیّه گتئرسئن: قیزیل، گوموش، بورونج،
[6] لاجورد، ارغوانی و قیرمیزی پارچا، نازئک کتان، کچی توکو،
[7] قیرمیزی بویانمیش قوچ دَرئلری، سو ائتی دَرئلری، اَقاقئیا آغاجی،
[8] چیراق اوچون یاغ، مسح یاغی و عطئرلی بوخور اوچون اَدوئیّه‌لر،
[9] اِفودلا دؤشلویون اوستونه تاخیلان دامارلی عقئق و ساغاناق داشلاری.
[10] آرانیزداکی اوره‌یی حئکمتله دولو هر آدام گلئب ربّئن نه امر اتدئیئنی دوزَلتسئن:
[11] خیمه‌نی، اونون چادیرینی، اؤرتویونو، گئره‌لرئنی، چَرچئوه‌لرئنی، دئرَکلرئنی، سوتونلارینی و آلتلیقلارینی؛
[12] ساندیغی و اونون دئرَکلرئنی؛ کفّاره قاپاغینی، آراکَسمه پرده‌نی؛
[13] مئزی، اونون دئرَکلرئنی و بوتون لوازئماتینی؛ تقدئس چؤرکلرئنی؛
[14] ائشیق ورن چیراقدانی، اونون لوازئماتینی، چیراقلارینی و ائشیق یاغینی؛
[15] بوخور قوربانگاهینی و دئرَکلرئنی؛ مسح یاغینی، عطئرلی بوخورو؛ خیمه‌نئن گئرئشی اوچون آراکَسمه‌نی؛
[16] یاندیرما قوربانلاری اوچون قورولان قوربانگاهی، اونون اوچون بورونج تورو، دئرَکلرئنی و بوتون لوازئماتینی؛ بؤیوک لَیَنی و اونون آلتلیغینی؛
[17] حیطئن پرده‌لرئنی، سوتونلارینی و آلتلیقلارینی؛ حیطئن دروازاسی اوچون آراکَسمه‌نی؛
[18] خیمه‌نئن میخلارینی؛ حیطئن میخلارینی؛ اونلارین ائپلرئنی؛
[19] موقدّس یرده خئدمت اوچون توخونموش پالتارلاری: کاهئن هارونون موقدّس پالتارلارینی و اوغوللارینین کاهئنلئک اتمه پالتارلارینی.»
[20] ائسرایئللی‌لرئن بوتون جاماعاتی موسانین یانیندان چیخدی.
[21] اوره‌یئنه قویولان و گؤیلو ائسته‌ین هر آدام گلئب حوضور چادیرینداکی ائش اوچون، اونون بوتون خئدمتی و موقدّس پالتارلار اوچون ربّه هدئیّه گتئردی.
[22] کئشئلر و آروادلار، گؤیلو ائسته‌یَنلرئن هامیسی بزکلی سانجاقلار، گوشوارالار، اوزوکلر، گردنبندلر کئمی بوتون قیزیل اشیالارینی، ربّه تقدئم کئمی گتئردئلر. ربّه هدئیّه قیزیل تقدئم ادن هر کس
[23] کئمده لاجورد، ارغوانی و قیرمیزی پارچا، نازئک کتان، کچی توکو، قیرمیزی بویانمیش قوچ دَرئلری و سو ائتی دَرئلری وار ائدی، بونلاری تقدئم اتدی.
[24] ربّه هدئیّه اولاراق گوموش و بورونج گتئرن هر کس ده اونو تقدئم اتدی؛ کئمده اَقاقئیا آغاجی وار ائدی، اونو خئدمت ائشی اوچون تقدئم اتدی.
[25] اوره‌یی حئکمتله دولو بوتون آروادلار اؤز اللری ائله اَیئردئیی لاجورد، ارغوانی و قیرمیزی ائپلئک و نازئک کتان ائپلئیی تقدئم اتدئلر؛
[26] اورَکلردن بو ائشی گؤرمک ائسته‌ین باجاریقلی آروادلار کچی توکو اَیئردئلر.
[27] خالقین باشچیلاری بونلاری تقدئم اتدئلر: اِفودلا دؤشلویون اوستونه تاخیلان دامارلی عقئق و ساغاناق داشلارینی،
[28] چیراق، مسح یاغی و عطئرلی بوخور اوچون اَدوئیّه‌لر و یاغی.
[29] ائسرایئل اؤولادلاریندان هر کئشی و آرواد کی، ربّئن موسا واسئطه‌سی‌ائله امر اتدئیی نه ائش اوچون تقدئم اتمک ائسته‌یئردی، ربّه اؤز گؤیلو ائله تقدئم گتئردی.
[30] موسا ائسرایئل اؤولادلارینا ددی: «باخین، رب یهودا قبئله‌سئندن خور اوغلو اوری اوغلو بِصه‌لِه‌لی آدی ائله چاغیریب
[31] و اونو تارینین روحو ائله، باجاریق، فراست، بئلئک و هر جور مهارتله دولدوروب کی،
[32] او، قیزیللا، گوموشله، بورونجله باجاریقلا ائشله‌سئن،
[33] سیغیناقلار اوچون داش-قاش یونسون، آغاج اویسون، هر جور مهارتله باجاریق گؤرسده بئلسئن.
[34] رب اونون و دان قبئله‌سئندن اَخئساماک اوغلو اوهولئبانین اورَکلرئنه بو باجاریغی قویوب کی، باشقالارینی دا اؤیرَتسئنلر.
[35] اورَکلرئنی حئکمتله دولدوروب کی، اویماچیلیق، ناخیشچیلیق، لاجورد، ارغوانی و قیرمیزی پارچادا و نازئک کتاندا ناخیش تئکمه‌سی، توخوجولوق، و هر جور صَنَت باجارا بئلسئنلر.