[1] «اَقاقئیا آغاجیندان بوخور یاندیرماق اوچون قوربانگاه دوزَلت.
[2] دؤرد گوشه‌لی، اوزونلوغو بئر قول‌آچ اِنی بئر قول‌آچ، بویو دا ائکی قول‌آچ اولسون، بوینوزلاری اونونلا بئر حئصّه‌دن اولسون.
[3] اونون اوستونو، هر یانینی و بوینوزلارینی، خالئص قیزیللا اؤرت و اطرافینا قیزیل قالئب قوی.
[4] بئربئرئنئن موقابئلئنده اولان ائکی یانلاردا، قالئبئن آلتینا ائکی قیزیل حالقا دوزَلت کی، اونو آپاران دئرَکلرئن کچدئیی یرلر اولسونلار.
[5] دئرَکلری اَقاقئیا آغاجیندان دوزَلت و قیزیللا اؤرت.
[6] بو قوربانگاهی شهادت ساندیغینین موقابئلئنده اولان پرده‌نئن قاباغینا، منئم سنئنله گؤروشه‌جیئم یره، کفّاره قاپاغینین قاباغینا قوی.
[7] هارون هر سحر، چیراقلاری حاضیرلادیغی زامان، قوربانگاهدا عطئرلی بوخور یاندیرسین.
[8] آخشامچاغی دا چیراقلاری حاضیرلادیغی زامان اونو یاندیرسین. بو سئزئن اوچون نسئلدن-نسئله ربّئن قاباغیندا همئشه‌لئک بوخور تقدئمی اولسون.
[9] اونون اوستونده نه یاد بوخور گتئرئن، نه یاندیرما قوربانی، نه ده تاخیل تقدئمی. مایع تقدئمی ده تؤکمه‌یئن.
[10] ائلده بئر دفه هارون گوناه اوچون کفّاره قوربانینین قانینی قوربانگاهین بوینوزلارینا چکه‌رک، قوربانگاه اوچون کفّاره اتسئن. بو قوربان گلن نسئللر اوچون اولسون. قوربانگاه رب اوچون لاپ موقدّسدئر.»
[11] سونرا رب موسایا دانیشیب ددی:
[12] «ائسرایئل اؤولادلارینی سئیاهی‌یا آلدیغین زامان، ساییلان هر بئر آدام اؤز حیاتینین عوضئنی ربّه ورسئن کی، ساییلدیقلارینا گؤره آرالاریندا بلا اولماسین.
[13] ساییلمیش آداملارا داخئل اولان هر کس یاریم شِکِل گوموش ورسئن. بو، ائیئرمی گِرادان عئبارت اولان موقدّس مکانین شِکِلئنه گؤره ساییلسین. بو یاریم شِکِل ربّئن پایی‌دیر.
[14] ائیئرمی یاشیندا و اوندان یوخاری اولان، ساییلمیش اولان هر بئر کئشی بو پایی ربّه ورسئن.
[15] حیاتلارینیزی کفّاره اتمک اوچون ربّئن پایینی ورنده، نه وارلی یاریم شِکِلدن چوخ، نه ده کاسیب یاریم شِکِلدن اَسکئک ورسئن.
[16] بو کفّاره گوموشونو ائسرایئل اؤولادلاریندان گؤتوروب حوضور چادیرینین عئبادتی اوچون تعیئن ات. بو، حیاتلارینیزین کفّاره‌سی اوچون ربّئن قاباغیندا ائسرایئل اؤولادلارینین خاطئره‌سی اولاجاق.»
[17] رب موسایا دانیشیب ددی:
[18] «یوماق اوچون بؤیوک بئر بورونج لَیَن دوزَلت. قوی آلتلیغی دا بورونجدن اولسون. اونو حوضور چادیری ائله قوربانگاهین آراسینا قوی، ائچئنی ده سو ائله دولدور کی،
[19] هارونلا اوغوللاری اَل و آیاقلارینی او سو ائله یوسونلار.
[20] اونلار حوضور چادیرینا داخئل اولدوغو زامان سویو ائله یویونسونلار، یوخسا اؤله‌جکلر. خئدمت اتمک اوچون و ربّه تقدئم توستوله‌دئب یاندیرماق اوچون قوربانگاها یاخینلاشاندا دا
[21] اَل-آیاقلارینی یوسونلار، یوخسا اؤله‌جکلر. بو هارونلا اؤولادلاری اوچون نسئلدن-نسئله ابدی قایدا اولسون.»
[22] رب موسایا ددی:
[23] «بو گؤزل عطرئیّاتلاردان گؤتور: بش یوز شِکِل دورو مور، اونون یاریسی قدر ائکی یوز اَلّی شِکِل عطئرلی دارچین، ائکی یوز اَلّی شِکِل عطئرلی قامیش
[24] و بش یوز شِکِل چئن دارچینی، هر شی موقدّس مکانین شِکِلئنه گؤره ساییلسین؛ هم ده بئر هئن زیتون یاغی.
[25] بونلاردان موقدّس مسح یاغی حاضیرلا؛ بو عطرئیّاتچینین ترتئب اتدئیی عطرئیّات، موقدّس مسح یاغی اولاجاق.
[26] همئن یاغلا بونلاری مسح ات: حوضور چادیرینی، شهادت ساندیغی،
[27] مئزی و اونون بوتون لوازئماتلارینی، چیراقدانی و اونون اشیالارینی، بوخور قوربانگاهینی،
[28] یاندیرما قوربانلاری اوچون قورولان قوربانگاهی و اونون بوتون اشیالارینی، بؤیوک لَیَنی و اونون آلتلیغینی.
[29] بله‌جه بو شیلری تقدئس ات کی، لاپ موقدّس اولسونلار؛ اونلارا توخونان هر شی موقدّس اولاجاق.
[30] هارونلا اوغوللارینی دا مسح اده‌رک تقدئس ات کی، منه کاهئنلئک اتسئنلر.
[31] ائسرایئل اؤولادلارینا بله دِه: بو سئزئن اوچون نسئلدن-نسئله منه موقدّس مسح یاغی‌دیر.
[32] بو یاغ ائنسان بدنلرئنه تؤکولمه‌سئن. ترکئبئنه گؤره، اونا بَنزه‌ر هچ نه حاضیرلامایین. بو یاغ موقدّسدئر؛ اونو موقدّس سایین.
[33] اونا بَنزه‌رئنی تَرتئب ادن و یا اونو اؤزگه آدامین اوستونه سورتَن هر کس، خالقی آراسیندان قووولسون.»
[34] سونرا رب موسایا ددی: «بو عطئرلی مادّه‌لردن گؤتور: قارا کوندور، اونئکا، خوش عطئرلی رزه‌نه، خالئص کوندور؛ هر شی برابر مئقداردا اولسون.
[35] بونلاردان بوخور حاضیرلا؛ عطرئیّاتچینین ترتئب اتدئیی بو قاتیشیق دوزلو اولمالی و تمئز و موقدّسدئر.
[36] اوندان بئر قدر نارین دؤی و شهادت ساندیغینین قاباغیندا منئم سنئنله گؤروشه‌جیئم یر اولان حوضور چادیرینا قوی. بو سئزئن اوچون لاپ موقدّس اولسون.
[37] حاضیرلادیغین بوخورون ترکئبئنه گؤره اؤزونوز اوچون بوخور حاضیرلامایین؛ بو سنئن اوچون ربّه موقدّسدئر.
[38] هر کس کی، عطئرلی اولماق اوچون اونا بَنزه‌رئنی حاضیرلاسا، خالقینین آراسیندان قووولسون.»