[1] رب موسایا ددی: «فئرعونون یانینا گدئب اونا دِه: ”رب بله دیئر: خالقیمی آزاد بوراخ کی، منه عئبادت اتسئن!
[2] اگر خالقیمی بوراخماقدان ائمتئناع اده‌سن، من سنئن بوتون تورپاغینی قورباغالارلا دولدوروب بلایا سالاجاغام.
[3] چای قورباغالارلا قایناشاجاق و اورادان چیخیب سنئن ساراییندا، یاتاق اوتاغیندا، یاتاغینین اوستونده گزه‌جکلر. اعیانلارینین و خالقینین اِولرئنه، تَندئرلرئنه و خمئر تَکنه‌لرئنه گئره‌جکلر.
[4] سنئن اوستونه، خالقینین اوستونه، و بوتون اعیانلارین اوستونه قورباغالار چیخاجاقلار.“»
[5] رب موسایا ددی: «هارونا بله دِه: ”دَیَنکئنی گؤتور و اَلئنی چایلارین، آرخلارین و گؤلمَچه‌لرئن اوستونه اوزات. قوی مئصئر تورپاغی قورباغالارلا دولسون.“»
[6] هارون اَلئنی مئصئر سولاری اوستونه اوزاتدی و اورادان قورباغالار چیخیب مئصئر تورپاغینی بورودولر.
[7] سِحربازلار دا اؤز سِحرلری ائله بله اتدئلر و مئصئر تورپاغینا قورباغالار یتئردئلر.
[8] فئرعون موسانی و هارونو چاغیریب ددی: «ربّه یالوارین کی، قورباغالاری مندن و خالقیمدان رَدّ اتسئن، اوندا خالقی بوراخارام کی، ربّه قوربان تقدئم اتسئن.»
[9] موسا فئرعونا ددی: «دانیش، نه واخت سنئن، اعیانلارین و خالقین اوچون یالواریم کی، قورباغالار سندن و اِولرئندن یوخ اولسونلار و آنجاق چایدا قالسینلار؟»
[10] فئرعون ددی: «صاباح.» موسا ددی: «سن ددئیئن کئمی اولسون؛ بوندان بئله‌جکسن کی، تاریمیز ربّه بَنزه‌ر هچ تاری یوخدور!
[11] قورباغالار سندن، اِولرئندن، اعیانلاریندان و خالقیندان رَدّ اولوب آنجاق چایدا قالاجاقلار.»
[12] موسا و هارون فئرعونون یانیندان چیخدیلار. موسا فئرعونون اوستونه گؤندَردئیی قورباغالارا گؤره ربّه یالواردی.
[13] رب ده موسانین سؤزونه عمل اتدی. اِولرده، حیطلرده، زَمئلرده اولان قورباغالار اؤلدولر.
[14] اونلاری قالاق-قالاق ییغدیلار و تورپاق قوخوماغا باشلادی.
[15] آنجاق فئرعون گؤرَ‌نده کی، وضعئیّت یونگوللَشئب، ربّئن ددئیی کئمی اوره‌یئنی عئنادکار اتدی و اونلارا قولاق آسمادی.
[16] رب موسایا ددی: «هارونا بله دِه: ”دَیَنَکئنی اوزادیب یرئن توزونا وور کی، او بوتون مئصئر اؤلکه‌سئنده میغمیغالارا دؤنسون.“»
[17] اونلار بله ده اتدئلر. هارون اَلئنده‌کی دَیَنَکئنی اوزادیب یرئن توزونا ووردو و ائنسانلارین دا، حیوانلارین دا اوستونه میغمیغالار قوندو. بوتون مئصئر تورپاغیندا یرئن توزو میغمیغایا دؤندو.
[18] سِحربازلار دا ائسته‌دئلر کی، اؤز سِحرلری ائله میغمیغالار گتئرسئنلر. لاکئن بونو باجارمادیلار. ائنسانلارین دا، حیوانلارین دا اوستونه میغمیغالار قوندو.
[19] سِحربازلار فئرعونا ددئلر: «بوندا تارینین اَلی وار.» لاکئن ربّئن ددئیی کئمی، فئرعونون اوره‌یی عئنادکار اولدو و فئرعون اونلارا قولاق آسمادی.
[20] رب موسایا ددی: «سحر تزدن چیخ. او زامان کی، فئرعون سویا طرف گدئر، اونون موقابئلئنه گدئب بله دِه: ”رب بله دیئر: خالقیمی آزاد بوراخ کی، منه عئبادت اتسئن!
[21] اگر اونلاری بوراخماقدان ائمتئناع اده‌سن، سنئن، اعیانلارینین و خالقینین اوستونه و اِولرئنئن ائچئنه چئبئن ییغینلاری گؤندَ‌ره‌جیم. مئصئرلی‌لرئن اِولری، یاشادیقلاری تورپاق چئبئنلرله دولاجاق.
[22] لاکئن او گون خالقیمین یاشادیغی گوشِن وئلایتئنی آییراجاغام کی، اورادا چئبئنلر اولماسین؛ بوندان بئله‌جکسن کی، بو اؤلکه‌ده رب منم.
[23] سنئن خالقینلا اؤز خالقیم آراسیندا فرق قویاجاغام. بو علامت صاباح اولاجاق.“»
[24] رب بله ده اتدی. فئرعونون سارایینی، اعیانلارینین اِولرئنی، بوتون مئصئر تورپاغینی، آغیر چئبئن ییغینی باسدی. چئبئنلرئن الئندن اؤلکه وئران اولدو.
[25] فئرعون موسانی و هارونو چاغیریب ددی: «گدئن، بو اؤلکه‌ده اؤز تارینیزا قوربان تقدئم ادئن.»
[26] آمّا موسا ددی: «بله اتمک اولماز، چونکی بئزئم تاریمیز ربّه قوربان کسمه‌یئمئز مئصئرلی‌لری ائیرندئره‌جک. اگر مئصئرلی‌لرئن قاباغیندا بئز ائیره‌ندئرن قوربانلار کَسَک، مگر اونلار بئزی داشا باسمازلار؟
[27] بئز ائسته‌یئرئک کی، صحرادا اوچ گون یول گدک و تاریمیز ربّئن بئزه امر اتدئیی کئمی قوربان تقدئم ادک.»
[28] فئرعون ددی: «من سئزی آزاد بوراخیرام کی، صحرادا تارینیز ربّه قوربان گتئره‌سئنئز، آمّا چوخ اوزاغا گتمه‌‌یه‌جکسئنئز. منئم اوچون ده یالوارین.»
[29] موسا ددی: «باخ، من سنئن یانیندان گدئرم. ربّه یالواراجاغام کی، صاباح چئبئن ییغینلاری فئرعونو، اعیانلارینی و خالقینی ترک اتسئن؛ آمّا مبادا فئرعون گئنه ده بئزی آلداتسین و خالقی بوراخماسین کی، ربّه قوربان تقدئم اتسئن.»
[30] موسا فئرعونون یانیندان گدئب ربّه یالواردی.
[31] رب موسانین سؤزونه عمل اتدی. فئرعونو، اعیانلارینی و خالقینی چئبئنلردن قورتاردی؛ بئری ده قالمادی.
[32] آمّا بو دفه ده فئرعون اوره‌یئنی عئنادکار اتدی و خالقی آزاد بوراخمادی.