[1] رب موسایا ددی: «اَوّلکئلره بَنزه‌ر ائکی داش لؤوحه یون؛ سیندیردیغین اَوّلکی لؤوحه‌لرده یازیلان سؤزلری، بو لؤوحه‌لرئن اوستونده یازاجاغام.
[2] سحره حاضیر اول و سحر سئنا داغینا چیخ. اورادا داغین باشیندا منئم حوضورومدا دور.
[3] قوی هچ کس سنئنله چیخماسین و داغین هچ یرئنده هچ بئر آدام گؤرونمه‌سئن. او داغین اَته‌یئنده نه قویون-کچی اوتلاسین نه ده مال-حیوان.»
[4] رب اونا بویوردوغو کئمی، موسا اَوّلکئلره بَنزه‌ر ائکی داش لؤوحه یوندو و سحر اِرکَن قالخدی و الئنده ائکی داش لؤوحه‌نی گؤتوروب سئنا داغینا چیخدی.
[5] رب بولوددا اِنئب، اورادا موسا ائله دوردو و رب اولان اؤز آدینی اعلان اتدی.
[6] سونرا موسانین قاباغیندان کچه‌رک ددی: «رب منم، رحملی و فیضلی رب تاری، حدسئز صبئرلی، محبّت و حقئقتله دولو.
[7] مئنلر نسئله قدر محبّتی گؤرسده‌رم، تقصئری، عوصیانی و گوناهی باغیشلایارام؛ لاکئن خاطاکاری جزاسیز قویمارام، آتالارین جزاسینی اوچ-دؤرد نسئله قدر اوغوللارینا و نوه-نتئجه‌لرئنه گتئره‌رم.»
[8] موسا فورَن یره دؤشه‌نئب سجده اتدی.
[9] سونرا موسا ددی: «ای پروردئگار، اگر گؤزونده لوطف تاپمیشام، یالواریرام، قوی رب بئزئم آرامیزدا اولسون. بو خالق دیکباش اولسا دا، تقصئرئمئزله گوناهیمیزی باغیشلا و بئزه صاحئب اول.»
[10] رب موسایا ددی: «باخ، من ائندی عهد باغلاییرام. خالقین هامیسینین قاباغیندا اله مؤجوزه‌لر اده‌جیم کی، بله‌سی دونیادا هچ بئر یرده هچ مئلّت آراسیندا یارانماییب. سئزئن اطرافینیزداکی بوتون خالقلار ربّئن ائشئنی گؤره‌جکلر. چونکی منئم سنئن اوچون اده‌جیئم شی قورخولودور.
[11] منئم سئزه بو گون وردئیئم امری رئعایت ادئن. باخ، من قاباغینیزدان اِمورلولاری، کَنَعانلی‌لاری، خئتلی‌لری، پِرئزلی‌لری، خئولی‌لری و یِبوسلولاری قووورام.
[12] اؤزونوزو گئردئیئنئز تورپاغین ساکئنلری ائله عهد باغلاماقدان گؤزله‌یئن کی، او سئزئن آرانیزدا بئر تله اولماسین.
[13] اونلارین قوربانگاهلارینی سؤکون، موقدّس سوتونلاری سیندیرین، اَشئره بوتلرئنی کسئن.
[14] آیری بئر آللاها سجده اتمه‌یئن، چونکی ربّئن آدی قیرتدئر، او قیرتلی تاریدیر.
[15] مبادا او تورپاغین ساکئنلری ائله عهد باغلایاسینیز و اونلار اؤز آللاهلاری ائله زئنا ادئب اونلارا قوربان کَسن واخت، سئزی ده دعوت اده‌لر کی، اونلارین قوربانلاریندان یئیه‌سئنئز؛
[16] اونلارین قیزلارینی اؤز اوغوللارینیزا آرواد آلمایین کی، اونلار اؤز آللاهلاری ائله زئنا ادئب سئزئن اوغوللارینیزی دا او آللاهلارا زئنا اتمیه چکمه‌سئنلر.
[17] اؤزونوز اوچون تؤکمه آللاهلار دوزَلتمه‌یئن.
[18] مایاسیز چؤرک بایرامینی توتون. من سئزه امر اتدئیئم کئمی، آبئب آییندا تعیئن اولونموش واختدا یدّی گون مایاسیز چؤرک ییئن، چونکی آبئب آییندا مئصئردن چیخدینیز.
[19] بوتون ائلک دوغولان اوغلانلار و بوتون حیوانلارینیزین، ائستر مال-حیوانینیزین، ائستر قویون-کِچئنئزئن ائلک دوغولان اِرکَک بالالاری منئمدئر.
[20] ائلک دوغولان اِششَک بالاسی عوضئنه بئر قوزو ورئن. اگر عوضئنی ورمه‌یه‌سئنئز، بوینونو سیندیرین. آرانیزدا هر آدامین ائلک اوغلونون عوضئنی ورئن. هچ کس حوضورومدا اَلی‌بوش گؤرونمه‌سئن.
[21] آلتی گون ائشلرئنئزی گؤرون، آمّا یدّئنجی گون ائستئراحت ادئن. شوخوم و بئچئن واختلاری دا بله ائستئراحت ادئن.
[22] بوغدا بئچئنئن نوباری ائله هفته‌لر بایرامینی ساخلایین. ائلئن آخیریندا دا ییغیم بایرامینی توتون.
[23] ائلده اوچ دفه سئزئن بوتون کئشئلرئنئز، پروردئگار رب، ائسرایئلئن تاریسینین حوضورونا گلسئنلر.
[24] چونکی من سئزئن قاباغینیزدان مئلّتلری قوواجاغام و سرحدلرئنئزی گِنئشلَندئره‌جیم و سئز ائلده اوچ دفه اؤز تارینیز ربّئن حوضوروندا گؤرونمک اوچون گلنده، هچ کس سئزئن تورپاغینیزا طاماح سالمایاجاق.
[25] منه گتئرئلن قوربانین قانینی مایالی چؤرکله تقدئم اتمه‌یئن. پاسخا بایرامینین قوربان اَتی سحره قدر قالماسین.
[26] تورپاغینین نوبارینین ائلک حئصّه‌سئنی تارینیز ربّئن معبدئنه گتئرئن. کچی بالاسینی آناسینین سودونده پئشئرمه‌یئن.»
[27] رب موسایا ددی: «بو سؤزلری یاز، چونکی بو کلمه‌لره موطابئق، سن و بوتون ائسرایئل‌له عهد باغلامیشام.»
[28] بله‌جه، موسا ربله قیرخ گون-قیرخ گجه قالدی. بو مودّت عرضئنده موسا هچ چؤرک یمه‌دی، هچ سو دا ائچمه‌دی. او، لؤوحه‌لرئن اوستونده عهدئن سؤزلرئنی، اون فرمانی یازدی.
[29] موسا الئنده ائکی شهادت لؤوحه‌سئنی توتوب، سئنا داغیندان اِنَنده بئلمئردی کی، ربله دانیشدیغینا گؤره، اوزو نور ساچیر.
[30] هارون و بوتون ائسرایئل اؤولادلاری موسانین اوزونو نور ساچان گؤردولر و اونا یاخینلاشماقدان قورخدولار.
[31] موسا اونلاری چاغیردی و هارونلا بوتون جاماعات باشچیلاری اونون یانینا قاییتدیلار و موسا اونلارلا صؤحبت اتدی.
[32] سونرا بوتون ائسرایئل اؤولادلاری اونا یاخینلاشدیلار. موسا اونلارا امر اتدی کی، ربّئن سئنا داغیندا اونا دانیشدیغینا عمل اتسئنلر.
[33] موسا صؤحبتئنی اونلارلا قورتاراندا اوزونه بئر نئقاب چکدی.
[34] موسا ربّئن حوضورونا اونونلا دانیشماق اوچون گِدنده، نئقابی چیخاردیب، قاییداناجاق نئقابسیز اولاردی. چیخاندا اونا نه امر اولوندوغونو، ائسرایئل اؤولادلارینا نقل اده‌ردی.
[35] ائسرایئل اؤولادلاری دا موسانین اوزونون نور ساچدیغینی گؤرَردئلر. سونرا موسا ائچه‌ری گئرئب ربله دانیشانا قدر نئقابی اوزونه چَکَردی.