[1] او واخت موسا ددی: «بلکه اونلار منه ائنانماییب، سؤزومه قولاق آسمایالار؟ مومکوندور دئیه‌لر: ”رب سنه گؤرونمه‌یئب!“ او زامان نه؟!»
[2] رب موسادان سوروشدو: «سنئن اَلئنده‌کی نه‌دئر؟» او جاواب وردی: «دَیَنَک.»
[3] رب ددی: «اونو یره آت.» موسا اونو یره آتدی و دَیَنَک ائلان اولدو. موسا اونون قاباغیندان قاچدی.
[4] لاکئن رب موسایا ددی: «اَلئنی اوزادیب اونون قویروغوندان توت.» موسا اَلئنی اوزادیب توتاندا، او گئنه اَلئنده دَیَنَک اولدو.
[5] سونرا رب ددی: «بونو ات کی، ائنانسینلار آتالاری ائبراهئمئن، ائسحاقین، و یعقوبون تاریسی رب سنه گؤرونوبدور.»
[6] رب گئنه موسایا ددی: «ائندی اَلئنی قوینونا قوی.» موسا اَلئنی قوینونا قویدو. اونو قوینوندان چیخارداندا، باخ، اَلی جوذام مرضئنه توتولوب، قار کئمی آغاپّاق اولموشدو.
[7] سونرا رب ددی: «اَلئنی گئنه قوینونا قوی.» موسا گئنه اَلئنی قوینونا قویدو؛ اَلئنی قوینوندان گؤتورنده، اَلی گئنه ده اوّلکی کئمی اولدو.
[8] رب داوام وردی: «اگر سنه ائنانماسالار و اَوّلکی علامتی قبول اتمه‌سه‌لر، آخیرکی علامتی قبول اده‌جکلر.
[9] آمّا اگر بو ائکی علامته ده ائنانماییب، سؤزونه قولاق آسماسالار، نئل چایینین سویوندان گؤتوروب، قورویا تؤک. چایدان گؤتوردویون سو، قورودا قانا دؤنه‌جک.»
[10] موسا ربّه ددی: «آمان ای پروردئگار! من هچ واخت فصئح دانیشان بئری اولمامیشام، نه بو یاخینلاردا، نه کچمئشده، نه ده بو نؤکرئنله دانیشدیغین زاماندان بَری. دئلئم توتولور، پلتک بئر آدامام.»
[11] او واخت رب اونا ددی: «کئم ائنسانا آغیز یارادیب؟ کئم ائنسانی لال یا دا کار ادئر؟ کئم ائنسانی گؤزلو یا دا کور ادئر؟ بونو ادن، مگر من رب دیئلم؟
[12] ائندی گت، من، بلی من، سنئن آغزینلا دانیشاجاغام و دئیه‌جَیئن سؤزو سنه اؤیرَده‌جیم.»
[13] لاکئن موسا ددی: «آمان ای پروردئگار! نه اولور، سؤزونو آیری بئر آداملا گؤندَر.»
[14] او زامان رب موسایا قضبله‌نئب ددی: «قارداشین لاوئلی هارون مگر یوخدور؟ بئلئرم کی، دانیشیقدا فصئح بئر آدامدیر. باخ، سنئن پئشوازینا گلئر. سنی گؤرنده اورَکدن سوئنه‌جک.
[15] قارداشینلا گرک دانیشاسان. نه دمک لازیمدیر، اونا باشا سال. و من، بلی من، سنئن و اونون آغزی ائله دانیشاجاغام. سئزه اؤیرَده‌جیم کی، نه اده‌سئنئز.
[16] سنئن عوضئنه خالقلا هارون دانیشاجاق. او سنئن اوچون آغیز اولاجاق، سن ده اونون اوچون تاری کئمی اولاجاقسان.
[17] بو دَیَنَکی اَلئنده گؤتوره‌جکسن کی، اونونلا علامتلر گؤرسده‌سن.»
[18] او واخت موسا اورادان گتدی و قاییناتاسی یئترونون یانینا قاییدیب ددی: «ائجازه ور قاییدیب مئصئرده‌کی قارداشلاریمین یانینا گدئم، گؤروم حله صاغ-سالاماتدیرلار، یا یوخ؟» یئترون موسایا ددی: «سالامات گت.»
[19] مئدیان تورپاغیندا رب موسایا ددی: «مئصئره قاییت، چونکی سنئن جانینی آلماق ائسته‌ین آداملارین هامیسی اؤلوب.»
[20] بله‌جه موسا آروادینی و اوغوللارینی گؤتوروب اِششه‌یه مئندئردی و تارینین بویوردوغو دَیَنَکی ده اَلئنه آلیب، مئصئره قاییتدی.
[21] رب موسایا ددی: «مئصئره قاییداندا، فئرعونون حوضوروندا اونلارا بوتون او مؤجوزه‌لری گؤرسد کی، اونلارین قودرتئنی سنه ورمئشم. گؤرسد؛ آمّا من اونون اوره‌یئنی عئنادکار اده‌جیم، اله کی، او دا خالقی بوراخمایاجاق.
[22] فئرعونا دئیه‌جکسن: ”رب بله دیئر: ائسرایئل منئم اوغلوم، منئم ائلکئمدئر.
[23] سنه ددئم کی، قوی اوغلوم منه عئبادت اتمک اوچون گتسئن! آمّا سن اونا بو ائجازه‌نی ورمه‌دئن. باخ، من سنئن اوغلونو، سنئن ائلک اوغلونو اؤلدوره‌جیم.“»
[24] یولدا اوتراق اِتدئکلری واخت، رب موسایا راست گلدی و ائسته‌دی کی، اونو اؤلدورسون.
[25] او زامان صئپّورا بئر چاخماق داشی گؤتوروب، اوغلونو ختنه اتدی و ختنه اَتئنی موسانین آیاقلارینا آتیب ددی: «حقئقتن کی، سن منه قانلی بئر اَرسن.»
[26] بله‌جه، رب اوندان اَل چکدی. او زاماندا صئپّورا موسایا ختنه‌یه گؤره ددی: «سن منه قانلی بئر اَرسن.»
[27] رب هارونا ددی: «موسانین پئشوازی اوچون صحرایا گت.» هارون گدئب تارینین داغیندا قارداشینا راست گلدی و اونو اؤپدو.
[28] موسا هارونا ربّئن اونا ددئیی بوتون سؤزلری بئلدئردی کی، نجه رب اونو بو سؤزلرله و اده‌جَینه امر اتدئیی مؤجوزه‌لرله گؤندَ‌رئب.
[29] او واخت موسا و هارون گدئب، ائسرایئل اؤولادلارینین بوتون آغساقّاللارینی بئر یره ییغدیلار.
[30] هارون ربّئن موسایا ددئیی سؤزلرئن هامیسینی اونلارا ددی و خالقین موقابئلئنده علامتلر گؤرستدی.
[31] بله‌جه خالق ائناندی و او زامان کی، اشئتدئلر رب نجه ائسرایئل اؤولادلارینین قیدئنه قالیب و بونو دا کی، رب اونلارین چکدئیی اذئیّتی گؤروب، اَیئلئب پرستئش اتدئلر.